বিচের গুরিয়্যেগুন 21:19 - Chakma Bible

¹⁹ সে পরেন্দি তারা কলাক্‌, “পত্তি বজর শীলোত্‌ লগেপ্রভুর নাঙে এক্কো পরব্‌ অয়।” শীলো শঅ্‌রান এলদে বৈথেলর উত্তোরেন্দি যে পথ্‌তান বৈথেলত্তুন শিখিমোর ইন্দি যেইয়্যে সিয়েনর পূগেন্দি আর লবোনার দোগিণেন্দি।

বিচের গুরিয়্যেগুন 21:19 ပူးပေါင်းရင်းမြစ်များ

গীতসংহিতা 81:3

আমা পরব দিনোত্ আঙোস্যে আর পূর্ণিমাত্ শিংগা বাজঅ;

লেবীয় 23:4

লগেপ্রভুর্ যিদুক্কুন ঠিগ্ গোজ্যে পরব্‌, অত্তাৎ যিদুক্কুন্‌ পবিত্র মিলন-সভা তুমি সিগুনোর্‌ ঠিগগোজ্যে দিনোত্‌ ফগদাঙ্‌ গুরিবা সিগুন্‌ অল:

লেবীয় 23:6

সে মাসদই পন্দর তারিগোত্‌ লগেপ্রভুর নাঙে সদানেইয়্যে রুটির্‌ পরব্‌ আরাম্ভ অবঅ। সাত দিন সং তমাত্তুন সদানেইয়্যে রুটি হা পুরিবো।

গণাণা 10:10

তমার রঙ্গ-ফুত্তির্ সময়োত, তমাত্তে ঠিগ গোজ্যে নানান্‌ পরবর্‌ সময়োত্‌ আর মাসর্‌ পৌইল্যেন্দি যেক্কে তুমি পুজ্যে-উৎসর্বর আর উদোলোলি-উৎসর্বর অনুষ্ঠান গুরিবা সেক্কে তুমি বাঁশি বাজেবা। সিবেলোই তমার্‌ গোজেনর্‌ মুজুঙোত্‌ তমারে তুলি ধরা অবঅ। মুই লগেপ্রভু তমার গোজেন।”

গণাণা 28:16

বজরর্‌ পত্তম মাজর্ চৌদ্দো তারিগোত্‌ লগেপ্রভুর্ নাঙে উদ্ধোর-পরব্‌ পালন গরা পুরিবো।

গণাণা 28:26

সাত সাপ্তার্ পরবর্‌ দিনোত্‌, অত্তাৎ পত্তমে তুল্যে ফসলর্ উৎসর্ব গুরিবার্‌ দিন্নোত্‌ যেক্কে তুমি লগেপ্রভুর্ নাঙে নূয়ো ফসল উৎসর্ব গুরিবা সেদিন্যে তমার্‌ এক্কো পবিত্র মিলন-সভা গরা পুরিবো আর সেদিন্যে তমার্‌ কনঅ দুঘোর্‌ কাম্‌ গরানা ন-চলিবো।

গণাণা 29:12

সাত মাজর্ পন্দর তারিগোত্ এক্কো সুদ্ধো-সাংগ মিলন-সভা গরা পুরিবো আর সেদিন্যে তমার্‌ কনঅ দুঘোর্ কাম্‌ গরানা ন-চলিবো। তুমি লগেপ্রভুর্ নাঙে সাত দিন ধুরিনে উৎসব পালন গুরিবা।

যোহন 5:1

এ বেক্‌ ঘটনাগানির্ পরেদি যীশু যিরূশালেমত্ গেলঅ, কিয়া সেক্কে যিহূদীগুনোর্ এক্কো পরব্ এলঅ।

যোহন 7:2

সেক্কে যিহূদীগুনোর্ তাম্বুল-ঘর পরবর্ অক্‌ত প্রায় ওইয়েগি।

দ্বি’লম্বর বিররণ 16:1

চৈত্ (আবীব) মাজত্‌ তমার গোজেন লগেপ্রভুর নাঙে তুমি উদ্ধোর-পরব্‌ পালন গুরিবা। এ আবীব মাজত্‌ একদিন্যে রেদোত্‌ তে মিসর দেজত্তুন্‌ তমারে নিগিলেই আন্যে।

দ্বি’লম্বর বিররণ 16:10

সে পরেন্দি তমার নিজোর আওজে গোজ্যে উৎসর্বলোই তুমি তমার গোজেন লগেপ্রভুর নাঙে সাত সাপ্তার্ পরব্‌ পালন গুরিবা। তমার গোজেন লগেপ্রভু তমারে যে পরিমাণে আশিদ্‌বাদ গোজ্যে সিয়েন বুঝিনে তুমি এ উৎসর্বর জিনিস্‌ছানি দিবা।

দ্বি’লম্বর বিররণ 16:13

তমার খামার আর আংগুর মারিবার জাগানত্তুন্ বেক্কানি তুলি রাগেবার পরেন্দি সাত দিন সং তুমি নাঢা মান্‌জ্যর-ঘরর পরব্‌ পালন গুরিবা।

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।

বিচের গুরিয়্যেগুন 18:31

শীলোত্‌ যেদকদিন গোজেনর্‌ ঘরান্‌ এলঅ সেদকদিন সং দান-গুট্টির মানুচ্চুনে মীখার বানেয়্যে কাবিনে বানেয়্যে মূত্তিবো নিজোত্তে থোই দিলাক্‌।

বিচের গুরিয়্যেগুন 21:20

তারা বিন্যামীনীয়গুনোরে এ সল্লাগান্‌ দিলাক্‌, “তুমি যেইনে শীলোর আংগুর ক্ষেদতানত্‌ পোল্লেই থাগঅ্‌ আর চোগ্‌ রাগেয়ো।

১ শমূয়েল 1:3

ইল্‌কানা পত্তি বজর তা শঅরত্তুন শীলোত যেদঅ। তে সিদু যেইনে গোদা সংসারানর গিরোজ্ লগেপ্রভুর তবনা আর তা নাঙে য়েমান উৎসর্ব গুরিদো। সেক্কে সিদু ধর্মগুরু এলির দ্বিবে পূঅ লগেপ্রভুর ধর্মগুরু এলাক্। তারার নাঙানি এলদে হফ্‌নি আর পীনহস।