বিচের গুরিয়্যেগুন 18:20 - Chakma Bible

²⁰ এ কধাগান শুনিনে সে ধর্মগুরুবো ভারি হুজি অলঅ। তে নিজেই সে এফোদ, দেবেদামূত্তিগুন আর সীলমাজ্যে মূত্তিবো লোইনে সে মানুচ্চুনোর লগে গেলঅ।

বিচের গুরিয়্যেগুন 18:20 ပူးပေါင်းရင်းမြစ်များ

গম্ উপদেজ্ 30:15

জোঁকর দ্বিবে ঝি আগন্, তারা “দে, দে” কোই কোই রঅ ছাড়ন্। তিনেন্ জিনিস আঘে যিয়েন কনদিন্‌অ ঈল্ ন-অয়, আজলে চেরান্ জিনিজে কনদিন্‌অ ন-কয়, “যগাজ্যে ওইয়্যে”-

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিহিষ্কেল 13:19

কয়েক্ মুঠ্ কেচ্‌বিজি আর কয়েক কট্টা রুটিত্তে তুমি মঅ মানুচ্চুনো মুজুঙোত্ মরে অসর্মান গোজ্য। মঅ মানুচ্চুন, যিগুনে মিজে কধা শুনোন্, তুমি তারা ইধু মিজে কধা কোইনে যিগুনে মুরিবার নয় তারারে মারে ফেল্য আর যিগুনে বাঁজিবার নয় তারারে বাঁজেই রাগেয়ো।

যিহিষ্কেল 21:21

কিত্যে বাবিল রাজা গোণেবাত্তে-পড়িবাত্তে সিদু থামেব যিয়েনত্ পথ্‌তান ভাগ ওই যেইয়্যে, অত্তাৎ দ্বিয়েন পথ যিয়েনত্ এগত্তর্ ওইয়্যে। তে সেল্ মারিবো, তা দেবেদাগুনো সমারে সল্লা গুরিবো আর কনঅ য়েমান কলিজেলোই পোরোক্ষ্যে গুরি চেবঅ।

হোশেয় 4:3

ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

লেবীয় 26:1

কনঅ বাবোত্যে দেবেদা মূত্তি তুমি ন-বানেয়ো। নিজোত্তে তক্তালোই কাবিনে বানেয়্যে মূত্তি বা কনঅ পূজোর পাত্তর্‌ তুমি ন-বোজেবা। পূজো গুরিবাত্তে তুমি পাত্তর্ কাবিনে বানেয়্যে কনঅ মূত্তি তমা দেজত্‌ ন-রাগেবা। মুই লগেপ্রভু তমার গোজেন।

প্রেরিত্‌ 20:33

কারঅ সনা, রূবো বা কাবড়-চুগোর উগুরে মুই লুভ্ ন-গরং।

ফিলিপীয় 3:19

তারার্ ভাগ্যত্ আঘেদে ভস্ত অনা; পেট্টো অলঅ তারার্ গোজেন; যিয়েন লাজেবার্ বেপার সিয়েন্দোই তারা দেমাগ্ গরন্; আর বানা জাগতিগ পৌইদ্যেনে তারার্ মনানি পড়ি আঘে।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

বিচের গুরিয়্যেগুন 17:10

মীখা তারে কলঅ, “তুই সালে মঅ লগে থাক্‌ আর মঅ ধর্মগুরু ওইনে বাবঅ ধোক্কেন্‌ অ। মুই তরে বজরে একশঅ কুড়ি গ্রাম ইজেবে রূবো আর হাবানা-উরোন-পিনোন্‌ দিম্‌।” এ কধাগান শুনিনে সে লেবীয়বো ভিদিরে গেলঅ আর তার লগে থেবাত্তে রাজী অলঅ। মীখা সে গাবুজ্যেবোরে তার এক্কো পূঅ ধোক্ক্যেন দেগিলো।

বিচের গুরিয়্যেগুন 18:19

জোবত্‌ তারা তারে কলাক্‌, অলর্‌ থাক্‌, মুয়োনত্‌ আঢ্‌তানি চাবি দিইনে তুই আমা লগে আয়; আমা ধর্মগুরু ওইনে বাবঅ ধোক্কেন্‌ অ। এক্কো মান্‌জ্যর গিরির্ ধর্মগুরু অনাত্তুন্‌ কি ইস্রায়েলীয়গুনোর এক্কো গুট্টির ধর্মগুরু অনা গম্‌-নয়?

বিচের গুরিয়্যেগুন 18:21

মানুচ্চুনে তারার চিগোন ঝি-পূঅ, এ্যমানপাল আর তারার অন্য পজাপিরানি দলর মুজুঙেন্দি রাগেইনে সিয়োত্তুন গেলাক্‌।