বিচের গুরিয়্যেগুন 3:2 - Chakma Bible

² ইস্রায়েলীয়গুনোর গুট্টিগুনে যিগুনে আগেন্দি কনঅ‌ দিনঅ যুদ্ধো ন-গরন্‌ তারারে যুদ্ধোর্‌ পৌইদ্যেনে শিক্ষিত গুরি তুলিবাত্তে তে সেধোক্কেন্‌ গুরিলো।

বিচের গুরিয়্যেগুন 3:2 ပူးပေါင်းရင်းမြစ်များ

পত্থম 2:17

মাত্তর্‌ গম্-ভান্ন্যেই-জ্ঞানর যে গাজ্‌চুয়ো আঘে সিবের্ গুলোগুন তুই হেই ন-পারিবে, কিত্তে যেদিন্যে তুই সে গুলোগুন হেবে সেদিন্যে ঘেচ্চেকগুরি তুই মুরি যেবে।

পত্থম 3:5

গোজেনে হবর্ পায়, যেদিন্যে তুমি সেই গাজ গুলোগুন হেবা সেদিন্যে তমা চোখ্‌কুন্ খুলি যেবঅ। সেক্কে গম-ভান্ন্যেয়র জ্ঞান পেইনে তুমি গোজেন ধোক্ক্যেন অবা।”

পত্থম 3:7

ইয়োত্ সেক্কেনে তারার দ্বি-জনর চোখ্‌কুন্ খুলি গেলঅ। তারা বুঝি পারিলাক্‌, তারা লাঙ্‌দা-বাঙ্‌দা আগন্‌। সেক্কে তারা কয়েক্কান ডোমোর গাজঅ পাদা এগত্তর্ গুরি নেযেইনে নিজোত্যে থৈল্যেকানি ধোক্ক্যেন বানেলাক্।

২ বংশধর 12:8

মাত্তর্‌ তারা তা অধীনোত্‌ অবাক্‌। সেক্কে তারা মরে সেবা গুরিবার আর অন্য দেজর্‌ রাজাগুনোরে সেবা গুরিবার মাধ্যমে যে ফারক্কান্‌ রোইয়্যে সিয়েন্‌ বুঝি পারিবাক্‌।”

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

১ তীমথিয় 6:12

খ্রীষ্ট উগুরে বিশ্বেজত্যে তার্ পক্ষে মনে-পরাণে যুদ্ধো চালেই যাহ্। যে উমর্‌অ জিংকানিত্যে গোজেনে তরে ডাক্ক্যে সেই উমর্‌অ জিংকানিগান ধুরি রাগা। তুই বোউত্ মান্‌জ্য মুজুঙোত্ তর বিশ্বেজর্ সাক্ষ্য দুয়োচ্।

২ তীমথিয় 2:3

খ্রীষ্ট যীশুর এক্কো যগাজ্জ্যে সৈনিক ধোক্ক্যেন তুই আমা লগে কষ্ট সোজ্জ্য গর্।

২ তীমথিয় 4:7

খ্রীষ্টর্ পক্ষে মুই মনে-পরাণে যুদ্ধ গোজ্জ্যং, মত্যে ঠিগ্ গোজ্জ্যে পধ্‌তানর্ থুম্ সং ধাবা দুয়োং আর খ্রীষ্টীয় ধর্ম-বিশ্বেজ্‌চানরে ধুরি রাগেয়োং।

বিচের গুরিয়্যেগুন 3:1

যিদুক্কুন্‌ ইস্রায়েলীয়র কনান দেজর্‌ কনঅ‌ যুদ্ধোর্‌ অভিজ্ঞতা ন-এলঅ‌ তারারে পোরোক্ষেত্‌ ফেলেইনে শিক্ষ্যে দিবাত্তে লগেপ্রভু কয়েক্কো জাদরে দেজ ভিদিরে রাগেল।

বিচের গুরিয়্যেগুন 3:3

সে জাদ্‌তুন্‌ অলাক্‌, পলেষ্টীয়গুনে আর তারার্‌ পাচজন শাজন্‌গুরিয়্যে, বেক্‌ কনানীয়গুনে আর সীদোনীয়গুনে আহ্‌ হিব্বীয়গুনে। বাল্‌-হর্মোণ মুড়োত্তুন হমাৎ আদামান সং লেবাননর যে মুড়ো-মুড়ি চাগালাগান আঘে এ হিব্বীয়গুনে সিদু থেদাক্‌।