বিচের গুরিয়্যেগুন 2:1 - Chakma Bible

¹ লগেপ্রভুর দূত্তো গিল্‌গলত্তুন বোখীমোত্‌ এইনে ইস্রায়েলীয়গুনোরে কলঅ‌, “মুই মিশর দেজত্তুন্ তমারে নিগিলেই আন্যং আর যে দেজ্‌চান দিবার শমক্‌ মুই তমার্‌ পূরোণি বুড়োবুড়িগুনো ইদু গোজ্যং সে দেজত্‌ তমারে আন্যং। মুই কোইয়োং, ‘তমাত্তেই মর্‌ থিদেবর্ গোজ্যে সুদোমান্‌ মুই কনদিনঅ ন-ভাঙিম্‌।

বিচের গুরিয়্যেগুন 2:1 ပူးပေါင်းရင်းမြစ်များ

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 16:13

এ কধাগান শুনিনে হাগারে মনে মনে কলঅ, “মুই কি সালে তারে হামাক্কায় দেগিলুং যিবের্‌ চোগো মুজুঙোত্‌ মুই আগং?” লগেপ্রভু, যে হাগার লগে কধা কোইয়্যে, তারে আওজ্ গুরিনে হাগারে সেক্কে কলঅ, “তুই গোজেন, যিবের্‌ চোগো মুজুঙোত্‌ মুই আগং।”

পত্থম 48:16

সেই স্বর্গদূত্তো, যিবে মরে বেক্‌ দজাত্তুন্‌ উদ্ধোর্‌ গোজ্যে, তে এ পুয়োগুনোরে বর্ দুয়োক্‌। ইগুনোরে দিইনে মর্‌ আর মঅ পুরোণি মানুজ্‌ অব্রাহাম আর ইসহাক নাঙানি জিংকানিবর্ বাঁজি থোক্‌। আমা দেজ ভিদিরে তারা বংশর্‌ মানুচ্চুনে জনেদি ভালোক্কুন্‌ বাড়োদোক্‌।”

গীতসংহিতা 89:3

তুই কোইয়োচ্যে, “মর্ বেঈ লোইয়্যে মানুচ্চোত্যে মুই এক্কান্ সুদোম থিদেবর্ গোজ্যং; মর্ চাগর দায়ূদো ইদু মুই এ শমক্তান্ গোজ্যং,

গীতসংহিতা 89:34

মর্ থিদেবর্ গোজ্যে সুদোমান মুই ন-ভাঙিম; মঅ মুয়োনে যিয়েনি কোইয়্যে সিয়েন ন-বোদোলেম্।

যাত্রা 14:14

তুমি বানা অলর্‌ গুরি থাগঅ‌। লগেপ্রভুই তমার ওইনেই যুদ্ধো গুরিবো।”

যাত্রা 14:19

সেক্কে গোজেনর্ দূত্‌‌তো যিবে ইস্রায়েলীয়গুনোর দলর্‌ আগে আগে যাল্লোই তে ঘুরিনেই তারার্‌ পিজে পিজে গেলগোই। মেঘর্‌ আন্দলান্ তারার্‌ মুজুঙেত্তুন্‌ পিজেদি সুরি যেইনে ইস্রায়েলীয় আর মিসরীয়গুনোর্‌ দলর্‌ সংমোধ্যে গেলঅ‌। সেক্কে মিসরীয়গুনোর্‌ ইন্দি মিগিলো ওই গেল আর আন্ধারত্‌ ঢাক্কে আর ইস্রায়েলীয়গুনোর্‌ ইন্দি রেদোত্অ পোট্‌‌পোট্যে পহ্‌র ওই গেল। ইয়েনত্যেই পুরো রেত্তো ভিদিরেয়ো মিসরীয়গুনে ইস্রায়েলীয়গুনো ইধু এই‌ ন-পারিলাক্।

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যাত্রা 23:20

“যে জাগাগান্‌ মুই ঠিগ্ গুরি রাগেয়োং সিদু তমারে নেযেবাত্তে আর পদত্‌ রোক্ষ্যে গুরিবাত্তে মুই তমা আগেদি একজন দূতরে পাধেই দুয়োঙর্‌।”

যাত্রা 33:14

জোবত্‌ লগেপ্রভু কলঅ, “মুই নিজেই তর্‌ লগে যেম্‌ আর তরে জিরেন্‌ দিম।”

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

যিরমিয় 14:21

তঅ সুনাঙান রোক্ষ্যে গুরিবাত্তে তুই আমান্দিত্তুন মুয়োন ফিরেই ন-নেযেচ্; তর্ বাঈনী গুরিবার সিংহাসনর জাগায়ানরে অসন্মান অবাত্তে ন-দিচ্। আমাত্তে তর্ থিদেবর্ গোজ্যে সুদোমর কধানি ইদোত্ তুল্; তুই সিয়েনি বাদ ন-দিচ্।

