বিচের গুরিয়্যেগুন 16:28 - Chakma Bible

²⁸ সেক্কে শিম্‌শোনে লগেপ্রভুর্‌ ইদু তবনা গুরিনে কলদে, “ও প্রভু লগেপ্রভু, মঅ কধানি একবার ইদোত্‌ তুল্। ও গোজেন, দোয়্যে গুরিনে আর একপল্লা বানা মরে খেমতাগান্ দে যেনে মর্‌ দ্বিবে চোগোত্তেই এক্কুবারেই মুই পলেষ্টীয়গুনো উগুরে হেনা সুজি পারং।”

বিচের গুরিয়্যেগুন 16:28 ပူးပေါင်းရင်းမြစ်များ

২ বংশধর 20:12

ও আমার্‌ গোজেন, তুই কি তারারে বিচের্‌ ন-গুরিবে? এই যে দাঙর্‌ সৈন্যদল্লো আমারে আক্রমণ গুরিবাত্তে এজের্‌ তারা মুজুঙো-মুজুঙি অবার্‌ বলান্‌ আমার নেই। কি গরা পুরিবো সিয়েন্‌ আমি ন-জানিই, মাত্তর্‌ আমি বানা তইন্দি চেই আগিই।”

গীতসংহিতা 10:12

ও লগেপ্রভু, উঠ্; ও গোজেন, তঅ আঢ্‌তান বাবেই দে, দুঘি মানুচ্চুনোরে ভুলি ন-যেচ্।

গীতসংহিতা 116:4

সেক্কেনে মুই লগেপ্রভুরে ডাগিনে কলুং, “ও লগেপ্রভু, মুই তইদু কোজোলি গরং, তুই মঅ পরাণান্ বাঁজা।”

গীতসংহিতা 143:12

তর্ অমকদ কোচ্‌পানার কারনে তুই মঅ শত্রুগুনোরে ফেলেই দে; মর্ বেক বিপক্কগুনোরে তুই ভস্ত গর্, কিত্তে মুই তর্ চাগর্।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 91:15

তে মরে ডাগিলে মুই তারে শমক্ দিম; দযাত্ মুই তা সমারে থেম্; তারে মুই রোক্ষ্যে গুরিম আর সর্মানর জাগা দিম্।

যিরমিয় 15:15

ও লগেপ্রভু, তুই দঅ বেক্কানি হবর্ পাজ্; সেনত্তে মঅ কধানি ইদোত্ তুল্ আর মঅ উগুরে মনযোগ দে। মঅ অত্যেচারীগুনো উগুরে তুয়ই হেনা সুজ্। তুই দঅ তারা উগুরে বোউত্ ধোজ্য ধুরি থাচ্, মাত্তর্ সেনত্তে তারা আঢত্ তুই মরে ভস্ত অবাত্তে ন-দিচ্; ইদোত্ তুলি চাহ্, মুই তত্তে কিবাবোত্যে ঈচ্ গরানা সোজ্য গোজ্যং।

যোনা 2:7

“ও লগেপ্রভু, মঅ পরাণান্ যেক্কে যাং যাং ওইয়্যে সেক্কে মুই তরে ইদোত্ তুলিলুং, আর মঅ তবনাগান তইদু, তঅ সুদ্ধো-সাংগ ঘরত্ উঠ্যেগোই।

২ তীমথিয় 4:14

যে আলেক্‌সান্দরে তামা কাম গরে তে মরে বোউত ক্ষতি গোজ্জ্যে। তে যিয়েন গোজ্জ্যে সিয়েনর হেনা প্রভু শুজিবো।

ইব্রীয় 11:32

ইয়েনত্তুন্ বেশ্ মুই আর কি কোম? গিদিয়োন, বারক, শিম্‌শোন, যিপ্তহ, দায়ূদ, শমূয়েল আর ভাববাদীগুনোর্ কধা কবার্ সময় মর্ নেই।

ফগদাং পেইয়্যে 6:10

তারা দাঙর্ দাঙর্ রঅ ছাড়িনে কলাক্, “ও পবিত্র আর সত্যময় প্রভু, যিগুনে এ পিত্‌থিমীর, তারারে বিচের্ গত্তে আর তারা উগুরে আমার লোর্ হেনা শুজোধে তুই আর কদক্ দেরি গুরিবে?”

বিচের গুরিয়্যেগুন 15:18

ইয়েনর্ পরেন্দি শিম্‌শোনর অমহদ পানি তিরেচ্‌ পেলঅ। তে লগেপ্রভুর ইদু তবনা গুরিনে কলঅ, “তুই তঅ চাগরবোরে দাঙর্‌ যচ্‌ দান গোজ্যচ্‌। ইক্কিনে কি মত্তুন্‌ পানি তিরেচে মুড়িনে এ সুন্নত ন-গোজ্যে মানুচ্চুনোর আঢত্‌ পড়া পুরিবো?”

বিচের গুরিয়্যেগুন 16:27

সে মন্দিরোত্‌ ভালোক্কুন্‌ মরদ আর মিলে এগত্তর্‌ ওইয়োন, আর পলেষ্টীয়গুনোর বেক্‌ শাজন্‌গুরিয়্যেগুনেয়ো সিয়েনত্‌ এলাক্‌। ছালঅ উগুরেত্তুন পেরায়্‌ তিন আজার মরদ আর মিলেই শিম্‌শোনর তামাজা দেখ্যন্‌।

বিচের গুরিয়্যেগুন 16:29

সংমোধ্যে যে দ্বিবে খুদো উগুরে মন্দিরবো থিয়্যেই এলঅ শিম্‌শোনে সে দ্বিবেরে আজা‌বোদে ধুরিলো। তে ডেন্‌ আঢ্‌তান এক্কো খুদো উগুরে আর বাঙ্‌ আঢ্‌তান অন্য খুদোবো উগুরে রাগেনে নিজোর কিয়্যে ভরান্‌ খুদোগুনোর উগুরে দিলো।

বিচের গুরিয়্যেগুন 5:31

ও লগেপ্রভু, তর্‌ শত্রুগুনে বেক্কুনে এধোক্কেন্‌ গুরিনে শেজ্‌ ওই যাদোক্‌; মাত্তর্‌ যিগুনে তরে কোচ্‌পান তারা যেনে বেলান ধোক্কেন্‌ পহ্‌র ওই উদোন্‌। ইয়েনর্ পরেন্দি দেজত্‌ চোল্লিশ বজর সং সুখ-শান্দি এলঅ।