বিচের গুরিয়্যেগুন 2:19 - Chakma Bible19 মাত্তর্ সেই শাজন্ গুরিয়েবো মুরি গেলে মানুচ্চুনে আর দেব-দেবেদাগুনোর্ ইন্দি মনান্ দিদাক্ আর তারারে সেবা আহ্ পূজো গুরিনে তারার্ পূরোণি মানুচ্চুনোত্তুন্ বেশ্ আরঅ বজং পদেন্দি ফিরি যেদাক্। তারা কনবাবদে তারার্ ভাজ্ন্যেই হাচ্যত্ আর একগঙ্যা পথ্তান্ ন-ছাড়িদাক্। အခန်းကိုကြည့်ပါ။ |
বিচের গুরিয়্যেগুন 2:19
20 ပူးပေါင်းရင်းမြစ်များ
মাত্তর্ যে তারা জিরেন্ পেদাক্ এম্নে আরঅ তারা তঅ চোগেন্দি যিয়েনি ভান্ন্যেই সিয়েনি গুরিদাক্। সে পরেন্দি তুই শত্রুগুনোর্ আঢত্ তারারে ছাড়ি দুয়োচ্ যেনে শত্রুগুনে তারার্ গিরোজ্ ওই পারন্। মাত্তর্ আরঅ যেক্কে তারা তইদু কানিদাক্ সেক্কেনে স্বর্গত্তুন্ সিয়েনি শুনিনে তর্ দোয়্যেই তুই বার্ বার্ তারারে উদ্ধোর্ গুরিদে।
মুই হবর্ পাংগে যে, মর্ মরাণার পরেন্দি তুমি এক্কুবারে ভান্ন্যেই ওই যেবা আর যে পদেন্দি মুই তমারে চলিবার উগুম দুয়োঙর্ তুমি সিয়েনত্তুন সোরেই যেবা। আগামিদি তমা উগুরে দযা লামি এবঅ, কিত্যে লগেপ্রভুর চোগোত্ যিয়েনি ভান্ন্যেই তুমি সিয়েনি গুরিবা আর তমার নিজোর আঢ্তোই বানেয়্যে মূত্তিলোই তুমি তারে অখুজি গুরিবা।”
লগেপ্রভু যেক্কে তারাত্তেই কনঅ শাজন্ গুরিয়্যে থিক্ গুরিদো সেক্কে তে তা সমারে থেদঅ। সে শাজন্ গুরিয়্যেবো যেদকদিন বাঁজি থেদঅ সেদকদিন সং লগেপ্রভু শত্রুগুনোর আঢত্তুন্ ইস্রায়েলীয়গুনোরে রোক্ষ্যে গুরিদো। অত্যেচারীগুনোর আঢত্ যন্ত্রণা আর দুখ্ পেইনে তারা যেক্কে কানাকুদি গুরিদাক্ সেক্কে তারা উগুরে লগেপ্রভুর মেইয়্যে অদঅ।
ကြော်ငြာတွေ