বিচের গুরিয়্যেগুন 13:6 - Chakma Bible

⁶ মিলেবো সেক্কে তার নেক্কো ইদু যেইনে কলঅ, “গোজেনর্‌ এক্কো মানুচ্‌ মইদু এচ্চ্যে। গোজেনর্‌ দূদো ধোক্কেন্‌ তা চেঙেরাগান, তারে দেগিলে অমহদ দর্‌ গরে। তে কুত্তুন্‌ এচ্চ্যে সিয়েন মুই তারে পুযোর্‌ ন-গরং আর তেইয়ো তা নাঙান্‌ মরে ন-কয়।

বিচের গুরিয়্যেগুন 13:6 ပူးပေါင်းရင်းမြစ်များ

পত্থম 18:2

এন্‌ সময়োত্‌ তে চোখ তুলিনে রিনি চেলঅ, তা মুজুঙোত্তুন্‌ কিজু দুরোত্‌ তিন্নো মানুচ্ ঠিয়্যেই আগন্‌। তারারে দেগানার লগে লগে তে তাম্বুলো দোরানত্তুন্ দাবা যেইনে মাদিত্‌ মাঢা নিগিরিনে তারারে সালাম গুরিনে কলঅ, “চঅ, যুদি লবাদোস্যে ন-অয়্‌ সালে দোয়্যে গুরিনে তর্‌ এ চাগর্‌বোরে পাশ্‌ কাবিনে আঢি ন-যেবে।

পত্থম 32:29

যাকোবে তারে কলঅ, “কোজোলী গরং, তুই কঅ তঅ নাঙান্‌ কি?” তে কলঅ, “তুই মঅ নাঙান্‌ কিত্তে পুযোর্‌ গরর্‌?” এ কধাগান কোইনে তে যাকোবরে বর্ দিলো।

১ রাজাবলী 17:18

মিলেবো সেক্কে এলিয়রে কলঅ, “ও গোজেনর্ মানুচ্‌, মুই তর্‌ কি ক্ষতি গোজ্যং? তুই কি মরে মর্‌ পাপর্‌ কধাগান্‌ মনে গুরি দিবাত্তে আর মর্‌ পূঅবোরে মারে ফেলেবাত্তে এচ্ছোস্‌?”

১ রাজাবলী 17:24

সেক্কে সে মিলেবো এলিয়রে কলঅ, “মুই ইক্কিনে বুঝি পারিলুঙ্‌ তুই গোজেনর্‌ মানুচ্‌, আর লগেপ্রভু তঅ মাধ্যমে যিয়েনি কয় সিয়েনি সত্য।”

২ রাজাবলী 4:16

ইলীশায় কলঅ, “এজেত্তে বজর্‌ এ সময়োত্‌ তঅ করত্‌ এক্কো পুয়ো থেবঅ।” মিলেবো কলঅ, “না, ও মর্‌ গিরোজ্‌, ও গোজেন মানুচ্‌, তঅ চাগর্‌বোরে মিজে গুরিনে আজা ন-দিজ্।”

২ রাজাবলী 4:9

মিলেবো তা নেক্কোরে কলঅ, “যে মানুচ্চো আমা ইদু এজে মুই বুজি পাজ্যং, তে গোজেনর এক্কো সুদ্ধো-সাংগ মানুচ্‌।

যাত্রা 3:2

সিয়েনত্‌ এক্কো ঝুবো সেরেত্তুন্‌ জ্বোল্‌জোল্যে আগুনো ভিদিরেত্তুন্‌ লগেপ্রভুর্‌ দূত্‌তো তাল্লোই দেগা দিলো। মোশি দেগিলোদে, ঝুপ্পোত্‌ আগুন জুলিলেয়ো সিবে পুড়ি ন-যার্‌।

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

দানিয়েল 10:11

তে কলদে, “ও গোজেনর কোচ্‌‌পেইয়্যে দানিয়েল, মুই তরে যে কধাগান কবাত্তে যাঙর্ সিয়েনত্ গমেডালে মনযোগ দে। তুই উদিনে থিয়্যে, কিত্যে মরে ইক্কিনে তইধু পাধা ওইয়্যে।” তে মরে এ কধাগান কনার্ পরেদি মুই গির্‌‌গিরেদে গির্‌‌গিরেদে উদিনে থিয়্যেলুং।

দানিয়েল 10:5

এন্ সময়োত্ মুই রিনি চেইনে মসীনার কাবড় উজ্যে আর কমরত্ আজল্ সোনার কমর-বিজোনি দিয়্যে এক্কো মান্‌জ্যরে দেগিলুং।

দানিয়েল 8:17

মুই যিয়েনত্ থিয়্যেই এলুং তে সেই জাগান ইধু এজানার পরেদি মুই দোরেইনে মাদিত্ পড়ি গেলুং। তে মরে কলঅ, “ও মান্‌জ্যর পুয়োবো‌‌, এ দর্শনান যে শেজ্‌কালর পৌইদ্যেনে সিয়েন তুই বুঝি লঅ।”

লূকে লেখ্যে গম্ হবর্ 1:19

স্বর্গদূত্তো তারে কলঅ, “মঅ নাঙান্ গাব্রিয়েল; মুই গোজেন মুজুঙোত্ থিয়্যেই থাং। তঅ লগে কধা কবাত্তে আর তরে এ গম্ হবরান্ দিবাত্তে গোজেনে মরে পাধেয়্যে।

