বিচের গুরিয়্যেগুন 20:32 - Chakma Bible

³² সেক্কে বিন্যামীনীয়গুনে কুয়ো ধুরিলাক্‌, “আমি তারারে আগঅ ধোক্ক্যেন্‌ অদেই দির্‌,” আর ইস্রায়েলীয়গুনে কলাক্‌, “শুনো, আমি পিজেন্দি উদি যেইনে শঅরর্‌ কায়-কুরেত্তুন তারারে সোরেনেই পথ্‌তান উগুরে নেযেই।”

বিচের গুরিয়্যেগুন 20:32 ပူးပေါင်းရင်းမြစ်များ

যিহোশূয় 8:5

মুই মঅ লগে মানুচ্চুন লোইনে শঅরন্দি উজেই যেম্‌। তারা যেক্কে আগঅ‌ ধোক্ক্যেন্‌ আমা লগে যুদ্ধো গুরিবাত্তে নিগিলি এবাক্‌ সেক্কে আমি তারা মুজুঙেত্তুন ধেই যেবং।

যিহোশূয় 8:6

তারা আমা পিজেন্দি লোড়েবাক্‌, কবাক্‌, ‘তারা আগঅ‌ ধোক্ক্যেন্‌ আমা কায়-কুরেত্তুন ধেই যাদন্‌।’ এধোক্ক্যেনগুরি আমি শঅ‌রত্তুন তারারে দূরোত্‌ নেযেম্‌। আমি যেক্কে তারা কায়-কুরেত্তুন ধেই যেবং,

বিচের গুরিয়্যেগুন 20:31

ইস্রায়েলীয়গুনোরে মানা গুরিবাত্তে বিন্যামীনীয়গুনে নিগিলি এইনে শঅ্‌রত্তুন্‌ বালোদ্দুরোত্‌ গেলাক্‌। তারা আগঅ ধোক্কেন্‌ ইস্রায়েলীয়গুনোরে মারে ফেলা ধুরিলাক্‌। সেক্কে মাদঅ উগুরে আর যে পথ দ্বিয়েনর এক্কান বৈথেলর ইন্দি যেইয়্যে আর এক্কান গিবিয়ার ইন্দি যেইয়্যে সিয়েন উগুরে পেরায় ত্রিজজন মানুচ্‌ মুরি গেলাক্‌।

বিচের গুরিয়্যেগুন 20:33

সে পরেন্দি ইস্রায়েলীয় সৈন্যগুনে তারার জাগানত্তুন্ সুরি যেইনে বাল্‌-তামরত্‌ যুদ্ধোত্তে যুক্কোল অলাক্‌। ইন্দি ইস্রায়েলীয়গুনোর পৌল্যেই থেইয়্যে সৈন্যগুনে তারার জাগায়ান, অত্তাৎ মারে-গেবা ছাড়িনে নিগিলি এলাক্‌।