বিচের গুরিয়্যেগুন 18:6 - Chakma Bible

⁶ জোবত্‌ ধর্মগুরুবো তারারে কলঅ, “তুমি সুগে-শান্দিয়্যে যঅ; লগেপ্রভুর আওজে তুমি যর্‌।”

বিচের গুরিয়্যেগুন 18:6 ပူးပေါင်းရင်းမြစ်များ

১ রাজাবলী 22:12

অন্য ভাববাদীগুনেয়ো একই কধা কদন্‌। তারা কলাক্‌, “রামোৎ-গিলিয়দ আক্রমণ গুরিনে সিয়েন্‌ জিদি নেযঅ, কিত্তেই লগেপ্রভু সিয়েন্‌ রাজার আঢত্‌ তুলি দিবো।”

১ রাজাবলী 22:15

মীখায় এজানার্‌ পরেন্দি রাজা তারে পুযোর্‌ গুরিলো, “মীখায়, আমি কি রামোৎ-গিলিয়দর বিরুদ্ধে যুদ্ধো গুরিবাত্তে যেবং, না ন-যেবং?” জোবত্‌ মীখায় কলঅ, “অয়, যহ্-যহ্, আক্রমণ গুরিনে জিদি নেযঅ, কিত্তেই লগেপ্রভু সিয়েন্‌ তঅ আঢত্‌ দি রাগেয়্যে।”

১ রাজাবলী 22:6

সেনত্তে ইস্রায়েলর রাজা ভাববাদীগুনোরে ডাগিনে এগত্তর্‌ গুরিলো। তারার্‌ অলাক্কে প্রায় চেরশত্‌। তে তারারে পুযোর্‌ গুরিলো, “রামোৎ-গিলিয়দর বিরুদ্ধে কি মুই যুদ্ধো গুরিবাত্তে যেম্‌, না নঅ-যেম্‌?” তারা কলাক্‌, “যাহ্, কিত্তেই প্রভু সিয়েন্‌ রাজা আঢত্‌ তুলি দিবো।”

গীতসংহিতা 33:18

মাত্তর্ লগেপ্রভু উগুরে যিগুনোর ভক্তিবলা দর্ আঘে, যিগুনে তার্ অমকদ কোচ্‌পানাগান উগুরে আজা রাগান্, তারার্ উগুরে তার খিয়েল্ আঘে;

যাত্রা 4:18

ইয়েন পরেদি মোশি তা শুয়োর্‌ যিথ্রো ইধু ফিরি যেইনে তারে কলঅ, “মিসর দেজত্‌ মঅ কুদুম্মোগুনো ইধু মরে ফিরি যেবাত্তে অনুমতি দুয়ো। মুই যেইনে দেগিবাত্তে চাং তারা এজঅ বাঁজি আগন্‌ নাহি।” যিথ্রো মোশিরে কলঅ, “ঠিক্‌ আঘে যঅ, তমার্‌ ভালেদি ওক্।”

যিরমিয় 23:32

ঘেচ্চেকগুরি মুই সেই ভাববাদীগুনো বিরুদ্ধে যিগুনে মিজে স্ববনর্ কধা কন। তারা সিয়েনি কন্ আর তারার বাড়্‌বো গোজ্যে মিজে কধালোই মঅ মানুচ্চুনোরে ভান্ন্যেই পধেদি নেযান। মাত্তর্ মুই তারারে ন-পাদাং বা উগুমঅ ন-দুয়োং। তারা এ মানুচ্চুনোরে এ শোস্যবিজিয়ো উপকার গুরি ন-পারন। মুই লগেপ্রভু এ কধাগান কঙর্।”

দ্বি’লম্বর বিররণ 11:12

সে দেজছানর্‌ দেগাশুনো তমার গোজেন লগেপ্রভুই গরে। বজরর্‌ আরাম্ভত্তুন্‌ ধুরি যেরেন্দি সং আমিঝে তার্‌ চোখ্‌কুন্‌ সে দেজ উগুরে রোইয়্যে।

১ থিষলনীকীয় 3:11

আমা বাব্‌পো আর গোজেনে নিজে আহ্ আমা প্রভু যীশু যেন তমা ইধু যেবার পথ্‌তান ঠিগ্ গুরি দে।‌

বিচের গুরিয়্যেগুন 18:5

তারা তারে কলাক্‌, “দোয়্যে গুরিনে তুই গোজেনত্তুন্ জানি লঅ আমার যানা গম্‌ অবঅ না-কি।”

বিচের গুরিয়্যেগুন 18:7

সে পাঁচজন মান্‌জ্যে সেক্কে সিয়েনত্তুন্‌ লয়ীশোত্‌ গেলাক্‌। তারা দেগিলাক সিদুগোর্‌ মানুচ্চুনে সীদোনীয়গুনো ধোক্কেন্‌ দর্‌নেইয়্যে, সুগে-শান্দিয়্যে আর নিচিদেগুরি বজত্তি গত্তন্‌। তারারে দুখ্‌ দিই পারন এধোক্ক্যেন কনঅ মানুচ্‌ সে জাগানত্‌ নেই। ইয়েনবাদেয়ো তারা সীদোনীয়গুনোত্তুন ভারোদ্দুরোত্‌ বজত্তি গত্তন্‌ আর অন্য কারঅ লগে তারার কনঅ মিলেমিছে নেই।

১ শমূয়েল 1:17

সেক্কে এলি কলঅ, “তর্‌ মনান্‌ শান্ত ওক্। ইস্রায়েলীয়গুনোর গোজেন ইদু তুই যিয়েনি চেয়োচ্‌ সিয়েনি যেনে তে তরে দে।”