বিচের গুরিয়্যেগুন 14:18 - Chakma Bible

¹⁸ সাত দিনোর দিন্নোত্‌ বেলান্‌ ডুবিবার আগেন্দি আদামর সে মানুচ্চুনে শিম্‌শোনরে কলাক্‌, “মধুত্তুন বেশ্‌ মিদে কি? আর সিংহত্তুন বেশ্‌ বোলী কন্না?” শিম্‌শোনে তারারে কলঅ, “মঅ ছর্‌মাগোরুগুন্দোই যুনি তুমি চাজ্‌ ন-গুরিবা সালে তুমি এ ভানাগানর জোব্‌পান দি ন-পারিদা।”

বিচের গুরিয়্যেগুন 14:18 ပူးပေါင်းရင်းမြစ်များ

২ শমূয়েল 1:23

বাঁজি থাগদে শৌল আর যোনাথনে কোচ্‌পেইয়্যে আর গম্‌ মানুচ্‌ এলাক্; তারা মরদেয়ো ফারক্‌ ন-অলাক্‌। তারার গঙার্ এলদে চিল পেগোত্তুন্‌‌অ বেশ্‌, আর বল্‌‌অ এলদে সিংহত্তুন্‌ বোউত্‌ বেশ্।

গীতসংহিতা 81:16

মাত্তর্ ইস্রায়েলরে মুই বেগত্তুন্ দোল গম্ হেবাত্যে দিম; ঘেচ্ছেক্‌গুরি মুই তারারে পেত্ ভোরেই দিম সে মধুলোই যিয়েন মুড়োগুনোর্ ফাদা জাগাত্ পাহ্ যায়।”

গম্ উপদেজ্ 30:30

সিংহ, যিবে য়েমানুনো ভিদিরে বোলী আর কনঅ য়েমান মুজুঙোত্তুন্ ধেই ন-যায়;

যিহিষ্কেল 1:10

তারার্ মুয়োনি চাদে এলদে এবাবোত্যে-তারার্ চের্‌‌‌জনর এক্কানত্ দরে মান্‌‌‌জ্যর্ মু এলঅ আর পত্তিজনর্ মুয়োনি ডেনেদি সিংহ ধোক্ক্যেন্, বাঙেদি গোরু ধোক্ক্যেন আর পত্তিজনর্ এক্কান গুরি ঈগল ধোক্ক্যেন্ মু এলঅ।

বিচের গুরিয়্যেগুন 14:17

পরবর্ সাপ্তাবোর শেজ্ দিন্নো সং তা মোক্কো তাইদু কানাকুদি গুরিলো। যেরেন্দি সাত দিনোত্‌ শিম্‌শোনে তা মোক্কোরে সিয়েন কলঅ, কিত্তেই ইয়েনত্তে তে তারে অমহদ তোস্যে লাগেইয়্যে। তা মোক্কো সেক্কে সে ভানাগানর জোব্‌পান তা মানুচ্চুনোরে কোই দিলো।

বিচের গুরিয়্যেগুন 14:19

ইয়েনর্ পরেন্দি লগেপ্রভুর আত্মাগান পুরো বলান্দোই শিম্‌শোনর উগুরে এলঅ। তে অস্কিলোনত্‌ যেইনে সে জাগার তিরিশজন মান্‌জ্যরে মারে ফেলেনে তারার্‌ বেক্কানি লুদেই নেযেল আর তারার কাবড়-চুগোড়ানি লোইনে যিগুনে তা ভানাগানর জোব্‌পান দুয়োন তারারে দিলো। সে পরেন্দি তে রাগে ফুলি উদিনে তা বাবঅ্‌ ঘরত্‌ গেলঅ।