বিচের গুরিয়্যেগুন 14:9 - Chakma Bible

⁹ তে দ্বিআঢন্দি সে মধুগান তুলিনে খাদে খাদে গেলঅ। সে পরেন্দি তে মা-বাবঅ ইদু যেইনে তারারেয়ো সে মধুগান দিলো আর তারায়ো সিয়েন খেলাক্‌। মাত্তর্‌ সে মধুগান যে সিংহবোর্ মরাকিয়্যেগান ভিদিরেত্তুন্‌ নেযেয়্যে সিয়েন তারারে ন-কলঅ।

বিচের গুরিয়্যেগুন 14:9 ပူးပေါင်းရင်းမြစ်များ

গম্ উপদেজ্ 24:13

মঅ পুয়োবো, মধু হা, কিত্তে সিয়েন গম; মু বাত্তুন্ মধু হা, সিয়েন তঅ মুয়োদি মিদে লাগিবো।

গম্ উপদেজ্ 25:15

রাগ্ দোঙেই রাগেলে নেতারে নিজোর তপ্পে আনা যায়; নম্র কধাবাত্তা আড়্‌‍গড়া ভাঙি ফেলেই পারে।

বিচের গুরিয়্যেগুন 14:10

পরেন্দি শিম্‌শোনর বাপ্পো মিলেবোরে চেবাত্তে গেলঅ। সেক্কে শিম্‌শোনে সিয়েনত্‌ এক্কো খানার যুক্কোল্‌ গুরিলো যিবে নূয়ো জামেয়ুনে সচরাসর্ গুরিদাক্‌।

বিচের গুরিয়্যেগুন 14:8

ইয়েনর্ কয়েকদিন পরেন্দি তে সে মিলেবোরে লবাত্তে তিম্নায়ত্‌ গেলঅ। যেবার্‌ পদথ্ তে সে সিংহবোর্ মরাকিয়্যেগানরে চেবাত্তে এক্কেনা গুরিনেই গেলঅ। তে সিংহবোর্‌ কিয়্যেগান ভিদিরে এক ঝাগ্ মুয়ো পুক্‌ আর কিজু মধু দেগিলো।

১ শমূয়েল 10:16

শৌল তার কুত্তোবোরে কলদে, “তে আমারে আভাংপাং গুরি কোই দিলদে, গাধীগুনোরে পাহ্ যেইয়্যে।” মাত্তর্‌ তার রাজাগিরি গরানা পৌইদ্যেনে শমূয়েল তারে যে কধাগান কোইয়্যে সিয়েনি তে তার কুত্তোবোরে ন-কলঅ।

১ শমূয়েল 14:1

ইন্দি শৌলর পূঅ যোনাথনে একদিনোত্‌ তার বন্দুক বোইয়্যে গাবুজ্যেবোরে কলদে, “আদিচ্‌, আমি উইপারত্‌ পলেষ্টীয়গুনোর তাম্বুলোত্‌ যেই।” মাত্তর্‌ কধাগান তে তা বাপ্পোরে ন-জানেল।