বিচের গুরিয়্যেগুন 15:6 - Chakma Bible

⁶ পলেষ্টীয়গুনো যেক্কে পুযোর্‌ গুরিলাক্‌, “কন্না এ কামান গোজ্যে?” সেক্কে তারারে কুয়ো অলঅ, “তিম্নায়ীয়োর জামেবো শিম্‌শোনে এই কামান গোজ্যে, কিয়া তা শোর্‌বো তা মোক্কোরে তা সমাজ্যেবোর্‌ আঢত্‌ গোজেই দিয়্যে।” সেক্কে পলেষ্টীয়গুনে যেইনে তা মোক্কোরে আর তা শুয়োরবোরে আগুনোত্‌ পুড়িনে মারে ফেলেল।

বিচের গুরিয়্যেগুন 15:6 ပူးပေါင်းရင်းမြစ်များ

গম্ উপদেজ্ 22:8

যে মানুচ্চো বজং বীজি ফেলায় তে দজার্ ফসল কাবিবো; তে রাগে যে অত্যেচারানি গরে সিয়েনি থামেই যেবঅ।

১ থিষলনীকীয় 4:6

এ পৌইদ্যেনে অন্যেয় গুরিনে কেঅ যেন কনঅ ভেইয়োরে ন-থগান্। আমি আগে তমারে কোইয়্যেই আর উজিয়ার্ গুরি দিয়্যেই, এ বেক্‌ অন্যেয়ানিত্যে প্রভুই সাজা দিবো,

বিচের গুরিয়্যেগুন 12:1

পরেন্দি ইফ্রয়িম-গুট্টির মানুচ্চুনে তারার সৈন্যগুনোরে ডাগি নেযেইনে গাঙান্‌ পার্‌ ওইনে সাফোনোত্‌ গেলাক্‌। সিদু তারা যিপ্তহরে কলাক্‌, “অম্মোনীয়গুনোর লগে যুদ্ধো গুরিবাত্তে তঅ লগে যেবাত্তে কিত্তেই তুই আমারে ন-ডাগচ্‌? আমি তঅ সমারে তঅ ঘরান পুড়ি ফেলেই দিবোং।”

বিচের গুরিয়্যেগুন 14:15

সাত দিনোত্‌ তারা যেইনে শিম্‌শোন মোক্কোরে কলাক্‌, “তঅ নেক্কোরে বুজেনে কঅ যেনে তে এ ভানাগানর জোব্‌পান আমারে কোই দে। সিয়েন ন-অলে আমি তমারে আহ্‌ তঅ বাবঅ গিরির্ মানুচ্চুনোরে পড়িনে মারে ফেলেবং। আমারে নাধা গুরিবাত্তেই তুই আমারে ইয়েনত্‌ বাত্যেয়োজ্, নয় নি?”

বিচের গুরিয়্যেগুন 15:5

সে পরেন্দি বোম্বাবোত্‌ আগুন বাজে দিইনে পলেষ্টীয়গুনোর ক্ষেদঅ ভিদিরে লিক্‌লিক্যা ফসলর ভিদিরে তারারে ইরি দিলো। ইঙিরিনে তে তারার বনা বান্যে ফসলানি আর আকাপ্যা পাগানা ফসলানি আর তারার জলপাইয়র বাগানানি পুড়ি ফেলেই দিলো।

বিচের গুরিয়্যেগুন 15:7

শিম্‌শোনে সেক্কে তারারে কলঅ, “তমার্ এধোক্ক্যেন্ কামত্তে মুই তমা উগুরে হেনা ন-সুজিনে জুরো ন ওম্‌।”