লূকে লেখ্যে গম্ হবর্ 9:29

তবনা গুরিবার্ অক্তত্ যীশুর মুয়ো চেঙারাগান্ বুদুলী গেলঅ আর তা কাবড়-চুগোড়ানি অমকদ ধুব্ ওই গেলঅ,

প্রেরিত্‌ 6:15

যিগুনে সেই দাঙর্ তেম্মাঙত্ বৈঈ এলাক্ তারা বেক্কুনে সেক্কে স্তিফান ইন্দি রিনি চেলাক্, তা মুয়োন এক্কো স্বর্গদূতো মুয়ো ধোক্ক্যেন্ ওই যেইয়্যে।

দ্বি’লম্বর বিররণ 33:1

গোজেনর মানুচ্‌ মোশি মরাণার আগেন্দি ইস্রায়েলীয়গুনোরে ইয়েন কোইনে আশিদ্‌বাদ গুরিলো,

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

যিহোশূয় 14:6

যিহূদা-গুট্টির্‌ মানুচ্চুনে গিল্‌গলত্‌ যিহোশূয়র ইদু গেলাক্‌ আর কনিসীয় যিফুন্নির পূঅ কালেবে তারে কলঅ‌, লগেপ্রভু কাদেশ-বর্ণেয়ত গোজেনর্‌ মানুচ্‌ মোশি ইদু মর্‌ আর তঅ পৌইদ্যেনে যিয়েনি কোইয়্যে সিয়েনি তর্‌ জানা আঘে।

ফগদাং পেইয়্যে 1:17

তারে দেগিনে মুই মরা ধোক্ক্যেন তা টেঙ কুরে পড়িলুং। সেক্কে তে তার্ ডেন্ আঢ্‌তান মঅ উগুরে থোইনে কলঅ, ন-দোরেচ্। মুয়ই পত্তম আর থুম্,

বিচের গুরিয়্যেগুন 13:10

মিলেবো যাদিমাদি যেইনে তা নেক্কোরে কলঅ, “সেদিন্যে যে মানুচ্চো মইদু দেগা দিয়্যে তে আরঅ এচ্চ্যে।”

বিচের গুরিয়্যেগুন 13:22

সেক্কে মানোহ তা মোক্কোরে কলদে, “আমি গোজেনরে দেখ্‌খ্যেই, হামাক্কাই আমাত্তুন্‌ মরা পুরিবো।”

বিচের গুরিয়্যেগুন 13:3

লগেপ্রভুর দূত্তো তা মোক্কোরে দেগা দিইনে কলঅ, “তুই ভাঝ্‌ বিলিনে তর্‌ কনঅ ঝি-পূঅ ন-অন্‌, মাত্তর্‌ তুই পিদিলী অবে আর তর্‌ এক্কো পূঅ অবঅ।

বিচের গুরিয়্যেগুন 13:7

তে মরে কলঅ, ‘তুই পিদিলী অবে আর তর্‌ এক্কো পূঅ অবঅ। সেনত্তেই ইক্কিনেত্তুন্‌ ধুরি তুই আংগুর-রস বা কনঅ মদ অথবা অসিজি কিজু ন-খেবে, কিত্যে জর্মত্তুন ধুরি মরণ সং পূঅবো গোজেনর্‌ নাঙে নাসরীয় অবঅ।’”

বিচের গুরিয়্যেগুন 13:8

এই কধাগান শুনিনে মানোহ লগেপ্রভুর ইদু ইয়েন কোইনে তবনা গুরিলো, “ও প্রভু, গোজেনর্‌ যে মানুচ্চোরে তুই আমা ইদু পাধেই দুয়োচ্‌, মুই কোজোলি গরঙর্‌ আরঅ যেনে তে এজে আর যে পূঅবোর জর্ম অবঅ তারে আমাত্তুন কি গরা পুরিবো সিয়েন আমারে শিগেই দে।”

বিচের গুরিয়্যেগুন 6:11

একদিন্যে লগেপ্রভুর দূত্তো এইনে অফ্রা আদামর এলোন গাজছোর্‌ তলে বুযিলো। এই জাগায়ান অলঅ অবিয়েষ্রীয় বংশর যোয়াশর গজগত্। সিয়েনত্‌ তার পূঅ গিদিয়োনে মিদিয়নীয়গুনোত্তুন্‌ গম লুগেই থবাত্তে আংগুর মারিবার জাগানত্‌ সিগুন্‌ ঝাড়ের্‌।

১ শমূয়েল 2:27

একদিন্যে গোজেনর এক্কো মানুচ্ এলির ইদু এইনে কলঅ, লগেপ্রভু কত্তে, তর্‌ পুরোণি মানুচ্চুনে যেক্কে মিসরত্‌ ফরৌণর অধীনোত এলাক সেক্কে তারা ইদু কি মুই নিজোরে আভাংপাং গুরি ফগদাং ন-গরং?

১ শমূয়েল 9:6

মাত্তর্‌ সেই চাগরবো তারে কলঅ, “চাহ্, এই শঅরত্‌ গোজেনর এক্কো মানুচ্‌ থায়। তারে বেক্কুনে সর্মান গরন্‌ আর তে যিয়েনি কয় সিয়েনি হামাক্কায় ঘদে। আদিচ্‌, আমি ইক্কিনে সিদু যেই। তে অয়ত কোই দি পারিবো কন্‌ পদেন্দি আমাত্তুন্‌ যাহ্ পুরিবো।”