বিচের গুরিয়্যেগুন 19:17 - Chakma Bible

¹⁷ শঅরর-চক্করবোত্‌ সে আদিযেইয়্যেবোরে দেগিনে বুড়ো মানুচ্চো পুজোর্‌ গুরিলো, “ তুই কুদু যেবে আর কুত্তুন্‌ এচ্ছোস?”

বিচের গুরিয়্যেগুন 19:17 ပူးပေါင်းရင်းမြစ်များ

পত্থম 16:8

স্বর্গদূত্তো কলঅ, সারীর চাগরানী হাগার্‌, তুই কুত্তুন্‌ এজর্‌ আর কুধু যেবে? জোবত্‌ হাগারে কলঅ, “মুই মঅ গিরোজর্ মোক্‌ সারীর কায়-কুরেত্তুন্‌ ধেই যাঙর্‌।”

পত্থম 32:17

পত্তম দলর্ চাগরবোরে তে উগুম্‌ দিইনে কলঅ, মর্‌ ভেই এষৌ লগে দেগা অলে তে যেক্কে পুযোর্‌ গুরিবো, কুদু যর্‌? তুই কার মানুচ্? তমা মুজুঙোত্ সেই য়েমানুন্‌ কার্‌?

২ শমূয়েল 12:4

একদিন্যে এক্কো গর্বা সে থাগোয়্যে মানুচ্চো ইদু এলঅ। মাত্তর্‌ থাগোয়্যে মানুচ্চো সে গর্বাবোত্তে হানা যুক্কোল্‌ গুরিবাত্তে নিজোর্‌ গোরু বা ভেড়া নিবাত্তে ন-চেলঅ। সিবের্‌ বদলে তে সেই নাঢা মানুচ্চোর্‌ পাদি ভেড়া ছঅবো নেযেইনে তা গর্বাবোত্তে হানা যুক্কোল্‌ গুরিলো।”

যিশাইয় 33:8

রাজপথ্‌তানি খালি, কনঅ মান্‌জ্যে পথ্‌তান ইন্দি ন-যাদন্। চুক্তিবো ভাঙি যেইয়্যে; শঅরানিরে কনঅ দাম দিয়্যে ন-যার্ আর কাররে সর্মান গরা ন-অর্।

যিরমিয় 14:8

ও ইস্রায়েলর আজা, দুঘো সময়োর উদ্ধোরগুরিয়্যে, কিত্তে তুই দেজ ভিদিরে অচেনা ধোক্ক্যেন, এক রেত্ থেইয়্যে বেড়ান্যে ধোক্ক্যেন ওইয়োচ্?‌‌‍

বিচের গুরিয়্যেগুন 19:16

সেদিন্যে সাজোন্যে অক্তত্‌ ইফ্রয়িমর মুড়ো-মুড়ি চাগালাত্‌ এক্কো বুড়ো মান্‌জ্যে তা ক্ষেদত্‌ কাম্‌ গরানার পরেন্দি গিবিয়া শঅরত্‌ সোমেল। তে গিবিয়াতত্‌ বজত্তি গুরিদো, মাত্তর্‌ সিদুগোর্‌ মানুচ্চুনে অলাক্‌ বিন্যামীন-গুট্টির মানুচ্‌।

বিচের গুরিয়্যেগুন 19:18

তে কলঅ, “আমি যিহূদার বৈৎলেহমত্তুন্‌ এচ্ছেই আর ইফ্রয়িমর মুড়ো-মুড়ি চাগালা ভিদিরে যেইম্‌। মঅ ঘরান্‌ সিদু। মুই যিহূদার বৈৎলেহমত্‌ যেইয়োং আর ইক্কিনে মুই লগেপ্রভুর ঘরত্‌ যাঙর্‌, মাত্তর্‌ কনজনে মরে ঘরত্‌ ন-ডাক্কন্‌।