বিচের গুরিয়্যেগুন 15:19 - Chakma Bible

¹⁹ সেক্কে গোজেনে লিহীতোত্‌ এক্কো গাত্‌ খুলি দিলো আর সিবেত্তুন পানি নিগিলি এলঅ। সে পানিগান খানার পরেন্দি শিম্‌শোনর বলান্‌ ফিরি এলঅ আর তে যেনে পরাণান্‌ ফিরি পেলঅ। সেনত্তেই সে পয়নালাবোর্‌ নাঙান্‌ অলঅ ঐন্‌-হক্কোরী (যিয়েনর্ ভেদ্‌‌তান্ “তবনা গুরিয়্যেবোর পয়নালা”)। পয়নালাবো এজঅ্ লিহীতোত্‌ আঘে।

বিচের গুরিয়্যেগুন 15:19 ပူးပေါင်းရင်းမြစ်များ

পত্থম 16:13

এ কধাগান শুনিনে হাগারে মনে মনে কলঅ, “মুই কি সালে তারে হামাক্কায় দেগিলুং যিবের্‌ চোগো মুজুঙোত্‌ মুই আগং?” লগেপ্রভু, যে হাগার লগে কধা কোইয়্যে, তারে আওজ্ গুরিনে হাগারে সেক্কে কলঅ, “তুই গোজেন, যিবের্‌ চোগো মুজুঙোত্‌ মুই আগং।”

পত্থম 28:19

তে জাগাগান নাঙান্‌ দিলো বৈথেল (যিয়েন ভেদ্‌তান্ “গোজেন ঘর”)। এ জাগায়ান ইদু শঅরানর্ পুরোণি নাঙান এলদে লূস।

পত্থম 30:30

মুই এবার্‌ আগেদি তমা য়েমান সোম্বোত্তি বেশ্‌ ন-এলাক, মাত্তর্‌ ইক্কুনি দঅ বাড়িনে বোউত্‌ বেশ্‌ ওইয়োন। মুই যিয়েনত্ টেং ফেলেয়োং সিয়েনত্ লগেপ্রভু তমারে আশিদ্‌বাদ্‌ গোজ্যে। মাত্তর্‌ ইক্কুনি মর্‌ নিজোর্‌ পরিবার কধা ভাবিবার্‌ সময় ওইয়্যে।”

পত্থম 45:27

মাত্তর্‌ যোষেফে তারারে যিয়েনি কোইয়্যে সিয়েনি শুনিনে আর তারে নেযেবাত্তে যোষেফে যে গাড়ীগানি পাদেয়্যে সিয়েনি দেগিনে তারা বাপ্পো যাকোবর্ সেই চিন্তেগান্‌ কাদেই গেলঅ।

গীতসংহিতা 110:7

তারারে লড়াদে লড়াদে পধত্ তে ছড়া পানি হেবঅ, সেক্কে দরমর ওইনে যেরেন্দি তে জিদিবো।

গীতসংহিতা 120:1

মুই দজাত্ পড়িনে লগেপ্রভুরে ডাগিলুং, তে মরে জোব্ দিলো।

গীতসংহিতা 34:6

এই অভাগ্যত্যেবো লগেপ্রভুরে ডাগিলো; তে তার্ ডাগনিলোই ইজিরে দিলো আর বেক্ দুঘোত্তুন্ তারে উদ্ধোর্ গুরিলো।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

যাত্রা 17:15

পরেদি মোশি এক্কান ডালিপূজো বানেইনে তার্‌ নাঙান্‌ দিলো যিহোবা নিঃষি (যিয়েনর্ ভেদ্‌তান্ “লগেপ্রভুই মর্‌ বাবতা”)।

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিশাইয় 40:29

তে বল্‌‌‌পোজ্যেগুনোরে বল্ দে আর বল্ নেইয়্যেগুনোরে বল্ বাড়েই দে।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

গণাণা 20:11

এই কধাগান্‌ কোইনে মোশি আত্‌ তুলিনে তার্‌ লুদিক্কোলোই সেই পাত্তর্‌বোরে দ্বিবার্‌ বারি দিলো; সেক্কে সিয়োত্তুন্‌ জোরে বোউত্‌ পানি নিগিলি এজা ধুরিলো আর ইস্রায়েলীয়গুনে আর তারার্‌ য়েমানপালুনে সিয়েন্‌ খেলাক।

বিচের গুরিয়্যেগুন 15:9

পলেষ্টীয়গুনে সেক্কে যেইনে যিহূদা চাগালাত্‌ তাম্বুলান ফেলেলাক্‌ আর লিহীগান ঘিরিলাক্‌।

১ শমূয়েল 30:12

সে পরেন্দি তারা তারে ডুমুরোর্‌ তালর এক কট্টা আর দ্বিতাল কিশমিশ হেবাত্তে দিলাক্। তিনদিন তিনরেত্‌ তে হানা বা পানি কিচ্ছু ন-খায়, সেনত্যেই এদক্কানি হেইনে তে যেনে পরাণান্ ফিরি পেলঅ।