বিচের গুরিয়্যেগুন 16:11 - Chakma Bible

¹¹ শিম্‌শোনে কলঅ, “কনদিনঅ লারা ন-অয় এন্‌ কয়েক্কান নূয়ো দুড়িলোই যুনি মরে বানা অয় সালে মুই অন্য যে কনঅ মান্‌জ্য ধোক্কেন্‌ বল্‌পোজ্যে ওই যেম্‌।”

বিচের গুরিয়্যেগুন 16:11 ပူးပေါင်းရင်းမြစ်များ

গম্ উপদেজ্ 13:3

যে তা মুয়োন উজিয়ার গুরি রাগায় তে তা পরাণান্ বাজায়, মাত্তর্ যে উজিয়ার ন-ওইয়্যে গুরি কধা কয় তার দজা অয়।

গম্ উপদেজ্ 13:5

গোজেন ভক্তগুনে মিজে কধানিরে ঘিনেন্, মাত্তর্ পাজি মানুচ্চুনে লাজত্ আর দুন্নামর ভাগি অন্।

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

ইফিষীয় 4:25

ইয়েনত্যে তুমি মিজে কধা ছাড়ি দুয়ো আর একজন আরেকজন ইধু সত্য কধা কঅ, কিয়া আমি বেক্কুনে একজন আরেকজন সমারে এগত্তর্।

বিচের গুরিয়্যেগুন 15:13

তারা কলাক্‌, “আমি সিয়েন ন-গুরিবোং। আমি বানা তরে বানিনে তারা আঢত্‌ তুলি দিবোং; ঘেচ্চেক্‌গুরি আমি তরে মারে ন-ফেলেবং।” ইয়েন কোইনে তারা তারে দ্বিয়েন নূয়ো দুড়িলোই বানিনে মুড়োবোত্তুন্‌ নেযাদন্‌।

বিচের গুরিয়্যেগুন 16:10

সেক্কে দলীলা শিম্‌শোনরে কলঅ, “তুই মরে বেদমা বানেয়োচ্‌, মইদু মিজে কধা কোইয়োচ্‌। এবেরা তুই মরে গমেডালে কঅ কিলোই তরে বানা যায়।”

বিচের গুরিয়্যেগুন 16:12

দলীলা সেক্কে কয়েক্কান্‌ নূয়ো দুড়িলোই শিম্‌শোনরে বানিলো। তা ঘরঅ ভিদিরে কয়েক্কো মান্‌জ্যে হাপ্‌ দিইনে এলাক্‌। দলীলা কলদে, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” মাত্তর্‌ শিম্‌শোনে সুদো ধোক্কেন্‌ গুরিনে তা আঢত্তুন্‌ দুড়িগানি ছিনি ফেলেল।