বিচের গুরিয়্যেগুন 20:21 - Chakma Bible

²¹ বিন্যামীনীয়গুনে গিবিয়াত্তুন নিগিলি এলাক্‌ আর সেদিন্যে বেইশ আজার ইস্রায়েলীয়রে মারে ফেলেলাক্‌।

বিচের গুরিয়্যেগুন 20:21 ပူးပေါင်းရင်းမြစ်များ

পত্থম 49:27

“বিন্যামীনে যেন্‌ এক্কো চিৎনপুজ্যে হোক্ক্যে বাঘঅ ধোক্ক্যেন; বেন্যে তে খায় শিগের্‌-গোজ্যে য়েমান আর সাজোন্যে লুট গোজ্যে জিনিস্‌চানি ভাগ গরে।”

২ বংশধর 28:10

আর ইক্কিনে তুমি যিহূদা আর যিরূশালেম মানুচ্চুনোরে তমার্‌ চাগর্‌-চাগরানি বানেবাত্তে চর্‌। মাত্তর্‌ তমা গোজেন লগেপ্রভু ইদু কি তুমিয়ো দুষি নয়?

গীতসংহিতা 33:16

দাঙর্ সৈন্যদল থেলেয়ো কনঅ রাজা সিয়েনিলোই রোক্ষ্যে ন-পায়; দাঙর্ বল্লোই অলেয়ো কনঅ বীর যোদ্ধাই রোক্ষ্যে ন-পায়।

গীতসংহিতা 77:19

সাগর ভিদিরেন্দি তুই পথ গুরি দিলে, গভিন পানি ভিদিরেন্দি তুই পথ গুরি দিলে, মাত্তর্ তর্ টেঙর মাজারা দেগা ন-যায়।

গীতসংহিতা 78:62

তা মানুচ্চুনোরে তে শত্রুর তলোয়ার আদত্ তুলি দিলো; তা নিজো মানুচ্চুনো উগুরে তা রাগ্‌কান ফেলেল।

যিরমিয় 12:1

ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?

হোশেয় 10:9

লগেপ্রভু কত্তে, “ও ইস্রায়েল, গিবিয়াত্ যেক্কে তুই পাপ গোজ্যস্ সেক্কেত্তুন্ ধুরি তুই পাপ গুরি এজর্, আর পাপ ভিদিরে তুই রোই যেইয়োচ্। যুদ্ধোগানে কি গিবিয়াত্ অন্যেয়গুরিয়্যেগুনোরে লাগদ্ ন-পেবঅ?

দ্বি’লম্বর বিররণ 23:9

শত্রুগুনোর বিরুদ্ধে যুদ্দো গুরিবাত্তে যেইনে তাম্বুল ফেলেবার পরেন্দি বেক্‌ অসিজিগানিত্তুন্‌ তুমি দূরোত্‌ থেবা।

বিচের গুরিয়্যেগুন 20:20

সে পরেন্দি তারা বিন্যামীনীয়গুনো লগে যুদ্ধো গুরিবাত্তে নিগিলিনে সিয়েনত্‌ তারার বিরুদ্ধে সৈন্য সাজেলাক্‌।

বিচের গুরিয়্যেগুন 20:22

সেক্কে ইস্রায়েলীয়গুনে যেইনে সাজোন্যে সং লগেপ্রভুর ইদু কানাকুদি গুরিনে কলাক্‌, “আমি কি আমা ভেই বিন্যামীনীয়গুনোর বিরুদ্ধে আরঅ যুদ্ধো গুরিবাত্তে যেবং।” জোবত্‌ লগেপ্রভু কলদে, “যঅ।” সেক্কে ইস্রায়েলীয় সৈন্যগুনে মনত্‌ বুক বানিনে পৌইল্যা দিনোত্‌ যে জাগানত্‌ যুদ্ধো গোজ্যন্‌ আরঅ সিয়েনত যুদ্ধো গুরিবাত্তে যুক্কোল্‌ অলাক্‌।

বিচের গুরিয়্যেগুন 20:25

এবারত্‌ বিন্যামীনীয়গুনে তারারে মানা গুরিবাত্তে গিবিয়াত্তুন নিগিলি এইনে আরঅ আদার আজার ইস্রায়েলীয়রে মারে ফেলেলাক্‌। তারা বেক্কুনেই এলাক্‌ তলোয়ারবলা সৈন্য।