বিচের গুরিয়্যেগুন 14:12 - Chakma Bible

¹² শিম্‌শোনে সেই সমাজ্যেগুনোরে কলদে, “মুই তমারে এক্কান ভানা ধরং। তুমি পরবর্ এ সাত দিনো ভিদিরে যুনি ইয়েনর জোব্‌পান দি পারঅ সালে মুই তমারে ত্রিশ্‌চান মসীনার আত্‌কাবড় আর তিরিশ জড়া কাবড় দিম্‌।

বিচের গুরিয়্যেগুন 14:12 ပူးပေါင်းရင်းမြစ်များ

পত্থম 45:22

তে তারারে বেক্কুনোরে এক জড়া গুরি কাবড় দিলো, মাত্তর্‌ বিন্যামীনরে দিলো পাঁজ্‌ সেট কাবড় আর তিনশ রূবোর্ কট্টা।

১ রাজাবলী 10:1

শলোমনর্ সুনাঙ্‌ আর তা মাধ্যমে ফগদাং পেইয়্যে লগেপ্রভুর বাঈনীগানর্ কধা শুনিনে শিবা দেজর রানী আগাত্যে কধালোই পুজোর্‌ গুরিনে তারে জগা চেবাত্তে এলঅ।

২ রাজাবলী 5:22

জোবত্‌ গেহসি কলঅ, “বেক্কানি ঠিগ্‌ আঘে। মাত্তর্‌ মঅ গিরোজ্‌সো তরে এ কধাগান কবাত্তে মরে পাদেয়্যে, ইফ্রয়িমর মুড়ো-মুড়ি চাগালাত্তুন্‌ শিচ্চ্য-ভাববাদীগুনোর্‌ দ্বিজন গাবুজ্যে ইক্কিনে তাইদু এচ্ছোন্‌। সেনত্তেই তুই যেনে দোয়্যে গুরিনে তারাত্তে ঊনচোল্লিশ কেজি রূবো আর দ্বিতান কাবড় দুয়োচ্‌।”

২ রাজাবলী 5:5

জোবত্‌ অরামর্‌ রাজা কলঅ, “ঠিগ্‌ আঘে, তুই যাহ্। ইস্রায়েল রাজার্‌ ইদু মুই এক্কান্‌ চিদি দিম্‌।” সেনত্তে নামানে তিনশঅ নব্বই কেজি রূবো, আদাত্তোর্ কেজি সোনা আর দশ তান্‌ কাবড়্‌ লোইনে নিগিলিলো।

২ বংশধর 7:8

সে অক্তত্‌ শলোমনে আর তা লগে বেক্‌ ইস্রায়েলীয়গুনে, অত্তাৎ হমাৎ চাগালাত্তুন্‌ মিসরর্ শুগুনো গাঙান্‌ সং বেক্‌ চাগালাত্তুন্‌ এচ্ছ্যে মানুচ্চুনোর্‌ এক্কো দাঙর্‌ দল্‌ সাত দিন ধুরিনে ডালিপূজো উৎসর্বর অনুষ্ঠানর পরব্‌ পালন গুরিলাক্‌। আস্‌তো দিনোত্‌ তারা এক্কো তেম্মাং ডাগিলাক্‌ আর আরঅ সাত দিন সং পরপ্পো পালন গুরিলাক্‌।

গীতসংহিতা 49:4

মুই শিক্ষ্যেলোই ভরা উপমাগানিত্ মনান্ দিম্; বীণার সমারে গান গেইনে তার গভিন বেপারে বুঝেম্।

গম্ উপদেজ্ 1:6

যেন মানুচ্চুনে চলেত্যে কধানি সিয়েনি আর ভেদ্‌বলা কধানি আর জ্ঞানীগুনোর কধানি আর ভানাগানি বুঝোন্।

গম্ উপদেজ্ 31:24

সে মিলেবো মসীনার পোজাক্ বানেইনে বিজি দে; কমরত্ বানেদে কাবড়ানি তে বেবসায়িগুনোরে যোগেই দে।

যিহিষ্কেল 17:2

ও মান্‌জ্যর পুয়োবো, উদাহরনর্ মাধ্যমে ইস্রায়েলীয়গুনোরে জানেই দুয়ো,

যিহিষ্কেল 20:49

সেক্কে মুই কলুং, “ও প্রভু লগেপ্রভু, মানুচ্চুনে মঅ পৌইদ্যেনে কদন্, মুই বানা হিত্যে কধানি কঙর্।”

মথি লেখ্যে গম্ হবর্ 13:13

সেনত্তে মুই হিত্ত্যলোই তারা ইধু কধা কং, কিয়া তারা দেগিনেয়ো ন-দেগন্, শুনিনেয়ো ন-শুনোন্ বা ন-বুঝোন্।

মথি লেখ্যে গম্ হবর্ 13:34

যীশু হিত্ত্যবোর্ মাধ্যমে মানুচ্চুনোরে এই বেক্ শিক্ষ্যেনি দিলো। তে হিত্ত্য ন-কোইনে কনঅ শিক্ষ্যে তারারে ন-দিদো।

মথি লেখ্যে গম্ হবর্ 27:28

তারা যীশুর কাবড়-চুগোড়ানি খুলিনে তারে রাঙা রঙর্ কাবড় উরেই দিলাক্।

মথি লেখ্যে গম্ হবর্ 6:19

এ পিত্‌থিমীত্ তুমি নিজোত্তে ধন-সম্পদ ন-থুবেয়ো। ইধু জাঙারে ধরে আর পুগে বর্‍বাত্ লাগান আর চুরে বেড়্ কাবিনে চুর্ গরন।‍ ‍

লূকে লেখ্যে গম্ হবর্ 14:7

বোলেইয়্যে মানুচ্চুনে কিবাবোত্যেগুরি সর্মানর্ জাগায়ানি বেঈ নেযাদন্ সিয়েন দেগিনে যীশু তারারে শিক্ষ্যে দিবাত্যে এ কধাগান্ কলঅ,

যোহন 16:29

সেক্কে তা শিচ্চ্যগুনে তারে কলাক্, “চাহ্, ইক্কে দঅ তুই খুলোমেলা গুরি কধা কর্, তুলোনা দিইনে ন-কর্।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

যাকোব 5:2

তমা ধনানি বর্‌বাদ্ ওই যেয়্যে আর তমা কাবড়-চুগোড়ানি পুগে কাপ্প্যন্।

বিচের গুরিয়্যেগুন 14:11

শিম্‌শোনে সিয়েনত্‌ লুমোনার পরেন্দি পলেষ্টীয়গুনে তারে তিরিশজন সমাজ্যে দিলাক্‌।

বিচের গুরিয়্যেগুন 14:13

মাত্তর্‌ তুমি যুনি সিয়েন ন-পারঅ সালে তুমি মরে ত্রিশ্‌চান মসীনার আত্‌কাবড় আর ত্রিশ জড়া কাবড় দিবে।”