বিচের গুরিয়্যেগুন 18:31 - Chakma Bible

³¹ শীলোত্‌ যেদকদিন গোজেনর্‌ ঘরান্‌ এলঅ সেদকদিন সং দান-গুট্টির মানুচ্চুনে মীখার বানেয়্যে কাবিনে বানেয়্যে মূত্তিবো নিজোত্তে থোই দিলাক্‌।

বিচের গুরিয়্যেগুন 18:31 ပူးပေါင်းရင်းမြစ်များ

যিরমিয় 7:12

“ইক্কিনে তুমি শীলোত্ যিয়েনত্ মুই পৌইল্যা মর্ থেবার জাগা বানেয়োং সিয়েনত্ যঅ আর মর্ মানুচ্ ইস্রায়েলীয়গুনোর পাজিগানিত্তে মুই সিয়েনর অবস্থা কি গোজ্যং সিয়েন চঅ।

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।

বিচের গুরিয়্যেগুন 19:18

তে কলঅ, “আমি যিহূদার বৈৎলেহমত্তুন্‌ এচ্ছেই আর ইফ্রয়িমর মুড়ো-মুড়ি চাগালা ভিদিরে যেইম্‌। মঅ ঘরান্‌ সিদু। মুই যিহূদার বৈৎলেহমত্‌ যেইয়োং আর ইক্কিনে মুই লগেপ্রভুর ঘরত্‌ যাঙর্‌, মাত্তর্‌ কনজনে মরে ঘরত্‌ ন-ডাক্কন্‌।

বিচের গুরিয়্যেগুন 21:19

সে পরেন্দি তারা কলাক্‌, “পত্তি বজর শীলোত্‌ লগেপ্রভুর নাঙে এক্কো পরব্‌ অয়।” শীলো শঅ্‌রান এলদে বৈথেলর উত্তোরেন্দি যে পথ্‌তান বৈথেলত্তুন শিখিমোর ইন্দি যেইয়্যে সিয়েনর পূগেন্দি আর লবোনার দোগিণেন্দি।

বিচের গুরিয়্যেগুন 21:21

যেক্কে সিদুগোর্‌ মিলেগুনে নাজত্‌ মিজেবাত্তে নিগিলি এবাক্‌ সেক্কে তুমি পত্তিজনে আংগুর্‌ ক্ষেদত্তুন নিগিলি এইনে যিবেরে গম্‌ লাগে তারে ধুরি নেযেইনে বিন্যামীন চাগালাত্‌ যেবা।

১ শমূয়েল 1:3

ইল্‌কানা পত্তি বজর তা শঅরত্তুন শীলোত যেদঅ। তে সিদু যেইনে গোদা সংসারানর গিরোজ্ লগেপ্রভুর তবনা আর তা নাঙে য়েমান উৎসর্ব গুরিদো। সেক্কে সিদু ধর্মগুরু এলির দ্বিবে পূঅ লগেপ্রভুর ধর্মগুরু এলাক্। তারার নাঙানি এলদে হফ্‌নি আর পীনহস।

১ শমূয়েল 4:4

সেনত্যেই তারা শীলোত মানুচ্‌ পাদেইনে দুনিয়ের গিরোজ্‌ লগেপ্রভু, যিবে দ্বিবে করূবোর সংমোধ্যে থায়, তার সাক্ষ্য-সুন্দুক্কো আনিলাক্। গোজেনর সেই সাক্ষ্য-সুন্দুগোর্ লগে এলাক এলির দ্বিবে পূঅ, হফ্‌নি আর পীনহসে।