বিচের গুরিয়্যেগুন 20:1 - Chakma Bible

¹ ইয়েনর্ পরেন্দি গিলিয়দর ইস্রায়েলীয়গুনে আর দানত্তুন বের্‌-শেবা সং পুরো চাগালায়ানর ইস্রায়েলীয়গুনে বেক্কুনে নিগিলি এলাক্‌ আর মিস্পাত্‌ লগেপ্রভুর ইদু এগত্তর অলাক্‌।

বিচের গুরিয়্যেগুন 20:1 ပူးပေါင်းရင်းမြစ်များ

২ শমূয়েল 19:14

এধোক্ক্যেনগুরি দায়ূদে যিহূদার বেক্‌ মানুচ্চুনোর মনানি বানা এক্কো মান্‌জ্যর মন ধোক্ক্যেন্ জিদি নিলো। তারা রাজারে এ কধাগান কোই পাদেলাক্, “তুই আর তর্‌ বেক্‌ মানুচ্চুনে ফিরি এলাক্।”

২ শমূয়েল 2:9

তে ঈশ্‌বোশতরে গিলিয়দ, অশূর, যিষ্রিয়েল, ইফ্রয়িম, বিন্যামীন, এন্‌ কি, পুরো ইস্রায়েল দেজ্‌চান উগুরে রাজা বানেয়োন।

২ শমূয়েল 24:2

সেক্কে রাজা তা সমারে সেনাপতি যোয়াবরে কলদে, “তুমি দানত্তুন্‌ বের্‌-শেবা সং ইস্রায়েলর গুট্টিগুনো ভিদিরে যেইনে মানুচ্চুনোরে গুণি এজঅ যেনে মুই তারার্‌ বেক্কুনোরে চিনি পারং।”

১ রাজাবলী 5:5

সেনত্তে মুই মঅ গোজেন লগেপ্রভুর নাঙে এক্কান তবনা-ঘর বানেবাত্তে চাং। লগেপ্রভু মঅ বাপ্পো দায়ূদোরে কোইয়্যেদে, তর্‌ যে পূঅবো মুই সিংহাসনত্‌ তঅ জাগানত্‌ বোজেম্‌ তেয়ই মর্‌ নাঙে তবনা-ঘর বানেব।

২ রাজাবলী 25:23

বাবিলোর রাজা গদলিয়রে শাজন্‌‌গুরিয়্যে নেযেয়োন্‌ শুনিনে যিহূদার বাদবাগি সেনাপতিগুনে আর তারা মানুচ্চুনে, অত্তাৎ নথনিয়োর পুয়ো ইশ্মায়েল, কারেয়ের পুয়ো যোহানন, নটোফাতীয় তন্‌হূমতর পুয়ো সরায় আর মাখাথীয়োর পুয়ো যাসনিয় আর তারা মানুচ্চুনে মিস্পাত গদলিয়ো ইদু এলাক্‌।

১ বংশধর 21:2

দায়ূদে সেক্কে যোয়াব আর সৈন্যদল সেনাপতিগুনোরে কলঅ, “বের্‌-শেবাত্তুন্‌ দান সং ইস্রায়েলীয়গুনোরে গণঅ। সে পরেন্দি ফিরি এইনে মরে ইজেব্‌ দুয়ো যেনে ইগুনে কুদুক্কুন্‌ সিয়েন্‌ মুই হবর্‌ পাঙ্‌।”

২ বংশধর 30:5

ইস্রায়েলর গোজেন লগেপ্রভুর নাঙে উদ্ধোর্‌-পরব্‌ পালেবাত্তে যেনে বেক্কুনে যিরূশালেমত্‌ এজন্‌ সেনত্তে তারা বের্‌-শেবাত্তুন্‌ দান সং ইস্রায়েলর বেক্‌ জাগানিত্‌ মানুচ্‌ পাধেইনে ফগদাং গুরিলাক্‌। ভালোক্‌ বজর্‌ ধুরিনে তারা সুদোম মজিম্‌ ভালোক্কুন্‌ মানুচ্‌ এগত্তর্‌ ওইনে এ পরব্‌পো ন-পালান্‌।

ইষ্রা 3:1

ইস্রায়েলীয়গুনে নিজোর্ নিজোর্ আদামত্ আর শঅরত্ বজত্তি গরানা আরাম্ভ গরানার্ পরেদি সাত মাজত্ বেক মানুচ্চুনে একসমারে মিলিনে যিরূশালেমত্ এগত্তর্ অলাক্।

