বিচের গুরিয়্যেগুন 16:20 - Chakma Bible

²⁰ সে পরেন্দি দলীলা তারে কলঅ, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” শিম্‌শোনে ঘুমোত্তুন জাগি উদিনে ভাবিলোদে, তে আগঅ ধোক্কেন্‌ বারেন্দি যেবঅ আর ঝাগারা দিইনে নিজোরে উদ্ধোর্‌ গুরি নিবো। মাত্তর্‌ তে হবর্‌ ন-পেদঅ, লগেপ্রভু তারে ছাড়ি যেয়েগোই।

বিচের গুরিয়্যেগুন 16:20 ပူးပေါင်းရင်းမြစ်များ

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

যিশাইয় 42:24

যাকোবরে কন্না লুদো হেবাত্তে দিয়্যে? আর ইস্রায়েলরে কন্না লুদেয়্যেগুনো আঢত্ তুলি দিয়্যে? তে কি লগেপ্রভু নয়, যিবের্ বিরুদ্ধে আমি পাপ গোজ্যেই? তারা তা পধেদি চলিবাত্তে ন-চান্, তা উগুমান্ ন-পালান্।

হোশেয় 7:9

বিদেশীগুনে তা বলানরে বল্‌‌‌‌‌‌‌‌পোজ্যে গুরি দুয়োন, মাত্তর্ তে সিয়েন বুঝি ন-পারের্। তা মাঢাত্ চুলানি ইন্দি-উন্দি পাক্যে, মাত্তর্ তে সিয়েনি খিয়েল্ ন-গরের্।

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

মথি লেখ্যে গম্ হবর্ 17:16

মুই তারে তঅ শিচ্চ্যগুনো ইধু আন্যং মাত্তর্ তারা তারে গম্ গুরি ন-পারন্।”

মথি লেখ্যে গম্ হবর্ 17:20

যীশু তারারে কলঅ, তমার কম্ বিশ্বেজর কারনে ন-পারিলা। মুই তমারে ঘেচ্চেকগুরি কঙর্, যুনি এক্কো সোজ্য বীজি ধোক্ক্যেন্ বিশ্বেজ্অ তমার্ থেদঅ সালে তুমি এ মুড়োবোরে কধা, ইয়োত্তুন সুরিনে উবোত্ যাহ্, আর সেক্কে সিবে সুরি যেবঅ। তমার পক্ষে কিচ্চু আগাত্যে ন-অবঅ।

২ করিন্হীয় 3:5

মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

দ্বি’লম্বর বিররণ 32:30

কেন্‌জান্ গুরি একজনে আজার জনরে ধাবেই-দে, কেন্‌জান্ গুরি দ্বিজনরে দেগিনে দশ আজার মানজ্যে ধেই যান, যুনি তারার জিরেবার-মুড়োবো শত্রুগুনোর আদত্‌ তারারে বেজা দিইনে থান, যুনি লগেপ্রভু শত্রুগুনোর আদত্‌ তারারে তুলি দিইনে থায়?

যিহোশূয় 7:12

সেনত্তেই ইস্রায়েলীয়গুনে তারার্‌ শত্রুগুনোর মুজুঙোত্‌ থিয়্যেই ন-পাত্তন্‌; তারা পিচ্ছো ফিরিনে ধেই যাদন্‌, কিত্যে তারা ভস্তর্ অভিশাবর তলে ওই পোজ্যন্‌। ভস্তর্ অভিশাবর তলে কদক্কানি জিনিস তমা ইদু আঘে। যুনি তুমি সিয়েনি ভস্ত গুরি ন-ফেলঅ‌ সালে মুই আর তমা লগে ন-থেম্‌।

বিচের গুরিয়্যেগুন 16:14

সেক্কে দলীলা তা চুলানি তাত্‌ কল্লোই বুনিনে খুদোবোর লগে বানি রাগেইনে তারে কলঅ, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” সেক্কে শিম্‌শোনে ঘুমোত্তুন্‌ জাগি উদিনে খুদোবো আর তাত্‌ কলান উগুরে ফেলেল।

বিচের গুরিয়্যেগুন 16:19

দলীলা শিম্‌শোনরে তা করত্‌ ঘুম্‌ নেযেল আর তার্‌ সাত্‌ বনা চুল কাবি ফেলেবাত্তে এক্কো মান্‌জ্যরে ডাগিলো। এধোক্কেন্‌ গুরিনে তে তারে দুগোত্‌ ফেলেল আর তা বলানেয়ো তারে ছাড়িনে গেলঅ।

বিচের গুরিয়্যেগুন 16:21

সেক্কে পলেষ্টীয়গুনে তারে ধুরিনে চোখ দ্বিবে খুয়োই দিলাক্‌ আর তারে গাজাত্‌ নেযেলাক্‌। তারা তারে পিদলর শিগোললোই বানিলাক্‌ আর আজদত্‌ তারে দিইনে চড়্‌গা কল ঘুরোনি কামত্‌ লাগেলাক্‌।

বিচের গুরিয়্যেগুন 16:3

মাত্তর্‌ শিম্‌শোনে সিয়েনত্‌ বানা রেত্‌সম্বাগ সং পোজ্যে এলঅ। সে পরেন্দি উদিনে তে লাগাড়া সুদ্ধো শঅ্‌রর গেদোর্‌ দ্বিবে খুদো আর দোরান উগুড়ে ফেলেল। সিগুন তে তা কানা উগুরে তুলি নেযেইনে হিব্রোণর মুজুঙেন্দি মুড়োবো উগুরে গেলঅ।

বিচের গুরিয়্যেগুন 16:9

সেক্কে কু্‌দুক্কুন মানুচ্‌ হাপ্‌ দিইনে তা ঘরঅ ভিদিরে এলাক্‌। দলীলা শিম্‌শোনরে ডাগিনে কলঅ, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” আগুনোর জিল্লোই শনর্‌ দুড়িগানি যেধোক্কেন গুরি ছিনি যায় সেধোক্কেন গুরিনে শিম্‌শোনে সে সুদোনিরে ছিনি ফেলেল। এধোক্কেন্‌ গুরিনে তা খেমতার্‌ গুমুরো কধাগান হবর্‌ গুমুরোত্‌ থেলঅ।

১ শমূয়েল 16:14

সেক্কে লগেপ্রভুর আত্মাগান শৌলরে ছাড়িনে গেলগোই আর লগেপ্রভুর ইত্তুন্‌ এক্কান ভান্ন্যেই আত্মা এইনে তারে অমহদ দর্‌‌বুগ্ লাগা ধুরিলো।

১ শমূয়েল 18:10

তার কেল্যে গোজেন ইত্তুন্‌ এক্কান ভান্ন্যেই আত্মা শৌল উগুরে এলঅ। তে নিজোর ঘর ভিদিরে আবোল-তাবোল কধা কুয়া ধোজ্যে। সেক্কে দায়ূদে অন্য দিনো ধোক্ক্যেন তা মুজুঙোত্‌ বীণা বাজা ধুরিলো। শৌলর আঢত্‌ এলদে এক্কো সেল্।

১ শমূয়েল 18:12

শৌল দায়ূদরে দরা ধুরিলো, কিত্যে লগেপ্রভু দায়ূদো সমারে এলঅ মাত্তর্‌ শৌলরে তে ছাড়িনে যেইয়্যে।