বিচের গুরিয়্যেগুন 17:1 - Chakma Bible

¹ ইফ্রয়িমর মুড়ো-মুড়ি চাগালাত্‌ মীখা নাঙে এক্কো মানুচ্‌ এলঅ।

বিচের গুরিয়্যেগুন 17:1 ပူးပေါင်းရင်းမြစ်များ

১ রাজাবলী 4:8

তারার নাঙানি ইয়েনি: ইফ্রয়িমর মুড়োমুড়ি চাগালার বিন্-হূর।

যিহোশূয় 15:9

সেই দুযির্‌ চিহ্নোগান সে পরেন্দি মুড়োবো উগুরেত্তুন্‌ নিপ্তোহর উইফুদোর্‌ ইন্দি গেলঅ‌। সিয়োত্তুন্‌ ইফ্রোণ মুড়োবোর্‌ আদামানির কায়-কুরেন্দি নিগিলিনে সিয়েন বালার ইন্দি, অত্তাৎ কিরিয়োৎ-যিয়ারীমর ইন্দি লামি গেলঅ‌।

যিহোশূয় 21:21

ইফ্রয়িম-গুট্টির মুড়ো-মুড়ি চাগালা ভিদিরে শিখিম, গেষর, কিবসয়িম আর বৈৎ-হোরোণ নাঙে চেরান আদাম আহ্‌ শঅর্‌ আর সিয়েনির লগে য়েমান চোড়েবার খলা তারারে দিয়্যে অলঅ‌। ইয়েন ভিদিরে শিখিমান এলদে খুনি আসামীর আশ্রয়-শঅর্‌।

যিহোশূয় 24:30

মানুচ্চুনে গাশ মুড়োবো উগুরে তা সোম্বোত্তিগানি ভিদিরে, অত্তাৎ ইফ্রয়িমর মুড়ো-মুড়ি চাগালার তিম্নৎ-সেরহত্‌ তারে গোর্ দিলাক্‌।

বিচের গুরিয়্যেগুন 10:1

অবীমেলকর্ পরেন্দি তোলয় নাঙে ইষাখর-গুট্টির এক্কো মান্‌‌‌‌জ্যে ইস্রায়েলীয়গুনোরে রোক্ষ্যে গুরিবাত্তে এলঅ। তোলয়ে অলদে পূয়ার পূঅ আর দোদয়র নাদিন্‌। ইফ্রয়িমর মুড়ো-মুড়ি চাগালাত্‌ শামীরোত তে বজত্তি গুরিদো।

বিচের গুরিয়্যেগুন 16:31

শিম্‌শোনর ভেইয়ুনে আর তা বাবঅ গিরির্ বেক্কুনে তা কিয়্যেগান নেযেবাত্তে এলাক্‌। তারা তারে নেযেইনে সরা আর ইষ্টায়োলর সংমোধ্যে তা বাপ্পো মানোহর গোরান ভিদিরে গোর্ দিলাক্‌। শিম্‌শোনে কুড়ি বজর সং ইস্রায়েলীয়গুনোরে শাজন্ গোজ্যে।

বিচের গুরিয়্যেগুন 17:2

তে তা মাবোরে কলঅ, “তর্‌ যে তের কেজি দ্বিশত গ্রাম রূবো চুর্‌ ওইয়্যে আর যিয়েনত্তে তরে মুই গেইল্‌ দেদে শুন্যং সিয়েন মইদু আঘে, মুই সিয়েন নেযেয়োং।” সেক্কে তা মা তারে কলঅ, “বাবা, লগেপ্রভু তরে বর্‌ দোক্‌!”

বিচের গুরিয়্যেগুন 18:13

সিয়েনত্তুন্ তারা ইফ্রয়িমর মুড়ো-মুড়ি চাগালাত্‌ সুমিনে মীখার ঘরত্‌ গেলাক্‌।

বিচের গুরিয়্যেগুন 18:2

সেনত্তেই দানীয়গুনে সরা আর ইষ্টায়োলত্তুন তারার পাঁচজন বোলী বন্দরে তোগেবাত্তে পাধেই দিলাক্‌ যেনে তারা দেজ্‌চান গমেডালে চেই এই পারন্‌। এই পাচজনরে তারা কোই দিলাক্‌, “তুমি দেজ্‌চানর গমেডালে চেই এজঅ।” সেক্কে সে মানুচ্চুনে ইফ্রয়িমর মুড়ো-মুড়ি চাগালাত্‌ যেইনে সুমিলাক্ আর রেদোত্‌ মীখার ঘরর কায়-কুরে রলাক্‌।

বিচের গুরিয়্যেগুন 3:27

সিদু ইফ্রয়িমর মুড়োমুড়ি চাগালাত্‌ তে শিংগা বাজানার পরেন্দি ইস্রায়েলীয়গুনে তা সমারে মুড়োত্তুন্‌ তলেদি লামি এইনে তা পিজে পিজে আঢিলাক্‌,