নহিমিয় 11:27

হৎসর-শুয়াল, বের্‌-শেবা আর তার্‌ কায়-কুরে আদামানি,

নহিমিয় 8:1

সাত্‌ মাজর্ আগেন্দি বেক্‌ মানুচ্চুনে একলগে মিলিনে পানি-গেদোর্‌ মুজুঙেন্দি চক্কর্‌বোত্‌ এগত্তর্‌ অলাক্‌। তারা ধর্ম-মাস্টর্‌ ইষ্রারে ইস্রায়েলীয়গুনোত্তে লগেপ্রভুর দিয়্যে উগুম্‌, অত্তাৎ মোশির রীদি-সুদোম বোইবো আনিবাত্তে কলাক্।

যিরমিয় 40:6

সেক্কে যিরমিয় মিসপাত অহীকামর পুয়ো গদলিয় ইধু যেইনে তা সমারে দেজত্ থোই যেইয়্যে মানুচ্চুনো ভিদিরে রলঅ।

গণাণা 32:1

রূবেণ আর গাদ-গুট্টির মানুচ্চুনোর গোরু, ছাগল আর ভেড়াছাগলর দাঙর্‌ দাঙর্‌ পাল এলাক্। তারা দেগিলাক্ যাসের আর গিলিয়দ দেজ্‌চান্‌ য়েমান পালেবাত্তে অমহদ দোল্‌ জাগা।

গণাণা 32:40

সেনত্তে মোশি মনঃশির বংশধর মাখীরীয়গুনোর্‌ ভাগত্‌ গিলিয়দ চাগালাগান্‌ রাগেল। তারা সিয়েনত্‌ থেলাক।

যিহোশূয় 17:1

মনঃশি যোষেফর দাঙর্‌ পূঅ এলঅ‌ বিলিনে চাম্বা চানা মজিম তা গুট্টিবোরেয়ো এক্কান জাগা দিয়্যে ওইয়্যে। মনঃশির দাঙর্‌ পূঅবোর্‌ নাঙান্‌ এলঅ‌ মাখীর। মাখীরে অলদে গিলিয়দর বাপ্‌। মাখীরে এক্কো দাঙর্‌ যোদ্ধা এলঅ বিলিনে তে গিলিয়দ আর বাশনর অধিকারান আগে পেইয়্যে।

যিহোশূয় 18:26

মিস্পী, কফীরা, মোৎসা, রেকম, যির্পেল, তরলা, নেতা, এলফ, যিবূষীয়গুনোর শঅর্‌ যিরূশালেম, গিবিয়াৎ আর কিরিয়ৎ পেইয়োন। তারা বেক্কানিয়ে চৌদ্দোগান শঅর্‌ আর সিয়েনির্ কায়-কুরে বেক্‌ আদামানি পেইয়োন।

যিহোশূয় 22:12

সেক্কে বাদবাগি ইস্রায়েলীয়গুনে তারার্‌ বিরুদ্ধে যুদ্ধোত্‌ যেবাত্তে শীলোত্‌ এগত্তর্‌ অলাক্‌।

যিহোশূয় 22:9

সেনত্তেই লগেপ্রভু মোশিরে যে উগুমানি দিয়্যে সে মজিম্ রূবেণ আর গাদ-গুট্টির বেক্কুনোরে আর মনঃশি-গুট্টির অদ্দেক্‌ মানুচ্‌ নিজোত্তে যে জাগায়ানি পেইয়োন সে গিলিয়দ চাগালাত্‌ ফিরি যেবাত্তে কনান দেজঅ শীলোত্‌ ইস্রায়েলীয়গুনোত্তুন বিদেয় নিলো।

যিহোশূয় 4:13

যুদ্ধো গুরিবাত্তে প্রায় চোল্লিশ আজার মানুচ্‌ আত্যের্‌ আদত্‌ লগেপ্রভুরে মুজুঙোত্‌ রাগেইনে গাঙান্‌ পার্‌ ওইনে যিরিহোর সং জাগানত্‌ গেলাক্‌।

বিচের গুরিয়্যেগুন 10:17

সে পরেন্দি যুদ্ধোত্‌ যেবাত্তে অম্মোনীয়গুনোর ডাক পড়িলো আর সেক্কে তারা যেইনে গিলিয়দত্‌ তাম্বুলান ফেলেলাক্‌। ইয়েনত্‌ ইস্রায়েলীয়গুনেয়ো এগত্তর্‌ ওইনে মিস্পাতদ যেইনে তারার তাম্বুলান ফেলেলাক্‌।

বিচের গুরিয়্যেগুন 11:11

সেক্কে যিপ্তহ গিলিয়দর বুড়ো নেতাগুনোর লগে গেলঅ আহ্‌ মানুচ্চুনে তারে তারার শাজন্‌গুরিয়্যে আর সেনাপতি বানেল। তে মিস্পাতদ যেইনে লগেপ্রভুর মুজুঙোত্‌ সেই বেক্‌ কধানি কলঅ।

