বিচের গুরিয়্যেগুন 13:14 - Chakma Bible

¹⁴ আংগুর গাজত্তুন্‌ যিয়েনি অয় সিয়েনি তে কনকিজু খেই পেদ নয়। আংগুর-রস বা কনঅ মদ অথবা অসিজি কিচ্ছু তে খেই ন-পারিবো। মুই তারে যেদক্কানি উগুম দুয়োং সিয়েনি বেক্কানি তাত্তুন পালা পুরিবো।”

বিচের গুরিয়্যেগুন 13:14 ပူးပေါင်းရင်းမြစ်များ

যিরমিয় 35:6

মাত্তর্ তারা কলাক্, “আমি আংগুর-রস ন-হেই, কিত্তে আমা পুরোণি মানুচ্ রেখবর পুয়ো যিহোনাদবে আমারে এ উগুমান দিয়্যে, ‘তুমি বা তমা বংশধরুনে কনদিন্‌অ আংগুর-রস ন-হেবা।

গণাণা 6:2

তুই ইস্রায়েলীয়গুনোরে জানেই দে, যুনি কনঅ মরদ বা মিলেমানুচ্‌ নাসরীয় ইজেবে লগেপ্রভুর নাঙে যুদো ওই থেবাত্যে বিশেষ গুরি শমক্‌ খান্‌,

গণাণা 6:4

আজল্‌ কধা, তে যেদকদিন নাসরীয় থেবঅ সেদকদিন সং আংগুর ফলর কনঅ কিজু তে হেই ন-পারিবো, ইবের্‌ বিজিয়ো না বা খোজাগুনঅ না।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

যোহন 15:14

যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।

যোহন 2:5

তা মা সেক্কে চাগরুনোরে কলঅ, “তে তমারে যিয়েনি গুরিবাত্তে কয় সিয়েনি গরঅ।”

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

২ থিষলনীকীয় 3:4

প্রভু সমারে এগত্তর্ বিলিনে তমা পৌইদ্যেনে আমার্ এ বিশ্বেজ্‌চান আঘে, আমি তমারে যে উগুমানি দিয়্যেই সেবাবোত্যেগুরি তুমি কাম্ গরর্ আর গরানাত্অ থেবা।

বিচের গুরিয়্যেগুন 13:4

আংগুর-রস বা কনঅ মদ অথবা অসিজি কিজু যেনে তুমি ন-খঅ সেনত্তেই তত্তুন্‌ উঝিয়ার তা পুরিবো।

বিচের গুরিয়্যেগুন 13:7

তে মরে কলঅ, ‘তুই পিদিলী অবে আর তর্‌ এক্কো পূঅ অবঅ। সেনত্তেই ইক্কিনেত্তুন্‌ ধুরি তুই আংগুর-রস বা কনঅ মদ অথবা অসিজি কিজু ন-খেবে, কিত্যে জর্মত্তুন ধুরি মরণ সং পূঅবো গোজেনর্‌ নাঙে নাসরীয় অবঅ।’”