বিচের গুরিয়্যেগুন 18:4 - Chakma Bible

⁴ তে কলঅ, “মীখা মত্তেই ভালক্কানি গোজ্যে। তে মরে বেতন দিইনে রাগেয়্যে আর মুই তার্‌ ধর্মগুরু।”

বিচের গুরিয়্যেগুন 18:4 ပူးပေါင်းရင်းမြစ်များ

গম্ উপদেজ্ 28:21

বিচেরত্ কার তপ্পে নেযানা ঠিগ্ নয়; যে সিয়েনি গরে তে এক কট্টা রুটিত্তেয়ো অন্যেয় গুরি পারে।

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিহিষ্কেল 13:19

কয়েক্ মুঠ্ কেচ্‌বিজি আর কয়েক কট্টা রুটিত্তে তুমি মঅ মানুচ্চুনো মুজুঙোত্ মরে অসর্মান গোজ্য। মঅ মানুচ্চুন, যিগুনে মিজে কধা শুনোন্, তুমি তারা ইধু মিজে কধা কোইনে যিগুনে মুরিবার নয় তারারে মারে ফেল্য আর যিগুনে বাঁজিবার নয় তারারে বাঁজেই রাগেয়ো।

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

প্রেরিত্‌ 20:33

কারঅ সনা, রূবো বা কাবড়-চুগোর উগুরে মুই লুভ্ ন-গরং।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

বিচের গুরিয়্যেগুন 17:10

মীখা তারে কলঅ, “তুই সালে মঅ লগে থাক্‌ আর মঅ ধর্মগুরু ওইনে বাবঅ ধোক্কেন্‌ অ। মুই তরে বজরে একশঅ কুড়ি গ্রাম ইজেবে রূবো আর হাবানা-উরোন-পিনোন্‌ দিম্‌।” এ কধাগান শুনিনে সে লেবীয়বো ভিদিরে গেলঅ আর তার লগে থেবাত্তে রাজী অলঅ। মীখা সে গাবুজ্যেবোরে তার এক্কো পূঅ ধোক্ক্যেন দেগিলো।

বিচের গুরিয়্যেগুন 17:12

মীখা সে লেবীয়বোরে তা কামত্‌ বজানার পরেন্দি তে তার ধর্মগুরু ওইনে তা ঘরত্‌ থেলঅ।

বিচের গুরিয়্যেগুন 18:3

সেই অক্তত্‌ তারা সেই লেবীয় গাবুজ্যে পূঅবোর মুয়োর্ রবো চিনিলাগ্‌। সেনত্তেই তারা ভিদিরে সুমিনে তারে পুজোর্‌ গুরিলাক্‌, “তরে ইয়েনত্‌ কন্না আন্যে? ইয়েনত্‌ তুই কি গরর্‌ আর কিত্তেই বা ইয়েনত্‌ এচ্ছোস্‌?”

বিচের গুরিয়্যেগুন 18:5

তারা তারে কলাক্‌, “দোয়্যে গুরিনে তুই গোজেনত্তুন্ জানি লঅ আমার যানা গম্‌ অবঅ না-কি।”