বিচের গুরিয়্যেগুন 11:34

যিপ্তহ যেক্কে মিস্পাতদ্‌ নিজো ঘরত্‌ ফিরি এলঅ সেক্কে যে তারে আগ্‌বারেই নিবাত্তে এলঅ তে অলদে তা নিজোর্‌ ঝিবো। তে ঝোঞ্জনীর্‌ তালে তালে নাজি নাজি এজের্‌। তে অলদে যিপ্তহর বানা এক্কো ঝি, আর এ ঝিবো বাদে তার অন্য কনঅ পূঅ বা ঝি ন-এলঅ।

বিচের গুরিয়্যেগুন 18:29

শঅ্‌রানর পুরোণি নাঙান্‌ লয়ীশ অলেয়ো তারা তারার পূরোনি বুড়োবুড়িগুনোর নাঙ্‌ অনুসারে সিয়েনর নাঙান্‌ রাগেলাক্‌ দান। দান অলদে ইস্রায়েলর পূঅ।

বিচের গুরিয়্যেগুন 20:11

সেনত্তেই ইস্রায়েলীয়গুনোর নানান্‌ গুট্টির মানুচ্চুনে বেক্কুনে একসমারে এগত্তর্ ওইনে গিবিয়ার বিরুদ্ধে এক ওইনে ঠিয়্যেলাক্‌।

বিচের গুরিয়্যেগুন 20:18

তারা বৈথেলত যেইনে গোজেনর্‌ ইত্তুন্‌ জানিবাত্তে চেলাক্‌ বিন্যামীনীয়গুনো লগে যুদ্ধো গুরিবাত্তে তারা ভিদিরেত্তুন কন্না আগে যেবঅ। জোবত্‌ লগেপ্রভু জানেলদে, যিহূদা-গুট্টিবো আগে যেবঅ।

বিচের গুরিয়্যেগুন 20:2

এ কধাগান বিন্যামীন-গুট্টির মানুচ্চুনোর কানত্‌ গেলঅ। গোজেনর্‌ যে মানুচ্চুনে এগত্তর্ ওইয়োন সে দলঅ ভিদিরে এলাক্‌ ইস্রায়েলীয় বেক্‌ গুট্টির-নেতাগুনে আর চের্‌ লাখ্ আত্যের্‌ বলা সৈন্য। তারা জানিবাত্তে চেলাক্‌, সে জঘন্য কার্‌বারান্‌ কিঙিরিনে ঘোট্যে।

বিচের গুরিয়্যেগুন 20:26

সেক্কে ইস্রায়েলীয়গুনোর বেক্‌ মানুচ্চুনে বৈথেলত যেইনে লগেপ্রভুর ইদু বুঝিনে কানাকুদি গরা ধুরিলাক্‌। তারা সেদিন্যে সাজোন্যে সং উবোস্‌ থেলাক্‌ আর লগেপ্রভুর নাঙে পুজ্যে আর উদোলোলির্-উৎসর্বর পরব্‌ গুরিলাক্‌।

বিচের গুরিয়্যেগুন 20:8

সেক্কে বেক্‌ মানুচ্চুনে একসমারে ঠিয়্যেই উদিনে কলাক্‌, “আমি কনজনে ঘরত্‌ ন-যেবং; আমা ভিদিরে একজনেয়ো ফিরি ন-যেবা।

বিচের গুরিয়্যেগুন 21:5

মিস্পাত তারা ইয়েন কোইনে এক্কান দরমর শমক্‌ গুরিলাক্‌, কনঅ জনে যুনি মিস্পাত্‌ যেইনে লগেপ্রভুর ইদু ন-যান্‌ সালে হামাক্কাই তারে মারে ফেলা অবঅ। সেনত্তেই তারা একজন আরেকজনরে পুজোর্‌ গরা ধুরিলাক্‌, “ইস্রায়েলীয়গুনোর বেক্‌ গুট্টিত্তুন কন্না মিস্পাত্‌ লগেপ্রভুর ইদু ন-যায়?”

১ শমূয়েল 10:17

পরেন্দি শমূয়েলে মিস্পাদত্‌ লগেপ্রভুর মুজুঙোত্‌ ইস্রায়েলীয়গুনোরে ডাগিনে এগত্তর্‌ গুরিলো।

১ শমূয়েল 3:20

সেক্কে দান চাগালাত্তুন বের্‌-শেবা সং বেক্‌ ইস্রায়েলীয়গুনে জানি পারিলাক্, শমূয়েলে লগেপ্রভুর ভাববাদী ইজেবে ফগদাং ওইয়্যে।