বিচের গুরিয়্যেগুন 12:5 - Chakma Bible

⁵ যর্দন গাঙর্‌ যে জাগায়ানি আদিনে পার্ ওই ইফ্রয়িম চাগালার ইন্দি যাহ্ যায় সে জাগায়ানি গিলিয়দীয়গুনে গজক্‌ গুরি নিলাক। ইফ্রয়িম-গুট্টির বাঁজি থেইয়্যে কনঅ মানুচ্‌ যেক্কেনে কদাক্‌, “মরে পার্‌ অবাত্তে দে,” সেক্কে গিলিয়দর মানুচ্চুনে তারে পুযোর গুরিদাক্‌, তুই কি ইফ্রয়িমীয়? জোবত্‌ তে যুনি কদঅ, “না,”

বিচের গুরিয়্যেগুন 12:5 ပူးပေါင်းရင်းမြစ်များ

১ রাজাবলী 11:26

নবাটর পূঅ যারবিয়ামেয়ো রাজা শলোমনর্ বিরুদ্ধে উল্লোমি গুরিলো। তে এলদে শলোমনর্ ইক্কো কামগুরিয়্যে, সরেদা আদামর্‌ ইক্কো ইফ্রয়িমীয় মানুচ্‌। তা মাবোর্‌ নাঙান্‌ এলদে সরূয়া; তে রানিমিলে এলঅ।

যিহোশূয় 2:7

রাহবর কধানি শুনিনে সে মানুচ্চুনে চড়ুনোরে ধুরিবাত্তে নিগিলিলাক্‌। যর্দন গাঙানর্‌ যে পথ্‌তানন্দি আদিনে পার্‌ অন্‌ তারা সিদু যেবার্‌ পথ্‌তান্‌ ধুরিনে যাহ্ ধুরিলাক্। তারা শঅরর্‌ বারেন্দি যেবার লগে লগেই শঅরর্‌ দোরান্‌ বানা গেলঅ‌।

যিহোশূয় 22:11

বাদবাগী ইস্রায়েলীয়গুনে যেক্কে শুনিলাক্‌, তারার্‌ জাগানিত্‌ কনান দেজর্‌ দুযিত্‌ যর্দন চাগালার্‌ গাঙানর্‌ কায়কুরে তারা এক্কো পূজো যুক্কোল্‌ গোজ্যন,

বিচের গুরিয়্যেগুন 12:4

যিপ্তহ সেক্কে গিলিয়দর বেক্‌ মানুচ্চুনোরে ডাগিনে এগত্তর্‌ গুরিনে ইফ্রয়িমর মানুচ্চুনোর বিরুদ্ধে যুদ্ধো গুরিলো, কিত্যে ইফ্রয়িম-গুট্টির মানুচ্চুনে কোইয়োন, “ও গিলিয়দীয়গুন, তুমি দঅ ইফ্রয়িম আর মনঃশি-গুট্টির দল ছাড়ি এচ্চ্যে মানুচ্‌।” সে যুদ্ধোত্‌ গিলিয়দীয়গুনে তারারে ওদেই দিলাক্‌।

বিচের গুরিয়্যেগুন 12:6

মাত্তর্‌ তারা কদাক্‌, “গম্‌ ওইয়্যে, সালে কদে চাং, ‘শিব্বোলেৎ।’” কধাগান গমেডালে সে ঘেচ্চারা গুরি ন-পারিনে যুনি তে কইদে, “ছিব্বোলেৎ,” সালে তারা তারে ধুরিনে যর্দন গাঙানর সে আদিনেই পার্‌ ওয়োন্দে জাগানত্‌ মারে ফেলেদাক্‌। ইঙিরিনেই সে অক্তত্‌ বিয়াল্লিশ আজার ইফ্রয়িমরে মারে ফেলা ওইয়্যে।

বিচের গুরিয়্যেগুন 17:7

সে সময়োত্‌ যিহূদা চাগালাত্‌ বৈৎলেহমর এক্কো লেবীয় গাবুজ্যে যিহূদা-গুট্টির মানুচ্চুনো সমারে বজত্তি গুরিদো।

বিচের গুরিয়্যেগুন 3:28

কিত্যে তে তারারে উগুম দিয়্যে, “মঅ পিজে পিজে এজঅ; লগেপ্রভু তমা শত্রু মোয়াবীয়গুনোরে তমা আঢত্‌ তুলি দিয়্যে।” সেনত্তেই তারা তার্‌ পিজে পিজে লামি যেইনে মোয়াবর কায়কুরে যর্দন গাঙর্‌ যে জাগানত্‌ আঢিনে পার্‌ ওয়া যায় সিয়েনি গজক্‌ গুরি নিলাক্‌। তারা কাররে সেই জাগায়ান ইন্দি পার্‌ অবাত্তে ন-দিলাক্‌।

বিচের গুরিয়্যেগুন 7:24

সে পরেন্দি গিদিয়োনে ইফ্রয়িমর মুড়ো-মুড়ি চাগালাত্‌ বেক জাগায়ানিত মানুচ্ পাদেইনে কলঅ, “তুমি মিদিয়নীয়গুনোর বিরুদ্ধে লামি এজঅ আর তারা লুমিবার আগেন্দি বৈৎ-বারা সং বেক চিগোন গাঙানিত্‌ আর যর্দন গাঙানিত্‌ আদিনে পার্‌ অবার্‌ জাগায়ানি গজক্‌ গুরি নেযঅ।” সেক্কে ইফ্রয়িমর বেক মানুচ্চুনে এগত্তর্‌ ওইনে বৈৎ-বারা সং বেক চিগোন গাঙানি আর যর্দন গাঙান আদিনে পার অবার জাগায়ানি গজক্‌ গুরি নেযেলাক্‌।

১ শমূয়েল 1:1

ইফ্রয়িমর মুড়োমুড়ি চাগালাত্‌ রামাথয়িম-সোফীম শঅরত্‌ ইল্‌কানা নাঙে এক্কো মানুচ্ ইফ্রয়িম-গুট্টির মানুচ্চুনো লগে বজত্তি গুরিদো। তা বাপ্পোর নাঙান্‌ এলদে যিরোহম। যিরোহম অলদে ইলীহূর পূঅ, ইলীহূ এলদে তোহেরর পূঅ আর তোহ এলদে সুফেরর পূঅ।