বিচের গুরিয়্যেগুন 2:2 - Chakma Bible

² তুমি এ দেজর মানুচ্চুনো সমারে কনঅ‌ চুক্তি ন-গুরিবা বরং তারার্‌ ডালিপূজোগুন ভাঙি ফেলেবা।’ মাত্তর্‌ তুমি মঅ কধার অবাধ্য ওইয়ো। তুমি কেধোক্কেন্ গুরিনে এ বাবোত্যে কাম্‌ গুরিলা।

বিচের গুরিয়্যেগুন 2:2 ပူးပေါင်းရင်းမြစ်များ

পত্থম 12:18

সেক্কে ফরৌণ অব্রামরে ডাগিনে কলঅ, “তুই মঅ লগে ইয়েন্‌ কেধোক্ক্যেন বেবহার গুরিলে? কিত্তে তুই তারে তর্‌ মোক্‌ ন-কোইনে বোন কোইয়োচ্‌? সেনত্তে দঅ মুই তারে মোক্‌ লবাত্তে আন্যং। ইবে যে তঅ মোক্‌; ইবেরে নিইনে তুই যাহ্।”

পত্থম 4:10

সেক্কে লগেপ্রভু কলঅ, “ইয়েন তুই কি গোজ্যচ্? চাহ্, ভুইয়োত্তুন্ তঅ ভেইবোর্ লোগানে মইধু এইনে কানের্‌।

যাত্রা 32:21

তে হারোণরে কলঅ‌, “সেই মানুচ্চুনে তরে কি গোজ্যন্‌দে, তুই তারারে এবাবোত্যেগুরি অমহদ পাপর্‌ কামত্‌ টানি আনিলে?”

যিরমিয় 2:18

ইক্কিনে নীল গাঙর্ পানিগান হেবাত্তে কিত্তে তুই মিসরত্ যর্? ইউফ্রেটিস গাঙর্ পানিগান হেবাত্তে কিত্তে তুই আসিরিয়া দেজত্ যর্?

যিরমিয় 2:36

বার বার পথ্‌তান বুদুলিনে কিত্তে তুই এদক্ ঘুরি বেড়াজ্? আসিরিয়ার পৌইদ্যেনে তুই যেবাবোত্যে লাজেয়োজ্ সেবাবোত্যে মিসরর পৌইদ্যেনেয়ো লাজেবে।‌‌‌‌

যিরমিয় 2:5

লগেপ্রভু কোইয়্যেদে, তমা পুরোণি মানুচ্চুনে মর্ কি কনঅ দুষ তোগেইনে পেইয়োন, তারা মত্তুন্ দূরোত্ সুরি যেইয়োন? তারা অকেজোর্ মূত্তির্ পিজেদি যেইনে তারায়ো অকেজো ওই যেইয়োন।

দ্বি’লম্বর বিররণ 7:16

তমার গোজেন লগেপ্রভু তমা আদঅ মুদোত্‌ যিদুক্কুন্‌ জাদরে আনি দিবো বেক্কুনোরে তমাত্তুন্‌ ভস্ত গুরি ফেলা পুরিবো। তারারে তুমি মেইয়্যে ন-দেগেবা আর তারার্‌ দেবেদাগুনোরেয়ো পূজো ন-গুরিবা, কিত্যে সিয়েনি তমা পক্ষে ইদি ওইনে থেবঅ।

যিহোশূয় 9:7

সেক্কে ইস্রায়েলীয়গুনে সে হিব্বীয়গুনোরে কলাক্‌, “যুনি সম্ভব অয় তুমি আমা ইদু থাগঅ‌। যুনি সিয়েনই অয় সালে কেধোক্ক্যেন্‌ গুরি আমি তমা লগে আঢ্ মিলেবং?”

১ পিতর 4:17

বিচের আরাম্ভ অবার সময় ওইয়্যে আর সিয়েন গোজেন পরিবারর্ মানুচ্চুনোত্তুন্ ধুরি আরাম্ভ গরা অবঅ। আর যুনি সেই বিচেরান আমাত্তুন্ ধুরি আরাম্ভ গরা অয় সালে যিগুনে গোজেনর্ দিয়্যে গম হবরান মানি ন-লন্ তারার অবস্থা কি অবঅ?

বিচের গুরিয়্যেগুন 2:20

সেনত্তেই লগেপ্রভু ইস্রায়েলীয়গুনো উগুরে রাগে ফুলি উদিনে কলঅ‌, “এ জাদর্‌ পূরোণি মানুচ্চুনোর্‌ সময়োত্‌ মুই যে সুদোমান্‌ থিদে গোজ্যং সিয়েন ইগুনে ন-পালান্‌ আর মঅ কধানিয়ো ন-শুনোন্‌।

বিচের গুরিয়্যেগুন 6:10

মুই তমারে কোইয়োং, মুয়ই লগেপ্রভু তমা গোজেন। যিগুনোর দেজছানত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে তুমি পূজো ন-গুরিবা;’ মাত্তর্‌ তুমি মঅ কধানি ন-শুনো।”

বিচের গুরিয়্যেগুন 8:27

গিদিয়োনে সে বেক্‌ সোনানিলোই এক্কো এফোদ বানেইনে তা নিজোর আদামত্‌ অফ্রাদত্‌ রাগেল। ইস্রায়েলীয়গুনে বেক্কুনে সিদু লগেপ্রভু উগুরে বিশ্বেজ্ ন- গুরিনে এফোদর পূজোবোত্‌ নিজোরে লোঙেলাক্‌। সিয়েনই অলঅ গিদিয়োন আর তার গিরিত্তে এক্কো ফাল্‌।