বিচের গুরিয়্যেগুন 19:25 - Chakma Bible

²⁵ তো তারা তা কধানি শুনিবাত্তে রাজী ন-অলাক্‌। সেক্কে সে মানুচ্চো তা দ্বিতীয় ঘরঅ মোক্কোরে ধুরিনে বারেন্দি তারা ইদু নিগিলেই দিলো। তারা গোদারেত্তো জোর্‌ গুরিনে তা লগে সিনেলী গুরিলাক্‌ আর তা কিয়্যেগান উগুরে অত্যেচার্‌ গুরিলাক্‌। সে পরেন্দি তারা বেন্যেমাদান্ তারে ইরি দিলাক্‌।

বিচের গুরিয়্যেগুন 19:25 ပူးပေါင်းရင်းမြစ်များ

পত্থম 4:1

আদমে তা মোক্কো হবা ইধু গেলে হবা পিদিলী অলঅ, আর কয়িন নাঙে তার এক্কো পুয়ো অলঅ। সেক্কে হবা কলঅ, “লগেপ্রভু মরে এক্কো মরদ্‌ পুয়ো দিলো।”

হোশেয় 10:9

লগেপ্রভু কত্তে, “ও ইস্রায়েল, গিবিয়াত্ যেক্কে তুই পাপ গোজ্যস্ সেক্কেত্তুন্ ধুরি তুই পাপ গুরি এজর্, আর পাপ ভিদিরে তুই রোই যেইয়োচ্। যুদ্ধোগানে কি গিবিয়াত্ অন্যেয়গুরিয়্যেগুনোরে লাগদ্ ন-পেবঅ?

হোশেয় 9:9

গিবিয়ার সময়োত্ যেবাবোত্যে এলঅ সেবাবোত্যে ইস্রায়েলীয়গুনে অন্যেয় ইধু ডুবি যেইয়োন। গোজেনে তারার্ পাজির্ কধানি ইদোত্ তুলিবো আর তারার্ পাপত্তে সাজা দিবো।

ইফিষীয় 4:19

তারার বিবেগ্‌কানি বাজে ওই যেইয়্যে, সেনত্যে ঈল্ ন-ওইয়্যে আওজ্‌চোই নানান্ বাবোত্যে অসিজি কাম্ গুরিবাত্যে তারা লাগাম নেইয়্যে কামনার্ আঢত্ নিজোরে ইরি দুয়োন্।

বিচের গুরিয়্যেগুন 19:24

মঅ গাবুজ্যে ঝিবো আর গর্বাবোর দ্বিতীয় ঘরঅ মোক্কো ইয়োত্‌ আঘে। মুই ইক্কিনে তারারে তমাইদু নিগিলেই আনঙর্‌। তুমি তারার্‌ ইজ্জত খেই দুয়ো আর তমার্‌ যিয়েনি মনে হয় সিয়েনই তারা উগুরে গরঅ, মাত্তর্‌ এ মানুচ্চো উগুরে তুমি এ বজং কামান ন-গোজ্য।”

বিচের গুরিয়্যেগুন 19:26

যেক্কে পহর্‌ অর্‌ সেক্কে সে মিলেবো ফিরি যেইনে তা নেক্কো যিয়েনত্‌ এলঅ সে বুড়ো মানুচ্চোর ঘরানর্‌ দোরো মুজুঙোত্‌ পড়ি থেলঅ। বেলান্‌ ন-উদোনা সং তে সিয়েনত্‌ পড়ি থেলঅ।

বিচের গুরিয়্যেগুন 20:5

রেদোত্‌ গিবিয়ার মানুচ্চুনে মরে তোগেবাত্তে এইনে ঘরান্‌ ঘিরিলাক্‌। তারা মরে মারে ফেলেবাত্তে চেইয়োন, মাত্তর্‌ মঅ বদলে তারা মঅ দ্বিতীয় ঘরঅ মোক্কোরে নেযেইনে জোর গুরিনে তা লগে সিনেলী গুরিলাক্‌, সেক্কে তে মুরি গেলঅ।