বিচের গুরিয়্যেগুন 2:12 - Chakma Bible12 তারার্ পূরোণি বুড়ো-বুড়িগুনোর্ গোজেন লগেপ্রভু, যিবে তারারে মিসর দেজত্তুন্ নিগিলেই আন্যে তারে তারা বার বার ছাড়ি যেদাক্। তারা তারার্ চেরোকিত্তে জাদ্তুনো ইদু নানান্ বাবোত্যে দেব-দেবেদার ইন্দি মন দিদাক্ আর সিগুনোরে পূজো গুরিদাক্, আর সেক্কে তারা লগেপ্রভুরে রাগ্ তুলি দিদাক্। အခန်းကိုကြည့်ပါ။ |
বিচের গুরিয়্যেগুন 2:12
21 ပူးပေါင်းရင်းမြစ်များ
সেই ভাববাদী বা সেই স্ববনে-দেখ্যে মানুচ্চোরে মারে ফেলা পুরিবো, কিত্যে তমার গোজেন লগেপ্রভু, যিবে মিসরত্তুন্ তমারে নিগিলেই আন্যে আর সেই চাগর্ খাদানার দেজত্তুন্ তমারে উদ্ধোর গোজ্যে, তে তা বিরুদ্ধে উল্লোমির উচ্চোমি দিয়্যে আর তমার গোজেন লগেপ্রভু যে পদেন্দি চলিবাত্তে তমারে উগুম্ দিয়্যে সে পধত্তুন্ তমারে ফিরেবাত্তে চেট্টা গোজ্যে। তমা ভিদিরেত্তুন্ সেই ভান্ন্যেইয়ানি তুমি শেজ্ গুরি দিবা।
তুমি চেই নেযঅ যেনে তমা ভিদিরে এচ্চ্যে এমন্ কনঅ মরদ বা মিলে বা কনঅ বংশ বা গুট্টি ন-থান্ যিবের্ মনান তমার গোজেন লগেপ্রভুরে ফেলেইনে সেই বেক্ জাদর দেব-দেবেদাগুনোরে পূজো গুরিবাত্তে আওজী। যুনি সেধোক্ক্যেন কনজন থান্ সালে তমা ভিদিরে তে অবদে এমন্ এক্কো শিঙর ধোক্ক্যেন যিবে পরেন্দি বিষ ধোক্ক্যেন তিদে গাজ্ ওই উদিবো।
ကြော်ငြာတွေ