বিচের গুরিয়্যেগুন 14:8 - Chakma Bible

⁸ ইয়েনর্ কয়েকদিন পরেন্দি তে সে মিলেবোরে লবাত্তে তিম্নায়ত্‌ গেলঅ। যেবার্‌ পদথ্ তে সে সিংহবোর্ মরাকিয়্যেগানরে চেবাত্তে এক্কেনা গুরিনেই গেলঅ। তে সিংহবোর্‌ কিয়্যেগান ভিদিরে এক ঝাগ্ মুয়ো পুক্‌ আর কিজু মধু দেগিলো।

বিচের গুরিয়্যেগুন 14:8 ပူးပေါင်းရင်းမြစ်များ

পত্থম 29:21

সে পরেদি যাকোব লাবনরে কলঅ, “মঅ কাম মেয়াদ্‌তান্‌ থুম্‌ ওই যেয়েগোই। যিয়েনত্যে মুই কাম্‌ গোজ্যং এবেরা তারে মঅ আদত্‌ তুলি দে যেনে তারে নেযেইনে মুই ঘর-সংসার্‌ গুরি পারং।”

গম্ উপদেজ্ 25:16

তুই মধু পেলে পরিমান মজিম্ হেচ্, বেশ্ হেলে উগুলিবে।

মথি লেখ্যে গম্ হবর্ 1:20

যোষেফে যেক্কে ইয়েনি ভাবের্ সেক্কে গোজেনর এক্কো দূত স্ববনত্ দেগা দিইনে তারে কলঅ, “দায়ূদ বংশধর যোষেফ, মরিয়মরে লবাত্তে ন-দোরেচ্, কিয়া তা পেদত্ যিবে জোর্মেয়্যে তে পবিত্র আত্মার্ খেমতালোই জোর্মেয়্যে। তার এক্কো পুয়ো অবঅ।

বিচের গুরিয়্যেগুন 14:7

সে পরেন্দি তে সে মিলেবো ইদু যেইনে তা লগে কধা কলঅ আহ্‌ মিলেবোরে তাত্তুন্‌ গম্‌ লাগিলো।

বিচের গুরিয়্যেগুন 14:9

তে দ্বিআঢন্দি সে মধুগান তুলিনে খাদে খাদে গেলঅ। সে পরেন্দি তে মা-বাবঅ ইদু যেইনে তারারেয়ো সে মধুগান দিলো আর তারায়ো সিয়েন খেলাক্‌। মাত্তর্‌ সে মধুগান যে সিংহবোর্ মরাকিয়্যেগান ভিদিরেত্তুন্‌ নেযেয়্যে সিয়েন তারারে ন-কলঅ।