বিচের গুরিয়্যেগুন 20:34 - Chakma Bible

³⁴ সেক্কে ইস্রায়েলীয়গুনোর দশ আজার বেঈ লোইয়্যে সৈন্য গিবিয়ার মুজুঙেন্দি আক্রমণ চালেলাক্‌, আর সেক্কে জদবদে যুদ্ধো চলা ধুরিলো; মাত্তর্‌ বিন্যামীনীয়গুনে বুজিই ন-পারিলাক্‌, তারা পেরায় শেজ্‌ অবার পদথ্‌ এই পোজ্যন।

বিচের গুরিয়্যেগুন 20:34 ပူးပေါင်းရင်းမြစ်များ

ইয়োব 21:13

তারা গমেডালে তারার্‌ দিনুন্‌ কাদান্‌ আর সুগে-শান্দিয়্যে গোরত্‌ লামি যান।

গম্ উপদেজ্ 29:6

পাজি মান্‌‌জ্যে নিজোর পাপে ফালত্ পড়ে, মাত্তর্ গোজেন ভক্ত মান্‌‌জ্যে হুজি অন আর গিদ্ গান।

গম্ উপদেজ্ 4:19

মাত্তর্ পাজিগুনোর পথ্‌তানি গভীন আন্ধার ধোক্ক্যেন্; তারা হবর্ ন-পান কুবোন্দোই তারা উজোত্ হান।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

যিশাইয় 47:11

মাত্তর্ তঅ উগুরে দজা লামি এবঅ, আর তুই হবর্ ন-পেবে কেধোক্ক্যেন গুরি যাদুর্ বলে সিয়েনি দূর্ গরা যেবঅ। তঅ উগুরে দজা এবঅ, আর তুই সিয়েনি আক্‌‌সোই ন-পারিবে। যে দজাগান পৌইদ্যেনে তুই আগেদি হবর্ ন-পেদে সিয়েনি আদিক্ক্যেন্‌গুরি তঅ উগুরে এবঅ।

মথি লেখ্যে গম্ হবর্ 24:44

সেনত্তে তুমিয়ো হামাক্কায় যুক্কোল্ থাগঅ, কিয়া যে সময়ানর্ কধা তুমি আজায়ো ন-গরঅ সেই সময়ানত্ মান্‌জ্য পুয়োবো এবঅ।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

যিহোশূয় 8:14

ইস্রায়েলীয়গুনোরে দেগিনে অয়র রাজা তারা সমারে যুদ্ধো গুরিবাত্তে বেন্যেমাদান্ যাদিমাদি উদিনে বেক্‌ মানুচ্চুনোরে নিইনে শঅ‌রত্তুন্‌ নিগিলিনে অরাবা সংজাগান ইদু এক্কান ঠিগগোজ্যে জাগাত্‌ গেলাক্‌। মাত্তর্ তে হবর্ ন-পেদঅ‌, শঅরর্‌ পিজেন্দি তা বিরুদ্ধে একদল সৈন্য লুগিই আগন্‌।

বিচের গুরিয়্যেগুন 20:35

লগেপ্রভু সেদিন্যে ইস্রায়েলীয়গুনো ইদু বিন্যামীন-গুট্টিবোরে ওদেই দিলো আর তারা পোজোশ আজার একশত বিন্যামীনীয় মান্‌জ্যরে মারে ফেলেলাক্‌। তারা বেক্কুনে এলাক্‌ তলোয়ারবলা সৈন্য।