বিচের গুরিয়্যেগুন 4:1 - Chakma Bible

¹ এহূদে মুরিবার পরেন্দি ইস্রায়েলীয়গুনে আরঅ‌ লগেপ্রভুর চোগেন্দি যিয়েনি ভাজ্‌ন্যেই সিয়েনি গরা ধুরিলাক্‌।

বিচের গুরিয়্যেগুন 4:1 ပူးပေါင်းရင်းမြစ်များ

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

ইব্রীয় 11:32

ইয়েনত্তুন্ বেশ্ মুই আর কি কোম? গিদিয়োন, বারক, শিম্‌শোন, যিপ্তহ, দায়ূদ, শমূয়েল আর ভাববাদীগুনোর্ কধা কবার্ সময় মর্ নেই।

ইব্রীয় 11:33

বিশ্বেজর্ মাধ্যমে তারা রেজ্য জিত্যন্, দোল্ বিচের্ গোজ্জ্যন, গোজেন এগেমর্ পূর্ণতাগান লাভ গোজ্জ্যন, সিংহগুনো মুয়োন বন্ধ গোজ্জ্যন্,

বিচের গুরিয়্যেগুন 10:6

সে পরেন্দি ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই আরঅ সিয়েনি গরা ধুরিলাক্‌। তারা বাল দেবেদাগুনোরে আর অষ্টারোৎ দেবীগুনোর আহ্‌ অরামীয়, সীদোনীয়, মোয়াবীয়, অম্মোনীয় আর পলেষ্টীয়গুনোর দেব-দেবেদাগুনোরে পূজো গরা ধুরিলাক্‌। ইঙিরিনে ইস্রায়েলীয়গুনে লগেপ্রভুরে ছাড়ি গেলাক্‌ আর তারে সেবা ন-গুরিলাক্‌।

বিচের গুরিয়্যেগুন 2:11

লগেপ্রভুর চোগোত্‌ যিয়েনি ভাজ্‌ন্যেই তারা সিয়েনিই গুরিদাক্‌। তারা বাল দেবেদাগুনোরে পূজো গুরিদাক্‌।

বিচের গুরিয়্যেগুন 3:12

পরেদি লগেপ্রভুর চোগোত্‌ যিয়েনি ভাজ্‌ন্যেই ইস্রায়েলীয়গুনে আরঅ সিয়েনিই গরা ধুরিলাক্‌। সেনত্তেই লগেপ্রভু মোয়াবর রাজা ইগ্লোনরে ইস্রায়েলর বিরুদ্ধে বোলী গুরি তুলিলো।

বিচের গুরিয়্যেগুন 3:7

ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই সিয়েনি গত্তাক্‌। তারা তারার্‌ গোজেন লগেপ্রভুরে ভুলি যেইনে বাল দেবেদাগুনোরে আর আশেরা দেবীগুনোরে পূজো ধুরিলাক্‌।

বিচের গুরিয়্যেগুন 6:1

পরেন্দি ইস্রায়েলীয়গুনে আরঅ লগেপ্রভুর চোগোত্‌ যিয়েনি ভাজ্‌ন্যেই সিয়েনিই গরা ধুরিলাক্‌। সেক্কে তে মিদিয়নীয়গুনোর আঢত্‌ তারারে তুলি দিলো আর তারা সাত বজর সং তারার্‌ অধীনোত্‌ এলাক্‌।