বিচের গুরিয়্যেগুন 19:6 - Chakma Bible

⁶ সেনত্তেই তারা দ্বিজনে হানা-দানা গুরিবাত্তে বুঝিলাক্‌। মিলেবোর বাপ্পো কলঅ, “এচ্চ্যে রেত্তো থাগঅ আর এক্কেনা রঙ্গ-ফুর্তি গরঅ।”

বিচের গুরিয়্যেগুন 19:6 ပူးပေါင်းရင်းမြစ်များ

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

১ রাজাবলী 21:7

সেক্কে তা মোক্কো ঈষেবলে তারে কলঅ, “তুই ইস্রায়েলর রাজা নয়? উঠ্‌, হানা-দানা গর্‌, হুজী অ। যিষ্রিয়েলীয় নাবোতর আংগুর ক্ষেদ্‌তান্‌ মুই তরে দিম্‌।”

ইষ্টের 1:10

সাত দিনোত্‌ রাজা অহশ্বেরশে আংগুর-রস হেইনে অমকদ হুজি ওই উদিলো আর মহূমন, বিস্থা, হর্বোণা, বিগ্‌থা, অবগথ, সেথর আর কর্কস নাঙে তার্‌ সাতজন সেবাগুরিয়্যেরে উগুম্‌ দিলো যেনে রাণী বষ্টীরে রাজমুকুট পিনেইনে তা মুজুঙোত্‌ আনা অয়। রাণী চাদে দোল এলঅ বিলিনে রাজা মানুচ্চুনোর্‌ আর দাঙর্‌ পোজিশনর্‌ কামগুরিয়্যেগুনোর্‌ মুজুঙোত্‌ তার্‌ দোলান্‌ দেগেবাত্তে চেইয়্যে।

গীতসংহিতা 104:15

আংগুর-রস যিয়েনে মান্‌জ্যর মনানিরে হুজি গরে, তেল যিয়েন তার মুয়োনরে জোল্‌জোল্যে গরে, আর রুটি যিয়েনে তা মনানত্ বল্ আনে।

লূকে লেখ্যে গম্ হবর্ 12:19

যেরেদি মুই নিজোরে কোম্, ভালোক্ বজরত্তে সয়-সাগোজ্যে গম্ গম্ জিনিচ্‌ থুবেইয়্যে আঘে। আরাম্ গরঅ, হানা-দানা গরঅ, রঙ্গ-ফুত্তিয়ে দিন কাদঅ।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

ফগদাং পেইয়্যে 11:10

তারা সিগুনোর্ কিয়্যেগানি গোরত্ দিবাত্যে ন-দিবাক্। তারা মুরি যেয়োন বিলিনে যিগুনে এ পিত্‌থিমীর সিগুনে হুজি অবাক্ আর ফুত্তি গুরিবাক্। মানুচ্চুনে একজন আরেকজনরে বক্‌শিজ্ পাধেবাক্, কারন যিগুনে এ পিত্‌থিমীর তারা এই দ্বিজন ভাববাদীত্যে দুঘ্ পেইয়োন।

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।

বিচের গুরিয়্যেগুন 16:25

পরেন্দি তারা হুজি ওই উদিনে ইয়েন কোইনে জগার্‌ পারিলাক, “শিম্‌শোনরে নিগিলেনে আনা ওক্‌; আমি তামাজা চেবং।” সেনত্তেই তারা হ্‌জদত্তুন্‌ শিম্‌শোনরে নিগিলেই আনিলাক্‌ আহ্‌ শিম্‌শোনে তারারে তামাজা দেগা ধুরিলো। তারা শিম্‌শোনরে খুদোগুনোর সংমোধ্যে থিয়্যেই রাগেলাক্‌।

বিচের গুরিয়্যেগুন 19:7

তে যেবাত্তে যুক্কোল্‌ অলেয়ো তা শোর্‌বো যেক্কে তারে কোজোলী গুরিলো সেক্কে তে সে রেত্তোয়ো সিদু থেলঅ।

বিচের গুরিয়্যেগুন 19:9

সে পরেন্দি যেক্কে সে মানুচ্চো তা দ্বিতীয় ঘরর্‌ মোক্কোরে আর গাবুরবোরে লোইনে যেবাত্তে যুক্কোল্‌ অলঅ সেক্কে তা শোর্‌বো কলঅ, “চঅ, ইক্কুনি পেরায়্‌ সাজোন্যে ওই যেইয়্যে, রেত্তো ইদু কাদঅ; বেল্যমাদন্ দঅ পেরায়্‌ ডুবেল্লোই। ইদু থাগঅ আর রঙ্গ-ফুর্তি গরঅ। কেল্যে বেন্যেপোত্যে উদিনে তমা ঘরর্‌ পদেন্দি আঢা মাজ্য।”

বিচের গুরিয়্যেগুন 9:27

তারা নিজোর্‌ ক্ষেদত্‌ যেইনে আংগুর তুলিনে মাড়িলাক্‌ আর মেইত্‌বান গুরিলাক্‌। তারা তারার্‌ দেবেদার কিয়ঙত্‌ যেইনে খানা-দানা গুরি অবীমেলকরে অভিশাব্ দিলাক্‌।

রূত 3:7

হানা-দানার পরেন্দি বোয়সর মনান্‌ যেক্কে খুজি অলঅ সেক্কে তে থুবেই-রাগেয়্যে শোজ্যর এক কিত্তেন্দি যেইনে ঘুমোত্‌ পুরিলো। রূতে চুবে চুবে যেইনে তা টেঙ উগুরেত্তুন কাবড়ান্‌ সোরেইনে সিয়োত্‌ ঘুমোত্‌ পুরিলো।

১ শমূয়েল 25:36

অবীগলে যেক্কে নাবল ইদু ফিরি গেলঅ সেক্কে রাজঘরত্‌ যেবাবোত্যে চলিদো সেবাবোত্যে এক্কো হানা তা ঘরত্‌ চলের্‌। নাবলে মদ হেইনে হুজি ওই উদিলো আর পরেন্দি অমকদ মাত্তল্‌ ওই পড়িলো। সেনত্যে অবীগলে বেন্যেমাদান্ ন-অনা সং তারে কিচ্ছু ন-কলঅ।