বিচের গুরিয়্যেগুন 3:12 - Chakma Bible

¹² পরেদি লগেপ্রভুর চোগোত্‌ যিয়েনি ভাজ্‌ন্যেই ইস্রায়েলীয়গুনে আরঅ সিয়েনিই গরা ধুরিলাক্‌। সেনত্তেই লগেপ্রভু মোয়াবর রাজা ইগ্লোনরে ইস্রায়েলর বিরুদ্ধে বোলী গুরি তুলিলো।

বিচের গুরিয়্যেগুন 3:12 ပူးပေါင်းရင်းမြစ်များ

২ রাজাবলী 5:1

নামানে এলদে অরামর রাজার সৈন্যদলর সেনাপতি। তা গিরোজ্‌সোর্‌ চোগোত্‌ তে এলদে এক্কো দাঙর্‌ আর সর্মানিত মানুচ্‌, কিত্তে তারে দিইনে লগেপ্রভু অরামরে জিদেই দিয়্যে। তে এলদে এক্কো বীর যোদ্ধা, মাত্তর্‌ তা কিয়্যেত্‌ এলদে ফারাঙিরুগ্‌।

যাত্রা 9:16

মাত্তর্‌ মুই তরে বাজেই রাগেয়োং যেনে তরে মঅ বলান্‌ দেগেই পারং আর গোদা পিত্‌থিমীত্‌ যেন মঅ নাঙান্‌ ফগদাঙ্‌ অয়।

যিশাইয় 10:15

কুড়োলানে কি গাজ্ কাবিয়্যেবো উগুরে নিজোরে তুলে বা আড়াগানে কি গাজ-মিস্ত্রিবো মুজুঙোত্ বড়াই গরে? না, সিয়েন ওই ন-পারে। লুদিক্কো লুদিক্ বলাবোরে চালেই ন-পারে আর মুগোর্‌‌‌‌বো মুগোর্ বলাবোরে ঘুরেই ন-পারে, কিত্তে মুগোর্ বলাবো দঅ তক্তা জিনিস নয়।

যিশাইয় 37:26

তুই কি ন-শুনোচ্, বোউত্ আগে মুই সিয়েনি ঠিগ্ গুরি রাগেয়োং, বোউত্ আগেদি মুই সিয়েনির পরিকল্পনা গোজ্যং? আর ইক্কিনে মুই সিয়েনি ঘোদেলুং। সেনত্তে দঅ তুই দেবাল্-ঘিজ্যে শঅরানি পাত্তরর কুর্ গুরি পাজ্যস্।

যিহিষ্কেল 38:16

দেজ্‌‌‌চান মেঘ ধোক্ক্যেন গুরি নাঢি ফেলেবাত্তে তুই মঅ মানুচ্ ইস্রায়েল বিরুদ্ধে উজেই এবে। ও গোগ, শেজ্ কালত্ মুই মঅ দেজ্‌‌‌‌‌চান বিরুদ্ধে তরে আনিম। সেক্কে মুই জাদ্‌‌‌‌‌তুনোর চোগো মুজুঙোত্ তঅ ভিদিরেদি নিজোরে সুদ্ধো-সাংগ বিলি দেগেম্ যেনে তারা মরে হবর্ পান।

দানিয়েল 4:22

তুই, ও মহারাজ, তুয়ই সেই গাজ্। তুই দাঙর্ আর খেমতাবলা ওইয়োচ্; তঅ খেমতাগান্ বাড়িনে আগাজ সং লুম্মেগোই আর তঅ রেজ্যগান পিত্‌থিমীর শেজ্ দুযি সং ছিদি যেইয়্যে।

দানিয়েল 5:18

ও মহারাজ, দাঙর্ গোজেনে তঅ আজু নবূখদ্‌‌‌নিৎসররে রেজ্য, খেমতা, বাঈনীপানা আর সয়-সাগোজ্যে দিয়্যে।

হোশেয় 6:4

লগেপ্রভু কত্তে, ও ইফ্রয়িম, মুই তরে নিইনে কি গুরিম? ও যিহূদা, তরে নিইনে বা মুই কি গুরিম? তর্ বিশ্বেজ্‌‌‌‌চান বেন্যেমাদান কুয়ো ধোক্ক্যেন, সিয়েন বেন্যেমাদান শিরো পানি ধোক্ক্যেন যিয়েন যাদিমাদি শুগেই যায়।

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

বিচের গুরিয়্যেগুন 2:11

লগেপ্রভুর চোগোত্‌ যিয়েনি ভাজ্‌ন্যেই তারা সিয়েনিই গুরিদাক্‌। তারা বাল দেবেদাগুনোরে পূজো গুরিদাক্‌।

বিচের গুরিয়্যেগুন 2:14

সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।

বিচের গুরিয়্যেগুন 2:19

মাত্তর্‌ সেই শাজন্ গুরিয়েবো মুরি গেলে মানুচ্চুনে আর দেব-দেবেদাগুনোর্‌ ইন্দি মনান্‌ দিদাক্‌ আর তারারে সেবা আহ্‌ পূজো গুরিনে তারার্‌ পূরোণি মানুচ্চুনোত্তুন্‌ বেশ্‌ আরঅ‌ বজং পদেন্দি ফিরি যেদাক্‌। তারা কনবাবদে তারার্‌ ভাজ্‌ন্যেই হাচ্যত্‌ আর একগঙ্যা পথ্‌তান্‌ ন-ছাড়িদাক্‌।

বিচের গুরিয়্যেগুন 3:11

কনষর গুট্টি অৎনীয়েলর মরণ সং দেজত্‌ চোল্লিশ বজর সুখ-শান্দি এলঅ‌।

১ শমূয়েল 12:9

মাত্তর্‌ তারা তারার গোজেন লগেপ্রভুরে ভুলি গেলাক্। সেনত্তেই তে চাগর্‌ অবাত্তে হাৎসোরর সেনাপতি সীষরার আঢত্‌, পলেষ্টীয়গুনোর আঢত্‌ আর মোয়াব দেজর রাজাবোর আঢত্‌ তারারে তুলি দিলো। তমার পুরোণি মানুচ্চুনো সমারে তারা যুদ্ধো গুরিলাক্।