বিচের গুরিয়্যেগুন 13:5 - Chakma Bible

⁵ তর্‌ যে পূঅবো অবঅ তুই তা মাধাবোত্‌ কনদিনঅ ক্ষুর্‌ ন-বাজেবে, কিত্যে জর্মত্তুন ধুরি পূঅবো গোজেনর্‌ নাঙে নাসরীয় অবঅ। পলেষ্টীয়গুনোর আঢত্তুন তেয়ই ইস্রায়েলীয়গুনোরে উদ্ধোর গুরিবার কামান আরাম্ভ গুরিবো।”

বিচের গুরিয়্যেগুন 13:5 ပူးပေါင်းရင်းမြစ်များ

২ শমূয়েল 8:1

পরেন্দি দায়ূদে পলেষ্টীয়গুনোরে ওদেই দিইনে তারার্‌ নিজো অধীনোত্‌ আনিলাক্। তে পলেষ্টীয়গুনোর আঢত্তুন্‌ মেথেগ-আম্মাাগান্ গজক্ গুরি নেযেল।

১ বংশধর 18:1

পরেন্দি দায়ূদে পলেষ্টীয়গুনোরে ওদেই দিইনে তারারে নিজো অধীনোত্‌ আনিলো। তে পলেষ্টীয়গুনো আদত্তুন্‌ গাৎ আর তা কায়-কুরে আদামানি গজক্ গুরি নেযেল।

আমোষ 2:11

ও ইস্রায়েলর্ মানুচ্চুন, এ কধাগান কি সত্য নয় যে, মুই তমা পুয়োগুনো ভিদিরেত্তুন্ কয়েক জনরে ভাববাদী আর কয়েক জনরে নাসরীয় ইজেবে বেঈ লোইয়োং?

গণাণা 6:5

যেদকদিন সং তে নাসরীয় ইজেবে নিজোরে যুদো গুরি রাগেব বিলি শমক্‌ গোজ্যে সেদকদিন সং তার্‌ মাদাত্‌ ক্ষুর্‌ বাজেই ন-পারিবো। লগেপ্রভুর্‌ নাঙে যুদো ওই থেবার্‌ সময়োত্‌ তাত্তুন্‌ লগেপ্রভুর ওইনে থাহ্ পুরিবো। তার্‌ চুলান্‌ লাম্বা অবাত্তে সুযোগ দিয়া পুরিবো।

লূকে লেখ্যে গম্ হবর্ 1:15

কিয়া প্রভুর্ চোগেদি তে দাঙর্ অবঅ। তে কনদিন্অ আংগুর-রস বা কনঅ বাবোত্যে মদ্ ন-হেবঅ আর মা পেদত্ থাগদে তে পবিত্র আত্মালোই ভর্ পুনোং অবঅ।

বিচের গুরিয়্যেগুন 16:17

সেনত্তেই তে তারে বেক্‌ কধানি ভাঙি কলঅ। তে কলদে, “মঅ মাদাবোত্‌ কনদিনঅ ক্ষুর্‌ দিয়্যে ন-অয়। জর্মত্তুন্‌ ধুরি মুই গোজেনর্‌ নাঙে এক্কো নাসরীয়। মঅ মাদাবোর্‌ চুলানি মুড়েলে মঅ বলানে মরে ছাড়ি যেবঅ। সেক্কে মুই অন্য যে কনঅ মান্‌জ্য ধোক্কেন্‌ বল্‌পোজ্যে ওইনে যেম্‌।”

১ শমূয়েল 1:11

তে লগেপ্রভুর ইদু মানত্ গুরিনে কলঅ, “ও দুনিয়ের গিরোজ্ লগেপ্রভু, তুই যুনি তর্‌ এই চাগরানীবোর মনত্‌ দুঘ্‌কান ইন্দি একবার চাজ্ আর মইন্দি মনযোগ দে আর মরে পুরি ন-ফেলেইনে যুনি তর্‌ এই চাগরানীবোরে এক্কো পূঅ দুয়োচ্‌ সালে সারা ঝিংকানিবর্‌ মুই তারে তর্‌ নাঙে দান গুরিম। তার মাদাবোত্‌ কনদিনঅ ক্ষুর বাজানা ন-অবঅ।”

১ শমূয়েল 7:13

এধোক্ক্যেনগুরি পলেষ্টীয়গুনোরে দোঙানা অলঅ। ইয়েনর্ পরেন্দি তারা আর ইস্রায়েলীয়গুনোর দুঝিত্‌ ন-সোমেলাক্। শমূয়েলে যেদকদিন বাঁজি এলঅ সেদকদিন সং লগেপ্রভু পলেষ্টীয়গুনোর বিরুদ্ধে এলঅ।