বিচের গুরিয়্যেগুন 2:15 - Chakma Bible

¹⁵ ইস্রায়েলীয়গুনে যেক্কে যুদ্ধোত্‌ যেদাক্‌ সেক্কে লগেপ্রভু শমক্‌ খেইনে যে এগেমান গোজ্যে সে মজিম্ তা আঢ্‌তান তারার্‌ ভালেদিত্তেই তারার্‌ ইন্দি থেদঅ‌, সেনত্তেই তারা দাঙর্‌ দযা ভিদিরে এলাক্‌।

বিচের গুরিয়্যেগুন 2:15 ပူးပေါင်းရင်းမြစ်များ

২ বংশধর 12:1

রহবিয়ামর রাজঘরান্‌ যেক্কে দরমর অলঅ আর তে বোলী ওইনে উদিলো সেক্কে তে আর তা লগে বেক্‌ ইস্রায়েলীয়গুনে লগেপ্রভুর রীদি-সুুদোম পালানা ছাড়িলাক্‌।

যিরমিয় 21:10

মুই এ শঅরর্ ভালেদি নয় মাত্তর্ খেতি গুরিবাত্তে মনান্ থির্ গোজ্যং। বাবিলো রাজা আঢত্ ইয়েন দিয়্যে অবঅ, আর তে আগুন্দোই ইয়েন পুড়ি দিবো।

যিরমিয় 44:11

“সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু ঠিগ্ গোজ্যংগে, তমা উগুরে দজা আনিনে বেক্ যিহূদাগানরে মুই ভস্ত গুরিম।

যিরমিয় 44:27

তারার ভালেদিত্যে নয় মাত্তর্ অমংগলত্তে মুই তারা উগুরে খিয়েল্ রাগাঙর্; মিসরত্ বজত্তি গুরিয়্যে যিহূদীগুনে যুদ্ধোত্ আর ভাদরাদে এক্কুবারে ভস্ত ওই যেবাক্।

মীখা 2:3

সেনত্তে লগেপ্রভু কত্তে, “তমা বিরুদ্ধে মুই অমংগলর পরিকল্পনা গোজ্যং যিয়েনত্তুন্ তুমি নিজোরে রোক্ষ্যে গুরি ন-পারিবা। তুমি আর বাড়্‌বো গুরিনে ন-চলিবা, কিত্যে সময়ান অবঅ দযার্।

২ করিন্হীয় 4:8

বেক্কানিত্তুন্ আমা উগুরে চাপ্ পরের্, তো আমি ভাঙি ন-পুরির্। বুদ্ধি-নেইয়্যে অলেয়ো আমি পুরোপুরি আজা নেইয়্যে ন-ওর্;

দ্বি’লম্বর বিররণ 18:20

মাত্তর্‌ মুই উগুম ন দুয়োং এধোক্ক্যেন কনঅ কধা যুনি কনঅ ভাববাদী মর্‌ নাঙান্‌ দিইনে কবাত্তে সাহস গরে বা তে যুনি দেব-দেবেদার নাঙে কধা কয়, সালে তারে মারে ফেলা পুরিবো।

বিচের গুরিয়্যেগুন 10:9

যিহূদা, বিন্যামীন আর ইফ্রয়িম-গুট্টির মানুচ্চুনোর বিরুদ্ধে যুদ্ধো গুরিবাত্তে অম্মোনীয়গুনে যর্দন গাঙান্‌ পার ওই এলাক। সেক্কে ইস্রায়েলীয়গুনে অমহদ দুঘোত্‌ পড়িলাক্‌।

রূত 1:13

সালে তারা দাঙর্‌ অয় সং কি তুমি বাজ্জেই থেবা? তারাত্তে কি তুমি নেক্‌ ন-লোনেই থেবা? না, মা, না। তমাত্তুন বেশ্‌ মঅ‌ জীংকানিগান আরঅ‌ বোউত্‌ তিদে, কিত্যে লগেপ্রভু মঅ‌ বিরুদ্ধে থিয়েইয়্যে।”

১ শমূয়েল 12:15

মাত্তর্‌ যুনি তুমি লগেপ্রভুর বাধ্য ন-অ আর তার উগুমোর বিরুদ্ধে আদঅ, সালে তে যেধোক্ক্যেন তমার পূরোণি মানুচ্চুনোরে সাজা দিয়্যে সেধোক্ক্যেন তমারেয়ো দিবো।

১ শমূয়েল 13:6

ইস্রায়েলর সৈন্যগুনে যেক্কে দেগিলাক্, তারা অমহদ চাপর্‌ মুয়োত্‌ পুরিনে দযাদ্‌ পড়ি যেইয়োন সেক্কে তারা যেইনে চুরুঙোত্‌, ঝুব-ঝাড়ত্‌, মুড়ো-মুড়ির ফাদা জাগাত, খাত্তো আর গাদত্‌ লুগিই রলাক্।

১ শমূয়েল 14:24

সে দিন্নো ইস্রায়েলীয়গুনোর অমহদ দুঘে কাদিলো, কিত্যে শৌল তারারে দিইনে এক্কান শমক্‌ গুরি নেযেয়্যে, তে সাজোন্যের্ আগেন্দি সং, শত্রুগুনো উগুরে হেনা ন সুজোনা সং যুুদি কেঅ কিজু খায় সালে তা উগুরে যেনে অভিশাব পড়ে। সেনত্যে সেদিন্যে মানুচ্চুনে কেঅ কিচ্ছু ন খান্।

১ শমূয়েল 30:6

সেক্কে দায়ূদে দাঙর্ দজাত্‌ পোজ্যে, কিত্যে ঝি-পূঅগুনোত্তে তার মানুচ্চুনোর্‌ মনান্‌ দায়ূদো উগুরে এন্‌ তিদে ওই উঠ্যে, তারা দায়ূদোরে পাত্তর্‌ মারিবার্‌ কধানি কুয়োকি গত্তন্‌। মাত্তর্‌ দায়ূদে তার্‌ গোজেন লগেপ্রভুর উগুরে নির্ভর গুরিনে মনত্‌ বল্‌ পেলঅ।