বিচের গুরিয়্যেগুন 19:23 - Chakma Bible

²³ সেক্কে ঘরঅ গিরোজ্‌সো বারেন্দি নিগিলিনে তারারে কলঅ, “না,না, মঅ ভেইয়ুন; তমারে কোজোলী গরঙর্‌, এধোক্কেন্‌ পাজী কাম্‌ তুমি ন-গোজ্য। এ মানুচ্চো মঅ গর্বা; এ বজং কামান্‌ তুমি ন-গোজ্য।

বিচের গুরিয়্যেগুন 19:23 ပူးပေါင်းရင်းမြစ်များ

পত্থম 19:8

চঅ, মর্‌ দ্বিবে ঝি আগন্‌। তারা কনদিন্‌অ কনঅ মরদ সমারে ন-থান্‌। তারারে মুই তমা ইধু নিগিলেনে আনঙর্‌। তারা সমারে তমার্‌ যিয়েন হুজি গরঅ, মাত্তর্‌ এ মানুচ্চুনোরে কিচ্ছু ন-গোজ্য, কিত্তে তারা মঅ ঘরত্‌ আশ্রয় নেযেয়োন।

পত্থম 34:7

এ ভিদিরে কধাগান্‌ শুনিনে যাকোব পুয়োগুনে মাদত্তুন্‌ ফিরি এলাক। তারা যেবাবোত্যে মনত্‌ দুঘ্ পেলাক্ সেবাবোত্যে অমকদ রাগঅ অলাক্, কিত্তে যাকোব ঝিবোর্ ইজ্জোত্‌তান বর্‌বাত্ গুরি দিইনে শিখিমে ইস্রায়েল উগুরে এক্কান্‌ অগমান কাম্‌ গোজ্যে, যিয়েন্‌ গোজ্যে সিয়েনর কনঅ উচিত্ ন এলঅ।

২ শমূয়েল 13:12

তামরে তারে কলঅ, “না ভেই, না; তুই মঅ ইজ্জোদ্‌তান্‌ বর্‌বাদ্ ন-গুরিচ্‌। ইস্রায়েলীয়গুনো ভিদিরেত্তুন্‌ এধোক্ক্যেন্ কাম্‌ গরানা উজিত্ নয়। এধোক্ক্যেন্ বজং কাম তুই ন-গুরিচ্‌।

দ্বি’লম্বর বিররণ 22:21

মাত্তর মিলেবোরে তা বাপ্পোর ঘরর্‌ দোরান ইদু নেযা পুরিবো। সে জাগানত মরদ মানুচ্চুনে সিয়েনত পাত্তর্ মারিনে তারে মারে ফেলেবাক। বাবঅ ঘরত হেবার অক্তত্‌ সিনেলী গুরিনে তে ইস্রায়েলীয়গুনো ভিদিরে জদবদে ঘিনাইদে কাম গোজ্যে। তুমি তমা ভিদিরেত্তুন এ ধোক্ক্যেন ভান্ন্যেইয়ানি শেজ্ গুরি দিবা।

যিহোশূয় 7:15

যিয়েন ভস্তর্ অভিশাবর তলে সিয়েন যে মানুচ্চো ইদু আঘে বিলিনে ধরা পুরিবো তাত্তুন্‌ তার বেক্কানি আগুনোত্‌ পুড়ি ফেলা পুরিবো। তে লগেপ্রভুর সুদোম অমান্য গোজ্যে আর এন্‌ এক্কান কাম্‌ গোজ্যে যিয়েন্‌ ইস্রায়েলীয়গুনোর পক্ষে এক্কান লাজানার্‌ কধা।’”

বিচের গুরিয়্যেগুন 20:6

ইস্রায়েলর্ ভিদিরে এন্‌ গুন্দোমি আর বজং কাম গোজ্যন্‌ বিলিনে মুই মঅ দ্বিতীয় ঘরঅ মোক্কোরে কাবিনে কট্টা কট্টা গুরি ইস্রায়েলীয়গুনোর ভাগত্‌ পোজ্যে পত্তি জাগাত্‌ এক কট্টা গুরিনে পাধেই দুয়োং।