বিচের গুরিয়্যেগুন 21:7 - Chakma Bible

⁷ মাত্তর্‌ যিগুন রোইয়োন কিঙিরিনে আমি তারারে বৌর্‌ বেবস্থা গুরিবোং? আমি দঅ লগেপ্রভুর নাঙে শমক্‌ গোজ্যেই, আমার কনঅ মিলেরে তারার লগে বৌ ন-দিবোং।”

বিচের গুরিয়্যেগুন 21:7 ပူးပေါင်းရင်းမြစ်များ

বিচের গুরিয়্যেগুন 21:1

ইস্রায়েলীয়গুনে আগেন্দি মিস্পাদত্‌ শমক্ হেইনে কোইয়োন, তারা ভিদিরে কনঅ জনে বিন্যামীন-গুট্টির কনঅ মান্‌জ্যর লগে ঝি-গুনোরে বৌ ন-দিবাক্‌।

বিচের গুরিয়্যেগুন 21:18

আমা মিলেগুনোরে দঅ তারার্‌ লগে বৌ-দি ন-পারিই, কিত্যে আমি শমক্‌ খেইনে কোইয়্যেদে, কনঅ জনে যুনি কনঅ বিন্যামীনীয়রে মিলে দে সালে তে অভিশাব্‌ পেবঅ।”

বিচের গুরিয়্যেগুন 21:22

যেক্কে তারার বাপ্পুনে বা ভেইয়ুনে আমা ইদু বিচের্‌ দিবাত্তে এবাক্‌ সেক্কে আমি তারারে কবং, ‘তুমি এ মিলেগুনোরে দান গুরিনে আমা পক্ষেন্দি তারা উগুরে দোয়্যে দেগঅ। যুদ্ধোত্‌ আমি তারাত্তে সিদুক্কুন্‌ মিলে ন-পেই। ইয়েন পৌইদ্যেনে তমার্‌ কনঅ্‌ দুষ নেই, কিত্যে তুমি নিজে দঅ তমার্‌ মিলেগুনোরে তারারে ন-দুয়ো।’”

বিচের গুরিয়্যেগুন 21:6

তারা তারার ভেই বিন্যামীনীয়গুনোত্তে আবিলেচ্‌ খেইনে কলাক্‌, “ইস্রায়েলীয়গুনো ভিদিরেত্তুন এচ্চ্যে এক্কো গুট্টিরে তুলি ফেলা ওইয়্যে।

বিচের গুরিয়্যেগুন 21:8

তারা একজন আরেকজনরে পুজোর্‌ গুরিলাক্‌, “ইস্রায়েলীয় গুট্টি ভিদিরে এধোক্ক্যেন্‌ কি কনঅ মানুচ্‌ আগন্‌, যে মিস্পাত্‌ লগেপ্রভুর ইদু আঝিল্ ন-অয়?” সেক্কে তারা হবর্‌ পেলাক্‌, যাবেশ-গিলিয়দত্তুন কনজনে সিদু ন-যান,

১ শমূয়েল 14:45

মাত্তর্‌ মানুচ্চুনে শৌলরে কলাক্, “কি? যিবেত্যে ইস্রায়েলীয়গুনে এই দাঙর্ উদ্ধোরান্ পেইয়োন সেই যোনাথনত্তুন মরা পুরিবো? কনদিনঅ নয়; জেদা লগেপ্রভুর শমক্‌, তা এক্কান চুলঅ মাদিত্‌ ন-পুরিবো, কিত্যে তে এচ্চ্যে যিয়েনি গোজ্যে সিয়েনি গোজেন লগে থেইনেই গোজ্যে।” মানুচ্চুনে এধোক্ক্যেনগুরি যোনাথনরে রোক্ষে গুরিলাক্, তারে মারে ফেলা ন-অলঅ।