বিচের গুরিয়্যেগুন 21:22 - Chakma Bible

²² যেক্কে তারার বাপ্পুনে বা ভেইয়ুনে আমা ইদু বিচের্‌ দিবাত্তে এবাক্‌ সেক্কে আমি তারারে কবং, ‘তুমি এ মিলেগুনোরে দান গুরিনে আমা পক্ষেন্দি তারা উগুরে দোয়্যে দেগঅ। যুদ্ধোত্‌ আমি তারাত্তে সিদুক্কুন্‌ মিলে ন-পেই। ইয়েন পৌইদ্যেনে তমার্‌ কনঅ্‌ দুষ নেই, কিত্যে তুমি নিজে দঅ তমার্‌ মিলেগুনোরে তারারে ন-দুয়ো।’”

বিচের গুরিয়্যেগুন 21:22 ပူးပေါင်းရင်းမြစ်များ

পত্থম 1:27

পরেদি গোজেনে তা ধোক্ক্যেন গুরি মানুচ্‌ বানেল। অয়, তে গোজেন ধোক্ক্যেন গুরি মানুচ্‌ বানেল, বানেল মরদ আর মিলে ইজেবে।

পত্থম 7:13

যেদিন্যে ঝড় পড়ানা আরাম্ভ অলঅ সেদিন্যে নোহ, তা মোক্কো, তা পুয়ো শেম, হাম, যেফৎ আর তা তিন্নো পূদবো যেইনে জাহাজছানত্‌ উদিলাক্।

গম্ উপদেজ্ 20:25

ভাবি ন-চেইনে যাদিমাদি লগেপ্রভুর নাঙে কন কিজু মানানা মান্‌জ্যত্তে ফাল্ অয়।

১ করিন্হীয় 7:2

মাত্তর্ চেরোকিত্তে বোউত্ বেভিচের্ অর্, সেনত্তে পত্তি মরদর্ নিজোর্ মোক্ থোক্ আর পত্তি মিলের্ নিজোর্ নেক্ থোক্।

বিচের গুরিয়্যেগুন 21:1

ইস্রায়েলীয়গুনে আগেন্দি মিস্পাদত্‌ শমক্ হেইনে কোইয়োন, তারা ভিদিরে কনঅ জনে বিন্যামীন-গুট্টির কনঅ মান্‌জ্যর লগে ঝি-গুনোরে বৌ ন-দিবাক্‌।

বিচের গুরিয়্যেগুন 21:14

সেক্কে বিন্যামীনীয়গুনে ফিরি এলাক্‌। যাবেশ-গিলিয়দর জেদা রাগেয়্যে মিলেগুনোর লগে তারারে বৌ দি দিলাক্‌, মাত্তর্‌ মিলেগুনে জনেন্দি কম্‌ পড়িলাক্‌।

বিচের গুরিয়্যেগুন 21:18

আমা মিলেগুনোরে দঅ তারার্‌ লগে বৌ-দি ন-পারিই, কিত্যে আমি শমক্‌ খেইনে কোইয়্যেদে, কনঅ জনে যুনি কনঅ বিন্যামীনীয়রে মিলে দে সালে তে অভিশাব্‌ পেবঅ।”

বিচের গুরিয়্যেগুন 21:7

মাত্তর্‌ যিগুন রোইয়োন কিঙিরিনে আমি তারারে বৌর্‌ বেবস্থা গুরিবোং? আমি দঅ লগেপ্রভুর নাঙে শমক্‌ গোজ্যেই, আমার কনঅ মিলেরে তারার লগে বৌ ন-দিবোং।”