বিচের গুরিয়্যেগুন 15:18 - Chakma Bible

¹⁸ ইয়েনর্ পরেন্দি শিম্‌শোনর অমহদ পানি তিরেচ্‌ পেলঅ। তে লগেপ্রভুর ইদু তবনা গুরিনে কলঅ, “তুই তঅ চাগরবোরে দাঙর্‌ যচ্‌ দান গোজ্যচ্‌। ইক্কিনে কি মত্তুন্‌ পানি তিরেচে মুড়িনে এ সুন্নত ন-গোজ্যে মানুচ্চুনোর আঢত্‌ পড়া পুরিবো?”

বিচের গুরিয়্যেগুন 15:18 ပူးပေါင်းရင်းမြစ်များ

পত্থম 20:11

জোবত্‌ অব্রাহামে কলঅ, “মুই ভাবি চেয়োং, এ জাগানর্‌ মানুচ্চুনোর গোজেন-দর্‌ বিলিনে কনঅ কিচ্ছু নেই। সেনত্তে মঅ মোক্কোরে পেবাত্তে তারা অয়্‌ত মরে মারে ফেলেবাক্।

পত্থম 32:31

যাকোবে যেক্কে পনূয়েলত্তুন্‌ যাহ্ ধুরিলো সেক্কে বেলান উদি যেইয়্যে। তা উলুহুল্লো অবস্থাগান্‌দোই তে লেঙা ধোজ্যে।

২ শমূয়েল 1:20

তুমি গাতদ্ এ হবরান্‌ ন-দুয়ো, আর অস্কিলোনর পধে পধে ফগদাং ন-গোজ্য; সিয়েনি গুরিলে পলেষ্টীয়গুনোর্‌ মিলেগুনে ফুত্তি গুরিবাক্, সেই সুন্নত ন-গোজ্যে মানুচ্চুনোর্‌ মিলেগুনে রঙ্গ-ফুত্তি গুরিবাক্।

যোহন 19:28

ইয়েন পরেদি বেক্কানি থুম্ ওইয়্যে কোই পারিনে পবিত্র বোইবোর্ কধানি যেন পূরোণ্ অয় সেনত্তে যীশু কলঅ, “মত্তুন্ তিরেচ্‌ পেইয়্যে।”

ইব্রীয় 11:32

ইয়েনত্তুন্ বেশ্ মুই আর কি কোম? গিদিয়োন, বারক, শিম্‌শোন, যিপ্তহ, দায়ূদ, শমূয়েল আর ভাববাদীগুনোর্ কধা কবার্ সময় মর্ নেই।

বিচের গুরিয়্যেগুন 14:3

জোবত্‌ তা মা-বাবে কলাক্কে, “তঅ কুদুম্মোগুনো ভিদিরেত্তুন্‌ বা আমা বেক্‌ জাদ্‌তুনোর ভিদিরেত্তুন্‌ কি কনঅ মিলে নেই, মোগ্‌ লবাত্তে তত্তুন্‌ সুন্নত ন-গোজ্যে পলেষ্টীয়গুনো ইদু যাহ্ পুরিবো?” মাত্তর্‌ শিম্‌শোনে তা বাবরে কলঅ, “না, মত্তেই তারে তুমি দুয়ো। তারে মুই বেই লোইয়োং।”

বিচের গুরিয়্যেগুন 15:17

এ কধাগান কনা শেজ্‌ গুরিনে তে সেই মুয়ো জেমান্‌ লুঙি মারিনে ফেলেই দিলো। তে সে জাগায়ানর নাঙান্‌ দিলো রামৎ-লিহী (যিয়েনর্ ভেদ্‌তান্ “মুয়ো জেমঅ-মুড়ো”)।

বিচের গুরিয়্যেগুন 16:28

সেক্কে শিম্‌শোনে লগেপ্রভুর্‌ ইদু তবনা গুরিনে কলদে, “ও প্রভু লগেপ্রভু, মঅ কধানি একবার ইদোত্‌ তুল্। ও গোজেন, দোয়্যে গুরিনে আর একপল্লা বানা মরে খেমতাগান্ দে যেনে মর্‌ দ্বিবে চোগোত্তেই এক্কুবারেই মুই পলেষ্টীয়গুনো উগুরে হেনা সুজি পারং।”

বিচের গুরিয়্যেগুন 8:4

গিদিয়োন আর তার তিনশত্‌ মানুচ্‌ মিদিয়নীয়গুনোরে লোড়াদে লোড়াদে যর্দনর কায়-কুরে এইনে গাঙান্‌ পার অলাক্‌। সেক্কে তারা অমহদ বল্‌পোজ্যে ওইয়োন,

১ শমূয়েল 17:26

যে মানুচ্চুনে কায়-কুরে থিয়্যেইয়োন্‌ দায়ূদে তারারে পুযোর্ গুরিলো, “যে এই পলেষ্টীয়বোরে মারে ফেলেইনে ইস্রায়েলীয়গুনো উগুরেত্তুন্‌ এই অসর্মানান্‌ কাদেই দিবো সিয়েন উগুরে কি গরা অবঅ? এই চুনুগুলোবোর মাদাগান তনা ন-গোজ্যে পলেষ্টীয়বো কন্না, যে জেদা গোজেনর্‌ সৈন্যদলুনোরে ঈচ্ গরে?”

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”

১ শমূয়েল 27:1

দায়ূদে মনে মনে ভাবিলো, “এই শৌলর আঢদই মত্তুন্‌ একদিন মরা পুরিবো, সেনত্যেই পলেষ্টীয়গুনোর দেজত্‌ ধেই যানাগানই মর্‌ পক্ষেন্দি বেগত্তুন্‌ গম্‌ অবঅ। সালে ইস্রায়েল দেজ ভিদিরে তে আর মরে তোগেইনে ন-বেড়েব, আর মুইয়ো তার আঢত্তুন্‌ রোক্ষ্যে পেম্‌।”