বিচের গুরিয়্যেগুন 16:16 - Chakma Bible

¹⁶ এধোক্কেন্‌ গুরিনে দিনকে দিন তে তা কধালোই তারে এন্‌গুরি তোস্যে লাগেলদে, তা জিংকানিগান উগুরে এক্কান কাঙেলেত্যে এই গেলঅ।

বিচের গুরিয়্যেগুন 16:16 ပူးပေါင်းရင်းမြစ်များ

ইয়োব 21:4

মঅ নালিশ্‌ছান কি মানুচ্চুনো ইদু? কিত্তেই মুই অধৈজ্জ্য ন-ওম্‌?

যোনা 4:9

মাত্তর্ গোজেনে যোনারে কলঅ, “সে গাজ্‌‌‌‌চো পৌইদ্যেনে রাগ গরানা কি তর্ উজিত্ অর্?” যোনা কলঅ, “সিয়েনর্ কারণ আঘে। মুই মরণ সং রাগ গুরি থেইম্।”

মার্ক 14:24

সেক্কে যীশু তারারে কলঅ, “ইয়েন মর্ লো যিয়েন ভালোক্কুনোত্তে দিয়্যে অবঅ। মান্‌জ্যত্তে গোজেনর্ নুয়ো বেবস্থা মর্ এই লো-গান্দোই পুরেই দিয়্যে অবঅ।

লূকে লেখ্যে গম্ হবর্ 11:8

মুই তমারে কঙর্, তে যুনি দাংগু ইজেবে উদিনে তারে কিচ্চু নয়ো দে, তো মানুচ্চো বার্‌বার্ কোজোলী গরের্ বিলি তে উদিবো আর তার যা দরকার্ সিয়েনি তারে দিবো।

লূকে লেখ্যে গম্ হবর্ 18:5

তো এই রানি মিলেবো মরে তোচ্চ্যে লাগার্ বিলি মুই তা পক্ষে গম্ বিচের্ গুরিম্। সিয়েন ন-গুরিলে তে বার্ বার্ এবঅ আর সেক্কে মুই অরান্ ওম্।’ ”

বিচের গুরিয়্যেগুন 14:16

শিম্‌শোনর মোক্কো সেক্কে শিম্‌শোন ইদু কানি কানি কলদে, “তুই মরে বানা ঘিনেচ্‌স্যে, কোচ্‌ ন-পাচ্‌। তুই মঅ মানুচ্চুনোরে এক্কান ভানা দুয়োচ্‌ অদচ সিয়েনর জোব্‌পান মরে কোই ন-দুয়োচ্‌।” জোবত্‌ শিম্‌শোনে কলঅ, “মঅ মা-বাবরেয়ো মুই সিয়েনর জোব্‌ ন-দুয়োং, সালে তরে কিত্তেই মুই সিয়েন কবাত্তে যেম্‌?”

বিচের গুরিয়্যেগুন 14:17

পরবর্ সাপ্তাবোর শেজ্ দিন্নো সং তা মোক্কো তাইদু কানাকুদি গুরিলো। যেরেন্দি সাত দিনোত্‌ শিম্‌শোনে তা মোক্কোরে সিয়েন কলঅ, কিত্তেই ইয়েনত্তে তে তারে অমহদ তোস্যে লাগেইয়্যে। তা মোক্কো সেক্কে সে ভানাগানর জোব্‌পান তা মানুচ্চুনোরে কোই দিলো।

বিচের গুরিয়্যেগুন 16:15

সেক্কে দলীলা তারে কলদে, “কেধোক্কেন্‌ গুরিনে তুই মরে কোই পারচ্‌, তুই মরে কোচ্‌ পাচ্‌? তঅ মনান্‌ দঅ মঅ উগুরে নেই। ইয়ানত্তেই তিনবার তুই মরে বেদমা বানেলে। তর্‌ এ দাঙর্‌ খেমতার গুমুরো কধাগান মরে ন-জানেলে।”

বিচের গুরিয়্যেগুন 16:17

সেনত্তেই তে তারে বেক্‌ কধানি ভাঙি কলঅ। তে কলদে, “মঅ মাদাবোত্‌ কনদিনঅ ক্ষুর্‌ দিয়্যে ন-অয়। জর্মত্তুন্‌ ধুরি মুই গোজেনর্‌ নাঙে এক্কো নাসরীয়। মঅ মাদাবোর্‌ চুলানি মুড়েলে মঅ বলানে মরে ছাড়ি যেবঅ। সেক্কে মুই অন্য যে কনঅ মান্‌জ্য ধোক্কেন্‌ বল্‌পোজ্যে ওইনে যেম্‌।”