বিচের গুরিয়্যেগুন 12:6 - Chakma Bible

⁶ মাত্তর্‌ তারা কদাক্‌, “গম্‌ ওইয়্যে, সালে কদে চাং, ‘শিব্বোলেৎ।’” কধাগান গমেডালে সে ঘেচ্চারা গুরি ন-পারিনে যুনি তে কইদে, “ছিব্বোলেৎ,” সালে তারা তারে ধুরিনে যর্দন গাঙানর সে আদিনেই পার্‌ ওয়োন্দে জাগানত্‌ মারে ফেলেদাক্‌। ইঙিরিনেই সে অক্তত্‌ বিয়াল্লিশ আজার ইফ্রয়িমরে মারে ফেলা ওইয়্যে।

বিচের গুরিয়্যেগুন 12:6 ပူးပေါင်းရင်းမြစ်များ

গীতসংহিতা 69:15

পানি বান যেন মঅ উগুরেন্দি বেই ন-যায়, গভিন পানিগানে যেন মরে তলাত্ ন-ফেলায়; মরণ জাগানর মুয়োন যেন মত্তেই বানা ন-অয়।

গীতসংহিতা 69:2

মুই গভিন পুদোত্ ডুবঙর্, সিয়েনত্ মর্ থিয়্যেবার জাগা নেই। মুই গভিন পানিত্ এইনে পোজ্যং; বান পানিয়ে মঅ উগুরেন্দি বেই যার্।

গম্ উপদেজ্ 17:14

কোল্-কোজ্যে বাজানা গদা ভাঙি যেইয়্যে পানি ধোক্ক্যেন্, সেনত্তে তর্কাতর্কি গুরিবার আগেদি সিয়েন বাদ দুয়ো।

গম্ উপদেজ্ 18:19

ভেইলোই অগমান্ ওইয়্যে ভেই দরমর শঅরত্তুন্ বেশ্ দর; আর কোল্-কোজ্যে রাজঘর গেদোর দরমর লাগাড়াবো ধোক্ক্যেন্।

উপদেশক 10:12

জ্ঞানী মান্‌জ্যর মুয়োর্ কধাত্ দোয়্যে থায়, মাত্তর্ ভুলো তা মুয়োর্ কধালোই নিজোরে ভস্ত গরে।

যিশাইয় 27:12

ও ইস্রায়েলীয়গুন্, সেদিন্যে বেঈ যেইয়্যে ইউফ্রেটিসত্তুন্ মিসরর্ শুগুনো গাঙান সং শোজ্য মারেদে ধোক্ক্যেন্ গুরি লগেপ্রভু তমারে মাড়িবো, আর এক এক গুরিনে তমারে এগত্তর্ গুরিবো।

মথি লেখ্যে গম্ হবর্ 12:25

তারা কি ভাবদন্ সিয়েন যীশু কোই পারিদো আর তারারে কলঅ, যে রেজ্যগান নিজো ভিদিরে ভাগ্ ওই যায় সে রেজ্যগান্ ভস্ত অয়। আর যে শঅরান্ বা পরিবার্‌‌বো নিজো ভিদিরে ভাগ্ ওই যায় সে শঅর্ বা পরিবার ন-টিগে।

মথি লেখ্যে গম্ হবর্ 26:73

যে মানুচ্চুনে সিয়েনত্ থিয়্যেই এলাক্ তারা হানক্কণ্ পরেদি পিতররে এইনে কলাক্, “হামাক্কায় তুই সিগুনোত্তুন্ একজন; তঅ কধানিয়ে তরে ধুরি দের্।”

মার্ক 14:70

পিতরে আরঅ অস্বীগের্ গুরিলো। যিগুনে কায়কুরে থিয়্যেই এলাক্ তারায়ো কানক্ষণ্ পরেদি পিতররে কলাক্, “হামাক্কায় তুই সিগুনোত্তুন্ একজন, কিয়া তুই দঅ গালীলো মানুচ্।”

গালাতীয় 5:15

মাত্তর্ যুনি তুমি একজন আরেকজন সমারে কোল্-কোজ্জ্যে গরঅ সালে উজিয়ার্! এবাবোত্যে গুরিলে তুমি দঅ একজন আরেকজনরে ভস্ত গুরি ফেলেবা।

বিচের গুরিয়্যেগুন 12:5

যর্দন গাঙর্‌ যে জাগায়ানি আদিনে পার্ ওই ইফ্রয়িম চাগালার ইন্দি যাহ্ যায় সে জাগায়ানি গিলিয়দীয়গুনে গজক্‌ গুরি নিলাক। ইফ্রয়িম-গুট্টির বাঁজি থেইয়্যে কনঅ মানুচ্‌ যেক্কেনে কদাক্‌, “মরে পার্‌ অবাত্তে দে,” সেক্কে গিলিয়দর মানুচ্চুনে তারে পুযোর গুরিদাক্‌, তুই কি ইফ্রয়িমীয়? জোবত্‌ তে যুনি কদঅ, “না,”

বিচের গুরিয়্যেগুন 12:7

গিলিয়দীয় যিপ্তহ ছঅ বজর সং ইস্রায়েলীয়গুনোর শাজন্‌গুরিয়্যে এলঅ। তে মুরি যানার পরেন্দি তারে গিলিয়দর এক্কান আদামত্‌ গোর্ দিয়্যে অলঅ।