বিচের গুরিয়্যেগুন 16:27 - Chakma Bible

²⁷ সে মন্দিরোত্‌ ভালোক্কুন্‌ মরদ আর মিলে এগত্তর্‌ ওইয়োন, আর পলেষ্টীয়গুনোর বেক্‌ শাজন্‌গুরিয়্যেগুনেয়ো সিয়েনত্‌ এলাক্‌। ছালঅ উগুরেত্তুন পেরায়্‌ তিন আজার মরদ আর মিলেই শিম্‌শোনর তামাজা দেখ্যন্‌।

বিচের গুরিয়্যেগুন 16:27 ပူးပေါင်းရင်းမြစ်များ

২ শমূয়েল 11:2

সেক্কে একদিন্যে বেল্যেমাদান্ দায়ূদে তা বিচ্ছোনত্তুন্‌ উদিনে রাজঘরর্‌ ছালত্‌ বেড়ার্‌। এন্‌ সময়োত্‌ তে ছালঅ উগুরেত্তুন্‌ এক্কো মিলেরে গাদদে দেগিলো। মিলেবো চাদে অমকদ দোল্‌।

দ্বি’লম্বর বিররণ 22:8

ঘর্‌ বানেবার অক্তত্‌ তুমি সিয়েন ছালর্‌ চেরোকিত্তে দেবাল ধোক্ক্যেন গুরি কিজু উজু গুরি দিবা, যেনে কনজনে ছাল উগুরেত্তুন পড়িনে মুরি গেলে ঘরর্‌ মানুচ্চুনে তার্‌ মরণানত্তে দায়ী ন-অন্‌।

যিহোশূয় 2:8

চড়ুনে ঘুমোত্‌ পড়িবার্‌ আগেন্দি রাহবে ছালঅ‌ উগুরে যেইনে তারারে কলঅ, “মুই হ্‌বর পাং লগেপ্রভু এ দেজ্‌চান তমারে দিয়্যে। তমা পৌইদ্যেনে এক্কান অমকদ দরর্‌ ভাব্‌ আমা ভিদিরে জাক্ক্যে। সেনত্তেই এ দেজর আদাম্মেগুনে তমা দরে এক্কুবারে কুল্‌ ন পেইয়্যে ওইয়োন্‌।

বিচের গুরিয়্যেগুন 16:26

যে পূঅবো তার্‌ আত্‌তান ধোজ্যে শিম্‌শোনে তারে কলদে, “যে খুদোগুনো উগুরে মন্দিরান থিয়্যেই আঘে সিগুন্‌ মরে ধুরিবাত্তে দুয়ো যেনে মুই সিয়েনত্‌ আবুজি থেই পারং।”

বিচের গুরিয়্যেগুন 16:28

সেক্কে শিম্‌শোনে লগেপ্রভুর্‌ ইদু তবনা গুরিনে কলদে, “ও প্রভু লগেপ্রভু, মঅ কধানি একবার ইদোত্‌ তুল্। ও গোজেন, দোয়্যে গুরিনে আর একপল্লা বানা মরে খেমতাগান্ দে যেনে মর্‌ দ্বিবে চোগোত্তেই এক্কুবারেই মুই পলেষ্টীয়গুনো উগুরে হেনা সুজি পারং।”

বিচের গুরিয়্যেগুন 9:51

শঅ্‌রর ভিদিরে এলদে এক্কান্‌ দরমর তাম্বুল; শঅ্‌রর বেক মিলে-মরত্তুন্‌ সিয়েনত্‌ ধেই গেলাক্‌। তারা তাম্বুলোত্‌ সোমেইনে সে তাম্বুলানর্ দোরান বানিনে ছালঅ উগুরে যেইনে উদিলাক্‌।