বিচের গুরিয়্যেগুন 16:15 - Chakma Bible

¹⁵ সেক্কে দলীলা তারে কলদে, “কেধোক্কেন্‌ গুরিনে তুই মরে কোই পারচ্‌, তুই মরে কোচ্‌ পাচ্‌? তঅ মনান্‌ দঅ মঅ উগুরে নেই। ইয়ানত্তেই তিনবার তুই মরে বেদমা বানেলে। তর্‌ এ দাঙর্‌ খেমতার গুমুরো কধাগান মরে ন-জানেলে।”

বিচের গুরিয়্যেগুন 16:15 ပူးပေါင်းရင်းမြစ်များ

পত্থম 29:20

ইয়েন পরেদি যাকোবে রাহেলত্তে সাত বজর্‌ সং কাম্‌ গুরিলো। যাকোব রাহেলরে কোচ্‌পেদ বিলিনে সে বজরুন্‌ তাইধু বানা কয়েক্‌ দিন বিলিনে মনে গুরিলো।

২ শমূয়েল 16:17

অবশালোম হূশয়রে পুযোর্‌ গুরিলো, “তঅ সমাজ্যেবো উগুরে কি তুই এধোক্ক্যেনগুরি বিশ্বেস্‌চান দেগর্‌? কিত্তে তুই তঅ সমাজ্যেবোর্ লগে ন-যাচ্‌?”

নহিমিয় 6:4

তারা চের্‌ বার্‌ একই হবর্‌ মইদু পাদেলাক্‌ আর পত্তিবারত্‌ মুই তারারে একই জোব্‌ দিলুঙ্‌।

গম্ উপদেজ্ 2:16

জ্ঞানানে তরে রোক্ষ্যে গুরিবো বেশ্যে মিলেগুনোর আঢত্তুন্, মিদে কধালোই ভরা বজং পধেদি যেইয়্যে মিলেগুনো আঢত্তুন্।

গম্ উপদেজ্ 23:26

মঅ পুয়োবো, মঅ শিক্ষ্যেগান মনযোগ দে; মঅ জিংকানিগান দেগিনে যেন তুই হুজি অচ্।

যোহন 14:15

তুমি যুনি মরে কোচ্‌পঅ সালে মর্ বেক্‌ উগুমানি পালেবা।

যোহন 15:10

মুই মঅ বাপ্পোর্ বেক্‌ উগুমানি পালেনে যেবাবোত্যেগুরি তা কোচ্‌পানাত্ আঘং, সেবাবোত্যেগুরি তুমিয়ো যুনি মঅ উগুমানি পালঅ সালে তুমিয়ো মঅ কোচ্‌পানাত্ থেবা।

দ্বি’লম্বর বিররণ 6:5

তুমি বেক্কুনে তমার্‌ বেক্‌ মনান্‌, বেক্‌ পরাণান আর বেক্‌ বলান্‌ দিইনে তমা গোজেন্‌ লগেপ্রভুরে কোচ্‌পেবা।

১ যোহন 5:3

গোজেনর্ উগুমানি পালানা অলঅ গোজেনরে কোচ্‌পানা।

বিচের গুরিয়্যেগুন 14:16

শিম্‌শোনর মোক্কো সেক্কে শিম্‌শোন ইদু কানি কানি কলদে, “তুই মরে বানা ঘিনেচ্‌স্যে, কোচ্‌ ন-পাচ্‌। তুই মঅ মানুচ্চুনোরে এক্কান ভানা দুয়োচ্‌ অদচ সিয়েনর জোব্‌পান মরে কোই ন-দুয়োচ্‌।” জোবত্‌ শিম্‌শোনে কলঅ, “মঅ মা-বাবরেয়ো মুই সিয়েনর জোব্‌ ন-দুয়োং, সালে তরে কিত্তেই মুই সিয়েন কবাত্তে যেম্‌?”

বিচের গুরিয়্যেগুন 16:14

সেক্কে দলীলা তা চুলানি তাত্‌ কল্লোই বুনিনে খুদোবোর লগে বানি রাগেইনে তারে কলঅ, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” সেক্কে শিম্‌শোনে ঘুমোত্তুন্‌ জাগি উদিনে খুদোবো আর তাত্‌ কলান উগুরে ফেলেল।

বিচের গুরিয়্যেগুন 16:16

এধোক্কেন্‌ গুরিনে দিনকে দিন তে তা কধালোই তারে এন্‌গুরি তোস্যে লাগেলদে, তা জিংকানিগান উগুরে এক্কান কাঙেলেত্যে এই গেলঅ।