বিচের গুরিয়্যেগুন 20:27 - Chakma Bible

^27-28 সে সময়োত গোজেনর্‌ সুদোমর্‌-সুন্দুক্কো বৈথেলত এলঅ, আর হারোণর নাদিন্‌, অত্তাৎ ইলিয়াসরর পূঅ পীনহসে সিবে মুুজুঙোত্‌ ঠিয়েইনে সেবা কাম্‌ গুরিদো। সেনত্তেই ইস্রায়েলীয়গুনে সিয়েনত্‌ লগেপ্রভুর আওজ্‌সান জানিবাত্তে পুজোর্‌ গুরিলাক্‌, “আমি আমা ভেই বিন্যামীন-গুট্টিগুনোর বিরুদ্ধে আরঅ যুদ্ধো গুরিবাত্তে যেবং না-কি ন-যেবং?” লগেপ্রভু জোব্‌ দিলোদে, “যঅ, কিত্তেই কেল্যে মুই তমা আঢত্‌ তারারে তুলি দিবাত্তে যাঙর্‌।”

বিচের গুরিয়্যেগুন 20:27 ပူးပေါင်းရင်းမြစ်များ

২ শমূয়েল 7:6

মিসর দেজত্তুন্‌ ইস্রায়েলীয়গুনোরে নিগিলেই আনিবার্‌ দিন্নোত্তুন্‌ ধুরি এচ্ছে সং মুই দঅ কনঅ ঘরত্‌ বজত্তি ন-গরং। মুই তাম্বুলোত্‌ থেইনে এক্কান্‌ থেবার্‌ জাগাত্তুন্‌ আরেক্কান থেবার জাগাত্ যেইয়োং।

যিশাইয় 59:1

চঅ, লগেপ্রভুর আঢ্‌‍‌‌‌তান এদক্ বাদি নয়দে যে, তে উদ্ধোর্ গুরি ন-পারে; তা কানান্‌অ এদক্ গুয়োর্ নয় যে, তে ন-শুনে।

যিরমিয় 7:12

“ইক্কিনে তুমি শীলোত্ যিয়েনত্ মুই পৌইল্যা মর্ থেবার জাগা বানেয়োং সিয়েনত্ যঅ আর মর্ মানুচ্ ইস্রায়েলীয়গুনোর পাজিগানিত্তে মুই সিয়েনর অবস্থা কি গোজ্যং সিয়েন চঅ।

গণাণা 27:21

তাত্তুন্‌ ধর্মগুরু ইলিয়াসর ইদু যাহ্ পুরিবো, আর ইলিয়াসরে তার্‌ ওইনে ঊরীমোর সাহায্যলোই লগেপ্রভুর উগুমান জানি লবঅ। ইলিয়াসরর উগুমে তাত্তুন্‌ আর ইস্রায়েলীয়গুনোর্‌ অন্য বেক্কুনোত্তুন চলা পুরিবো।”

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।

বিচের গুরিয়্যেগুন 1:1

যিহোশূয়র মরাণার পরেন্দি ইস্রায়েলীয়গুনে লগেপ্রভুরে পূযোর্‌ গুরিলাক্‌, “আমা পক্ষেন্দি কনানীয়গুনো সমার যুদ্ধো গুরিবাত্তে পত্তমে কন্না যেবঅ‌।”

বিচের গুরিয়্যেগুন 20:18

তারা বৈথেলত যেইনে গোজেনর্‌ ইত্তুন্‌ জানিবাত্তে চেলাক্‌ বিন্যামীনীয়গুনো লগে যুদ্ধো গুরিবাত্তে তারা ভিদিরেত্তুন কন্না আগে যেবঅ। জোবত্‌ লগেপ্রভু জানেলদে, যিহূদা-গুট্টিবো আগে যেবঅ।

১ শমূয়েল 10:3

সে পরেন্দি তুই সিয়োত্তুন উজেই যেইনে তাবোর চাগালার্‌ এলোন গাজর্‌ কায়কুরে গেলে দেগিবেদে তিনজন মানুচ্‌ গোজেনর উবোসনাত্তে বৈথেলত্‌ উদি যাদন্‌। তুই দেগিবে, তারার একজনে তিন্নো ছাগলর ছঅ, আর একজনে তিনেন্ পিদে আর আরেকজনে এক্কো পিলেলোই আংগুর-রস বুয়োই নেযাদন্।