বিচের গুরিয়্যেগুন 20:14 - Chakma Bible

¹⁴ তারা সেই বেক্‌ ইস্রায়েলীয়গুনোর লগে যুদ্ধো গুরিবাত্তে তারার্‌ শঅ্‌র আর আদামত্তুন নিগিলিনে গিবিয়াদত্‌ যেইনে এগত্তর্ অলাক্‌।

বিচের গুরিয়্যেগুন 20:14 ပူးပေါင်းရင်းမြစ်များ

২ বংশধর 13:13

যারবিয়ামে ভিদিরে ভিদিরে যিহূদার সৈন্যগুনো পিজেদি একদল সৈন্য পাধেই দিলো; সেক্কে তার্‌ একদল সৈন্য যিহূদার মুজুঙেন্দি আর একদল সৈন্য যিহূদার পিজেদি রলাক্‌।

গণাণা 20:20

ইদোমীয়গুনে আরঅ্‌ কোই পাদেলাক্, “না, ইয়েনন্দি তুমি যেই ন-পারিবা ।” ইয়েনর পরেদি ইদোমীয়গুনে বোউত্‌ সৈন্য নেযেইনে তারার্‌ খেমতা বাহাদুরি গুরি ইস্রায়েলীয়গুনোর বিপক্ষে নিগিলি এলাক।

গণাণা 21:23

মাত্তর্‌ সীহোনে তার রেজ্যর্ ভিদিরেন্দি ইস্রায়েলীয়গুনোরে যেবাত্তে ন-দিলো। তে তার্‌ বেক্‌ সৈন্যদলুন নেযেইনে ধূল্যেচর-চাগালাত্‌ ইস্রায়েলীয়গুনোর বিরুদ্ধে যুদ্ধো গুরিবাত্তে গেলঅ। তে যহস শঅরত্‌ আঝিল্ ওইনে ইস্রায়েলীয়গুনো সমারে যুদ্ধো গুরিলো।

বিচের গুরিয়্যেগুন 20:13

গিবিয়ার সে বেক্‌ পাজি মানুচ্চুনোরে তুমি আমা আঢত্‌ তুলি দুয়ো যেনে আমি তারারে মারে ফেলেইনে ইস্রায়েলীয়গুনো ভিদিরেত্তুন এ গুনোমিগানি দূর্‌ গুরি দি পারিই। মাত্তর্‌ বিন্যামীনীয়গুনে তারার্‌ ইস্রায়েলীয় ভেইয়ুনোর কধালোই কান ন-পাদিলাক্‌।

বিচের গুরিয়্যেগুন 20:15

সেদিন্যে তারা তারার শঅর্‌ আর আদামানিত্তুন ছাব্বিশ আজার সৈন্য এগত্তর্ গুরিলাক্‌। ইগুনবাদেয়ো তারার লগে এলাক্‌ গিবিয়ার সাতশঅ বেঈ লোইয়্যে সৈন্য।