বিচের গুরিয়্যেগুন 18:12 - Chakma Bible

¹² পদথ্‌ তারা যিহূদা-দেজর কিরিয়ৎ-যিয়ারীমোর ইদু তাম্বুল ফেলেলাক্‌। সেনত্তেই কিরিয়ৎ-যিয়ারীমোর পোজিমেন্দিগানরে এজঅ মহনে-দান কুয়ো অয় (যিয়েনর্ ভেদ্‌তান্ “দানর তাম্বুল”)।

বিচের গুরিয়্যেগুন 18:12 ပူးပေါင်းရင်းမြစ်များ

২ বংশধর 1:4

খালিক্ গোজেন সুন্দুক্কো যিরূশালেমত্‌ এলঅ‌, কিত্তে দায়ূদে কিরিয়ৎ-যিয়ারীমত্তুন্‌ সিয়েন্‌ আনিনে তাত্তে যিরূশালেমত্‌ যে তাম্বুলান্‌ বানেয়্যে সিয়েনত্‌ রাগেয়্যে।

যিহোশূয় 15:60

কিরিয়ৎ-বাল, অত্তাৎ কিরিয়ৎ-যিয়ারিম আর রব্বা। এ দ্বিয়েন শঅর্‌ আর ইয়েনির কায়-কুরে জাগায়ানি তারা পেইয়োন।

যিহোশূয় 15:9

সেই দুযির্‌ চিহ্নোগান সে পরেন্দি মুড়োবো উগুরেত্তুন্‌ নিপ্তোহর উইফুদোর্‌ ইন্দি গেলঅ‌। সিয়োত্তুন্‌ ইফ্রোণ মুড়োবোর্‌ আদামানির কায়-কুরেন্দি নিগিলিনে সিয়েন বালার ইন্দি, অত্তাৎ কিরিয়োৎ-যিয়ারীমর ইন্দি লামি গেলঅ‌।

যিহোশূয় 9:17

সেক্কে ইস্রায়েলীয়গুনে তারার্‌ চাগালান্দি যাহ্ ধুরিলাক্‌ আর তিন দিনোত্‌ সিদু যেইনে লুমিলাক্‌। তারার্‌ চাগালাত্‌‌ এলাক্কে গিবিয়োন, কফীরা, বেরোৎ আর কিরিয়ৎ-যিয়ারীম শঅরান্‌।

বিচের গুরিয়্যেগুন 13:25

শিম্‌শোনে যেক্কে সরা আর ইষ্টায়োলর সংমোধ্যে মহনে-দান বিলিনে এক্কান জাগাত্‌ এলঅ সেক্কেত্তুন্‌ ধুরি লগেপ্রভুর আত্মাগানে তারে চেদন্‌ দিয়া ধুরিলো।

বিচের গুরিয়্যেগুন 18:11

এ কধাগান শুনিনে দান-গুট্টির ছয়শত মানুচ্‌ যুদ্ধোর আত্যের্‌ নেযেইনে সরা আর ইষ্টায়োলত্তুন যাহ্ ধুরিলাক্‌।

বিচের গুরিয়্যেগুন 18:13

সিয়েনত্তুন্ তারা ইফ্রয়িমর মুড়ো-মুড়ি চাগালাত্‌ সুমিনে মীখার ঘরত্‌ গেলাক্‌।

১ শমূয়েল 6:21

সে পরেন্দি তারা কয়েকজন মান্‌জ্যর্ মাধ্যমে কিরিয়ৎ-যিয়ারীমর মানুচ্চুনো ইদু কোই পাদেলাক্, “পলেষ্টীয়গুনে লগেপ্রভুর সুন্দুক্কো ফিরেই দুয়োন। তুমি লামি এইনে সুন্দুক্কো তমা ইদু লোই যঅ।”

১ শমূয়েল 7:1

সেনত্যেই কিরিয়ৎ-যিয়ারীমর মানুচ্চুনে এইনে লগেপ্রভুর সুন্দুক্কো নেযেলাক্। তারা সুন্দুক্কো নেযেইনে মুড়ো উগুরে তারার শঅরত্‌ অবীনাদবর ঘরত্‌ রাগেলাক আর সিবে দেগাশুনো গুরিবাত্যে অবীনাদবর পূঅ ইলিয়াসরে লগেপ্রভুর নাঙে ফারক্‌ গুরি নেযেলাক্।