বিচের গুরিয়্যেগুন 18:29 - Chakma Bible

²⁹ শঅ্‌রানর পুরোণি নাঙান্‌ লয়ীশ অলেয়ো তারা তারার পূরোনি বুড়োবুড়িগুনোর নাঙ্‌ অনুসারে সিয়েনর নাঙান্‌ রাগেলাক্‌ দান। দান অলদে ইস্রায়েলর পূঅ।

বিচের গুরিয়্যেগুন 18:29 ပူးပေါင်းရင်းမြစ်များ

পত্থম 14:14

অব্রামে যেক্কে শুনিলো, তা কুদুম্মোবোরে সে রাজাগুনে ধুরি নেযেয়োন সেক্কে তে যুদ্ধোর শিক্ষ্যে পেইয়্যে তার তিনশ আদার জন চাগররে যুদ্ধোত্‌ লামেল আর দান শঅর্‌ সং শত্রুগুনোরে লোড়েই নেযেলাক্। এ চাগরুনে তা ঘরত্ জর্মেয়োন।

পত্থম 30:6

সেক্কে রাহেলে কলঅ, “গোজেনে মঅ উগুরে দোল্‌ বিচের্‌ গোজ্যে আর মঅ কানানিগান শুনিনে মরে এক্কো পুয়ো দিলো।” ইয়েনত্যে তে পুয়োবোর্‌ নাঙান্‌ রাগেল দান (যিয়েনর্ ভেদ্‌তান্ “দোল্‌ বিচের্‌”)।

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

২ শমূয়েল 17:11

“সেনত্তেই মুই তরে এ বুদ্ধিগান দুয়োঙর্‌: দানত্তুন্‌ বের্‌-শেবা সং সাগর পারর গুণি ন-পুরেইয়্যে ধূল্যেকণা ধোক্ক্যেন্‌ বেক্‌ ইস্রায়েলীয়গুন তইদু এগত্তর্‌ ওদোক্‌ আর তারারে লোইনে তুই নিজেই যুদ্ধোত্‌ যাহ্।

১ রাজাবলী 15:20

রাজা আসা কধালোই বিনহদদে রাজী ওইনে তার্‌ সেনাপতিগুনোরে ইস্রায়েলর আদামানির বিরুদ্ধে পাধেই দিলো। তে ইয়োন, দান, আবেল-বৈৎ-মাখা আর পুরো কিন্নেরৎ আর তা লগে নপ্তালি-চাগালাগান্‌ গজক্ গুরি নেযেল।

যিরমিয় 8:16

দান শঅরত্তুন্ শত্রুগুনোর ঘোড়াগুনোর্ নাগ রঅ শুনো যার্; তারার্ ঘোড়াগুনোর রগুন্দোই পুরো দেজ্‌চান গির্‌গিরের। দেজ্ আর সিয়েন ভিদিরে বেক্কানিযার্ আর শঅর আর শঅরত্ থেইয়্যেগুনোরে তারা গিলিবাত্তে এত্তন্।

দ্বি’লম্বর বিররণ 34:1

ইয়েনর্ পরেন্দি মোশি মোয়াবর সং জাগাত্তুন যিরীহোর উগুদোন্দি পিস্‌গা মুড়োমুড়ি ভিদিরে বেগত্তুন উজু নবো মুড়োবোত্‌ উদিলো। সিয়োত্তুন লগেপ্রভু তারে গোদা দেজ্‌ছান দেগেল। তে তারে গিলিয়দত্তুন দান সং বেক জাগায়ান,

যিহোশূয় 19:47

দান-গুট্টি তারার্‌ ভাগঅ জাগায়ানি বেক্কানি গজগত্ ন-নেযান্‌ বিলিনে তারার্‌ পক্ষেদি জাগায়ানি চিগোন্‌ ওইয়্যে। সেনত্তেই তারা লেশম শঅরান্‌ আক্রমণ গুরিনে সে জাগার্‌ মানুচ্চুনোরে ওদেই দিলো আর বেক্কুনোরে মারে ফেলেইনে সিয়েন গজক্ গুরিলাক্‌। তারা লেশমত্ বজত্তি গরা ধুরিলাক্‌ আর তারার্‌ পূরোণি মানুচ্চুনোর নাঙানি অনুসারে সে জাগায়ানর নাঙান্‌ রাগেলাক্‌ “দান।”

বিচের গুরিয়্যেগুন 18:7

সে পাঁচজন মান্‌জ্যে সেক্কে সিয়েনত্তুন্‌ লয়ীশোত্‌ গেলাক্‌। তারা দেগিলাক সিদুগোর্‌ মানুচ্চুনে সীদোনীয়গুনো ধোক্কেন্‌ দর্‌নেইয়্যে, সুগে-শান্দিয়্যে আর নিচিদেগুরি বজত্তি গত্তন্‌। তারারে দুখ্‌ দিই পারন এধোক্ক্যেন কনঅ মানুচ্‌ সে জাগানত্‌ নেই। ইয়েনবাদেয়ো তারা সীদোনীয়গুনোত্তুন ভারোদ্দুরোত্‌ বজত্তি গত্তন্‌ আর অন্য কারঅ লগে তারার কনঅ মিলেমিছে নেই।

বিচের গুরিয়্যেগুন 20:1

ইয়েনর্ পরেন্দি গিলিয়দর ইস্রায়েলীয়গুনে আর দানত্তুন বের্‌-শেবা সং পুরো চাগালায়ানর ইস্রায়েলীয়গুনে বেক্কুনে নিগিলি এলাক্‌ আর মিস্পাত্‌ লগেপ্রভুর ইদু এগত্তর অলাক্‌।