বিচের গুরিয়্যেগুন 20:26 - Chakma Bible

²⁶ সেক্কে ইস্রায়েলীয়গুনোর বেক্‌ মানুচ্চুনে বৈথেলত যেইনে লগেপ্রভুর ইদু বুঝিনে কানাকুদি গরা ধুরিলাক্‌। তারা সেদিন্যে সাজোন্যে সং উবোস্‌ থেলাক্‌ আর লগেপ্রভুর নাঙে পুজ্যে আর উদোলোলির্-উৎসর্বর পরব্‌ গুরিলাক্‌।

বিচের গুরিয়্যেগুন 20:26 ပူးပေါင်းရင်းမြစ်များ

পত্থম 28:19

তে জাগাগান নাঙান্‌ দিলো বৈথেল (যিয়েন ভেদ্‌তান্ “গোজেন ঘর”)। এ জাগায়ান ইদু শঅরানর্ পুরোণি নাঙান এলদে লূস।

২ শমূয়েল 3:35

বেলান্‌ থাগদে থাগদে যেনে দায়ূদে কিজু হায় সেনত্তে মানুচ্চুনে তারে কোজোলী গরা ধুরিলাক্; মাত্তর্‌ দায়ূদে শমক্‌ হেইনে কলঅ, “বেলান্‌ ডুবিবার আগেন্দি যুনি মুই পিদে বা অন্য কিজু হাং সালে গোজেনে যেনে মরে সাজা দে আর সিয়েন জদবদে গুরি দে।”

২ বংশধর 20:3

সেক্কে যিহোশাফটে দোরেইনে ঠিগ্‌ গুরিলোদে, তে লগেপ্রভু ইদু বল্‌ চেবঅ। তে যিহূদা দেজর্‌ পুরো জাগানিত্‌ উবোজ্‌ বিলিনে জানেই দিলো।

ইষ্রা 8:21

পরেদি মুই অহবার ছড়া ইধু আমাত্যে উবোস্ থানাগান্ ফগদাং গুরিলুং যেনে আমি আমা গোজেন মুজুঙোত্ নিজোরে লোঙেই পারিই আর আমা ঝি-পুয়োগুনোরে আর বেক্ সোম্বোত্তিগানোই গমেডালে যাত্রা গুরি পারিই।

যিরমিয় 36:9

যোশিয়র পুয়ো যিহূদার রাজা যিহোয়াকীমোর রাজাগিরির পাচ্ বজরর নয় মাসত্ যিরূশালেমর বেক্ মানুচ্চুনোত্তে আর যিহূদার শঅরানিত্তুন্ এচ্চ্যে মানুচ্চুনোত্তে লগেপ্রভুর মুজুঙোত্ উবোস্ থেবার কধা ফগদাং গরা অলঅ।

যোয়েল 1:14

তুমি সুদ্ধো-সাংগ উবোস্ থানার বেবস্থা গরঅ; এক্কো বিশেষ তেম্মাং ডাগঅ। বুড়ো নেতাগুনোরে আর দেজত্ বজত্তি গুরিয়্যে বেক্কুনোরে তমা গোজেন লগেপ্রভুর ঘরত্ ডাগি আনঅ আর লগেপ্রভু ইধু কানাকুদি গরঅ।

যিহোশূয় 24:1

ইয়েনর্ পরেদি যিহোশূয় ইস্রায়েলীয়গুনোর বেক্‌ গুট্টিগুনোরে শিখিমোত্‌ এক্কান্‌ জাগাত্‌ এগত্তর্‌ গুরিলো। তে ইস্রায়েলীয়গুনোর বুড়ো নেতাগুনোরে, মুরুব্বীগুনোরে, বিচেরগুরিয়েগুনোরে আর কাম্‌গুরিয়েগুনোরে ডাগিলো। সেক্কে তারা গোজেনর্‌ মুজুঙোত্‌ আঝিল্ অলাক্‌।

যিহোশূয় 7:6

সেক্কে যিহোশূয় আর ইস্রায়েলীয়গুনোর বুড়ো নেতাগুনে নিজোর কাবড়ানি ফাদিনে লগেপ্রভুর সুন্দুগোর মুজুঙোত্‌ সাজোন্যা সং মাদি উগুরে মাদা নিগিরিনে রলাক্‌। তারা নিজোর মাদা উগুরে ধূল্যে ছিদি দিলাক্‌।

বিচের গুরিয়্যেগুন 20:18

তারা বৈথেলত যেইনে গোজেনর্‌ ইত্তুন্‌ জানিবাত্তে চেলাক্‌ বিন্যামীনীয়গুনো লগে যুদ্ধো গুরিবাত্তে তারা ভিদিরেত্তুন কন্না আগে যেবঅ। জোবত্‌ লগেপ্রভু জানেলদে, যিহূদা-গুট্টিবো আগে যেবঅ।

বিচের গুরিয়্যেগুন 20:25

এবারত্‌ বিন্যামীনীয়গুনে তারারে মানা গুরিবাত্তে গিবিয়াত্তুন নিগিলি এইনে আরঅ আদার আজার ইস্রায়েলীয়রে মারে ফেলেলাক্‌। তারা বেক্কুনেই এলাক্‌ তলোয়ারবলা সৈন্য।

বিচের গুরিয়্যেগুন 21:2

সেনত্তেই এবারত্‌ তারা বৈথেলত যেইনে লগেপ্রভুর ইদু বোইনে সাজোন্যে সং রঅ ছাড়ি ছাড়ি কানিনে তাইদু কুয়ো ধুরিলাক্‌, “ও লগেপ্রভু, ইস্রায়েলীয়গুনোর গোজেন, ইস্রায়েলীয়গুনো ভিদিরে কিত্তেই ইয়েনি ঘুদিলো? কিত্তেই এচ্ছে ইস্রায়েলীয়গুনো ভিদিরেত্তুন এক্কো গুট্টি আঝি গেলঅ?”

বিচের গুরিয়্যেগুন 21:4

তারকেল্যে বেন্যে মানুচ্চুনে এক্কো পূজো বানেইনে পুজ্যে আর উদোলোলি-উৎসর্বর পরব্‌ গুরিলাক্‌।

১ শমূয়েল 11:4

মানুচ্চুনে যেক্কে হবর্ দিবাত্তে শৌলর নিজো শঅর্‌ গিবিয়াদত্‌ যেইনে সিদুগোর্ মানুচ্চুনোরে সেই বেক্‌ কধানি কলাক্ সেক্কে মানুচ্চুনে কিজেক্‌ কারিনে কাঁনা ধুরিলাক্।

১ শমূয়েল 7:6

সেক্কে তারা বেক্কুনে মিস্পাদত্‌ এগত্তর্‌ অলাক। তারা পানি তুলিনে লগেপ্রভুর মুজুঙোত্‌ ঢালি দিইনে সেদিন্যে সিয়েনত্‌ উবোস থেলাক্ আর কলাক্কে, “আমি লগেপ্রভুর বিরুদ্ধে পাপ গোজ্যেই।” শমূয়েলে মিস্পাতত্তুন্‌ ইস্রায়েলীয়গুনোরে শাজন্ গুরিদো।