লেবীয় 26:42

সালে মুই যাকোব, ইস্‌হাক আর অব্রাহামর্‌ লগে মর্‌ সুদোমর্‌ কধা আর তারার্‌ দেজর্‌ কধা মনত্‌ তুলিম্‌।

লেবীয় 26:44

তো শত্রুগুনোর্‌ দেজত্‌ থেবার্‌ অক্তত্‌ মুই তারারে এধোক্ক্যেনগুরি অগ্রাজ্য ন-গুরিম বা ঘিনাইদে চোগেদি ন-চেম্‌ যেনে তারা এক্কুবারেই ভস্ত ওই যান্‌ আর ইঙিরিনে তারা সমারে মর্‌ সুদোমান্‌ ভাঙি যায়। মুই লগেপ্রভু তারার্‌ গোজেন।

সখরিয় 11:10

সে পরেদি মুই দোয়্যে নাঙে সেই লুদিক্কো নিইনে ভাঙি ফেলেইনে বেক জাদ্‌‌তুনো লগে মর্ যে চুক্তি এলঅ সিবে বাতিল গুরিলুং।

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

গণাণা 14:34

দেজ্‌চান চেই এত্তে যে চোল্লিশ দিন সময় লাক্কে তার্‌ পত্তি দিনোত্তে এক বজর্‌ গুরি বেক্কুনে চোল্লিশ বজর্‌ সং তুমি তমার্‌ অন্যেয়ত্তে দুঘ্ পেবা আর বুঝি পারিবাদে, মুই বিরুদ্ধে থেলে অবস্থাগান্‌ কেধোক্ক্যেন অয়।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।

দ্বি’লম্বর বিররণ 7:9

সেনত্যেই তুমি মনত্‌ রাগেয়ো, তমার গোজেন লগেপ্রভুই গোজেন। তারে বিশ্বেজ্ গরেদে গোজেন; যে তারে কোচ্‌পায় আর তার্‌ উগুমানি পালন্‌ গরে তারাত্তে তে যে সুদোমানি থিদেবর্ গোজ্যে সিয়েনি তে আজার্‌ আজার বংশ সং রোক্ষ্যে গরে আর তারা উগুরে তার্‌ অমকদ কোচ্‌পানা দেগায়।

যিহোশূয় 3:10

জেদা গোজেনে যে তমা ভিদিরে আঘে আর তেয়ই যে কনানীয়, হিত্তীয়, হিব্বীয়, পরিষীয়, গির্গাষীয়, ইমোরীয় আর যিবূষীয়গুনোরে হামাক্কায় তমা মুজুঙেত্তুন্‌ ধাবেই দিবো সিয়েন তুমি এধোক্ক্যেনগুরি বুঝি পারিবা।

বিচের গুরিয়্যেগুন 11:24

তর্‌ কমোশ-দেবেদাবো তরে যিয়েন গজক্‌ গুরিবাত্তে দিয়্যে সিয়েন কি তঅ আন্দারে নেই? ঠিগ্ সেধোক্কেন্‌গুরি আমার্‌ গোজেন লগেপ্রভু আমা মুজুঙেত্তুন্‌ যিগুনোরে ধাবেই দিয়্যে আমি তারার জাগায়ানি গজক্‌ গুরি আগিই।

বিচের গুরিয়্যেগুন 13:2

সে সময়োত্‌ সরা আদামত্‌ মানোহ নাঙে দান-গুট্টির এক্কো মানুচ্‌ এলঅ। তা মোক্কো ভাঝ্‌ এলঅ বিলিনে তার কনঅ ঝি-পূঅ ন-অন্‌।

বিচের গুরিয়্যেগুন 13:3

লগেপ্রভুর দূত্তো তা মোক্কোরে দেগা দিইনে কলঅ, “তুই ভাঝ্‌ বিলিনে তর্‌ কনঅ ঝি-পূঅ ন-অন্‌, মাত্তর্‌ তুই পিদিলী অবে আর তর্‌ এক্কো পূঅ অবঅ।

বিচের গুরিয়্যেগুন 2:5

তারা সে জাগানর নাঙান্‌ দিলাক্‌ বোখীম (যিয়েনর্ ভেদ্‌তান্ “আবিলেচ্‌গুরিয়্যে”)। লগেপ্রভুর নাঙে সিয়েনত্‌ তারা এ্যমান-উৎসর্বর পরব্‌ গুরিলাক্‌।