বিচের গুরিয়্যেগুন 3:16 - Chakma Bible

¹⁶ তে এক আঢ্ লাম্বা দ্বিকিত্তেন্দি ধারেয়্যে এক্কান্‌ ছুড়ি বানেইনে তা কাবড়ানর্‌ তলে ডেন্‌ টেঙর্‌ নলাপেদত্‌ বানি নিলো।

বিচের গুরিয়্যেগুন 3:16 ပူးပေါင်းရင်းမြစ်များ

২ শমূয়েল 20:8

তারা গিবিয়োনর দাঙর্‌ সিল্লো ইদু লুমোনার্‌ পরেন্দি অমাসার লগে তারার্‌ দেগা অলঅ। যোয়াবর কিয়্যেত্‌ এলদে সেক্কে সৈনিগোর্‌ পোজাক্‌ আর তা কমরত্‌ কমর্-বিজোনী লগে বান্যে এলদে খৈল্যেবো ভিদিরে ছুরিগান। তে উজেই গেলে খৈল্যেবোত্তুন্‌ ছুরিগান মাদিত্‌ পড়িলো।

গীতসংহিতা 149:6

তারার্ মুয়োনিত্ গোজেনরে নাঙ্ গিনেনান্ থোক্ আর আঢত্ থোক্ দ্বিকিত্তেন্দি ধার্‌বলা তলোয়ার,

গীতসংহিতা 45:3

ও বীর, তঅ কমরত্ লাম্বা ছুড়িগান বানি নেযা; বাঈনী আর মহিমার সাজে তুই সাজি নেযা।

পরমগীত 3:8

তারার্ বেক্কুনো সমারে তলোয়ার্ আঘে, যুদ্ধোত্ তারা বেক্কুনে কাবিল্; তলোয়ারান্ কমরত্ বানি নেযেইনে তারা বেক্কুনে যুক্কোল্ আগন্ রেদোর্ দযাগানত্তে।

ইব্রীয় 4:12

গোজেনর্ কধানি খেমতাবলা আর কামগরে আর দ্বি' কিত্ত্যেদি ধার্ আঘে এমন্‌ ছুরিত্তুন্-অ বেশ্ ধারেয়্যে। এ কধানি মান্‌জ্যর রিবেঙ-আত্মা আর আহ্‌র্-মগজ মূঢ়োত্ সং যায় আর মান্‌জ্যর রিবেঙর্ বেক্‌ আওজ্‌‌চানি আর চিদে চজ্জানি পোরোক্ষ্যে গুরি চায়।

ফগদাং পেইয়্যে 1:16

তে তার্ ডেন্ আঢেদি সাত্‌টো তারা ধুরি থোইয়্যে আর তা মুয়োত্তুন্ এক্কান ধার্ ছুরি নিগিলি এজের্ যিয়েনর্ দ্বিয়ো কিত্ত্যেদি ধার্ এলঅ। ভারী তেজে জ্বোল্‌জোল্ল্যে বেলান ধোক্ক্যেন তা মুয়ো চেঙারাগান এলঅ।

ফগদাং পেইয়্যে 2:12

পর্গাম শঅরর্ মন্ডলী দূত্‌তো ইধু এ কধাগান লেগ- যে ধারেয়্যে ছুরিগানর্ দ্বিয়ো কিত্ত্যেদি ধার্ আঘে সিয়েনর অধিকারী এ কধাগান কত্তে:

বিচের গুরিয়্যেগুন 3:15

ইয়েনর্‌ পরেন্দি ইস্রায়েলীয়গুনে আর লগেপ্রভু ইদু কানাকুদি গরা ধুরিলাক্‌, আর তে তারাত্তেই এহূদ নাঙে এক্কো উদ্ধোরগুরিয়্যে জর্মেই দিলো। তে অলদে বিন্যামীন-গুট্টির গেরার পূঅ। তে বাঁঙ্‌ আদেন্দি কাম্‌ গুরিদো। মোয়াবর রাজা ইগ্লোনরে খাজানা দিবাত্তে ইস্রায়েলীয়গুনে তারে পাধেই দিলাক্‌।

বিচের গুরিয়্যেগুন 3:17

তে যেইনে মোয়াবর রাজা ইগ্লোনরে সেই খাজানাগুন্‌ দিলো। রাজা ইগ্লোনে অলদে অমকদ পক্তা।

বিচের গুরিয়্যেগুন 3:21

আহ্‌ এহূদে বাঁঙ্‌ আঢ্‌তান্দোই তার্‌ ডেন্‌ ডাগেন্দি নলাপেদত্তুন্‌ ছুড়িগান টানি নিগিলেনেই রাজার পেদত্‌ সিয়েন্‌ ভোরেই দিলো।