বিচের গুরিয়্যেগুন 18:27 - Chakma Bible

²⁷ মীখার বানেয়্যে বেক্‌ মূত্তিগুন আর তার্‌ ধর্মগুরুবোরে লোইনে তারা লয়ীশোত্‌ গেলাক্‌। সিদুগোর্‌ সুগে-শান্দিয়্যে আর নিচিদেগুরি আগন্দে মানুচ্চুনোরে তারা আক্রমণ গুরিনে মারে ফেলেলাক্‌ আর তারার শঅ্‌রান পুড়ি ফেলে দিলাক্‌।

বিচের গুরিয়্যেগুন 18:27 ပူးပေါင်းရင်းမြစ်များ

পত্থম 49:16

দান ইস্রায়েলর এক্কো গুট্টি ইজেবে তা মানুচ্চুনোরে বিচের্‌ গুরিবো।

দ্বি’লম্বর বিররণ 33:22

দান পৌইদ্যেনে তে কোইয়্যেদে, “তে যেন বাশনত্তুন জাম্‌ দি এস্যে সিংহর ছঅ।”

যিহোশূয় 11:11

ইস্রায়েলীয়গুনে হাৎসোরর বেক্কুনোরে এক্কুবারে ভস্ত গুরি দিলো, এক্কো জেদা প্রাণীরেয়ো বাঁজেই ন-রাগেল। ইয়েনর্ পরেন্দি যিহোশূয় শঅ‌রান পুড়ি দিলো।

যিহোশূয় 19:47

দান-গুট্টি তারার্‌ ভাগঅ জাগায়ানি বেক্কানি গজগত্ ন-নেযান্‌ বিলিনে তারার্‌ পক্ষেদি জাগায়ানি চিগোন্‌ ওইয়্যে। সেনত্তেই তারা লেশম শঅরান্‌ আক্রমণ গুরিনে সে জাগার্‌ মানুচ্চুনোরে ওদেই দিলো আর বেক্কুনোরে মারে ফেলেইনে সিয়েন গজক্ গুরিলাক্‌। তারা লেশমত্ বজত্তি গরা ধুরিলাক্‌ আর তারার্‌ পূরোণি মানুচ্চুনোর নাঙানি অনুসারে সে জাগায়ানর নাঙান্‌ রাগেলাক্‌ “দান।”

বিচের গুরিয়্যেগুন 18:10

তুমি সিয়েনত্ যেইনে দেগিবাদে, সিদুগোর্‌ মানুচ্চুনে এক্কান দাঙর্‌ জাগাত্‌ নিচিদেগুরি বজত্তি গত্তন্‌। গোজেনে তমা আঢত্‌ জাগায়ান দিইনে রাগেয়্যে। পিত্‌থিমীর কনঅ জিনিজোর অভাব সিয়েনত্‌ নেই।”

বিচের গুরিয়্যেগুন 18:26

ইয়েন কোইনে দান-গুট্টির মানুচ্চুনে তারার নিজোর্‌ পথ্‌তানন্দি আঢা মারিলাক্‌। মীখা দেগিলোদে, তাত্তুন্‌ বেশ্‌ তারার গঙান্‌ বেশ্‌। সেনত্তেই তে ঘুরিনে নিজো ঘরত্‌ ফিরি গেলঅ।

বিচের গুরিয়্যেগুন 18:7

সে পাঁচজন মান্‌জ্যে সেক্কে সিয়েনত্তুন্‌ লয়ীশোত্‌ গেলাক্‌। তারা দেগিলাক সিদুগোর্‌ মানুচ্চুনে সীদোনীয়গুনো ধোক্কেন্‌ দর্‌নেইয়্যে, সুগে-শান্দিয়্যে আর নিচিদেগুরি বজত্তি গত্তন্‌। তারারে দুখ্‌ দিই পারন এধোক্ক্যেন কনঅ মানুচ্‌ সে জাগানত্‌ নেই। ইয়েনবাদেয়ো তারা সীদোনীয়গুনোত্তুন ভারোদ্দুরোত্‌ বজত্তি গত্তন্‌ আর অন্য কারঅ লগে তারার কনঅ মিলেমিছে নেই।

বিচের গুরিয়্যেগুন 8:11

নোবহ আর যগ্‌বিহেরর পূগেন্দি তাম্বুলত থেইয়্যে মানুচ্চুনোর পথ্‌তান ধুরিনে গিদিয়োনে অদাতৎ যেইনে সেই সৈন্যদলুনো উগুরে ঝাবেই পড়িলো। সেক্কে তারা চিদেচজ্জা নেইয়্যে গুরি এলাক্‌।