বিচের গুরিয়্যেগুন 18:28 - Chakma Bible

²⁸ লয়ীশোর মানুচ্চুনোরে রোক্ষ্যে গরেদে ধোক্কেন্‌ কনজন ন-এলাক্‌, কিত্যে তারার্‌ শঅ্‌রান সীদোনত্তুন ভালোদ্দুরোত্‌ এলঅ আর অন্য কনঅ মান্‌জ্য সমারে তারার মিলেমিছে ন-এলঅ। তারার শঅ্‌রান অলদে বৈৎ-রহোব শঅ্‌রর ইদু এক্কান্‌ কিঝিঙোত্‌। দান-গুট্টির মানুচ্চুনে শঅ্‌রান আরঅ বানেইনে সিদু বজত্তি গরা ধুরিলাক্‌।

বিচের গুরিয়্যেগুন 18:28 ပူးပေါင်းရင်းမြစ်များ

২ শমূয়েল 10:6

অম্মোনীয়গুনে বুঝি পারিলাক্, তারা দায়ূদোর ঘিনাইদে মানুচ্‌ ওইয়োন। সেনত্তেই তারা বৈৎ-রহোব আর সোবাত্তুন্‌ কুড়ি আজার অরামীয় সৈন্য, এক আজার সৈন্যসুমুত্তো মাখার রাজারে আর টোবত্তুন্‌ বার আজার মান্‌জ্যরে ভাড়া গুরিলাক্।

২ শমূয়েল 14:6

তর্‌ এ চাগরানীবোর্‌ দ্বিবে পূঅ এলঅ। তারা একদিন্যে মাদত্‌ মারামারি গত্তন্‌ আর সিয়েনত্‌ এন্‌ কনজনে তারারে কারি লবার মানুচ্ ন-এলাক্। সেনত্তেই তারা দ্বিজনেই মুরি গেলাক্।

২ শমূয়েল 24:6

সে পরেন্দি তারা গিলিয়দ আহ্ তহতীম-হদ্‌শি চাগালাত্‌ গেলাক্। যেরেন্দি তারা দান-যানত্‌ যেইনে ঘুরিনে সীদোনর ইন্দি গেলাক্।

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

গীতসংহিতা 7:2

সিয়েন ন-অলে সিংহ ধোক্ক্যেন গুরি তারা মরে ছিনি ফেলেবাক্; তারা মরে কট্টা কট্টা গুরি ফেলেবাক্, মরে বাজেবার্ কনজন ন-থেবাক্।

যিশাইয় 23:12

তে কোইয়্যেদে, “ও সীদোনর মানুচ্চুন্, তমার্ ফুত্তিগানি থুম্ ওইয়্যে, কিত্তে তুমি দঅ অত্যেচারিত ওইয়ো। উদো, পার্ ওইনে সাইপ্রাস দ্বিবোত্ যঅ; সিদুয়ো তুমি জিরেন্ ন-পেবা।”

যিশাইয় 23:4

ও সীদোন, লাজেস্, কিত্তে সাগর, সাগরর্ ঘরানে এ কধাগান কত্তে,“মর্ পুয়ো-পুদেবাত্তে পীড়েয়ো ন-অয়, মুই জর্ময়ো ন-দুয়োং। মুই পুয়োগুনোরে মানুচ্অ ন-গরং আর মিলেগুনোরে দাঙর্ ন-গরং।”

গণাণা 13:21

সেক্কে তারা যেইনে সীন ধূল্যেচর চাগালাত্তুন আরাম্ভ গুরিনে হমাতর ইন্দি রহোব সং দেজ্‌চানর্‌ খোঁজ খবর লোই আনিলাক্।

যিহোশূয় 11:8

লগেপ্রভু ইস্রায়েলীয়গুনোর আদত্‌ তারারে তুলি দিলো। ইস্রায়েলীয়গুনে তারারে মাত্তে মাত্তে মহাসীদোন, মিষ্রফোৎ-ময়িম আর পূগেন্দি মিস্পী কিজিঙোত্‌ সং লোড়েই নেযেলাক্‌। শেজন্দি আর কনজনে বাঁজি ন-রলাক্‌।

যিহোশূয় 19:28

যেরেন্দি সে দুযির্‌ চিহ্নোগান্‌ এব্রোণ, রহোব, হম্মোন আর কান্না ওইনে মহাসীদোন সং গেলগোই।

বিচের গুরিয়্যেগুন 18:1

সেই সময়োত্‌ ইস্রায়েলীয়গুনো ভিদিরে কনঅ রাজা ন-এলঅ। ইস্রায়েলীয় গুট্টিগুনো ভিদিরে দান-গুট্টির মানুচ্চুনে সেক্কেয়ো কনঅ সোম্বোত্তি গজক্‌ গুরি নি ন-পারন্‌। সেনত্তেই তারা বজত্তি গুরিবার আজাই নিজোত্তে এক্কান জাগা তগাদন্‌।

বিচের গুরিয়্যেগুন 18:29

শঅ্‌রানর পুরোণি নাঙান্‌ লয়ীশ অলেয়ো তারা তারার পূরোনি বুড়োবুড়িগুনোর নাঙ্‌ অনুসারে সিয়েনর নাঙান্‌ রাগেলাক্‌ দান। দান অলদে ইস্রায়েলর পূঅ।

বিচের গুরিয়্যেগুন 18:7

সে পাঁচজন মান্‌জ্যে সেক্কে সিয়েনত্তুন্‌ লয়ীশোত্‌ গেলাক্‌। তারা দেগিলাক সিদুগোর্‌ মানুচ্চুনে সীদোনীয়গুনো ধোক্কেন্‌ দর্‌নেইয়্যে, সুগে-শান্দিয়্যে আর নিচিদেগুরি বজত্তি গত্তন্‌। তারারে দুখ্‌ দিই পারন এধোক্ক্যেন কনঅ মানুচ্‌ সে জাগানত্‌ নেই। ইয়েনবাদেয়ো তারা সীদোনীয়গুনোত্তুন ভারোদ্দুরোত্‌ বজত্তি গত্তন্‌ আর অন্য কারঅ লগে তারার কনঅ মিলেমিছে নেই।